Mateyu 21:19 - Mawu a Mulluku

¹⁹ Ahoona muteekho wanamukuyu mukhwipi mwa musewu aya vaavo koma khaaphwanyillevo ezipaso koma makukhuve. Vano aallota wa muteekhooyo wi, “Khawimmattho ezipaso mallapo mattheene!” Enthawi yeeyo muteekho wanamukuyooyo wahumma.

Mateyu 21:19 Iomraidhean Croise

Yesaya 5:2

Aayillima phaama, avenyihamo malluku, aallamo mpesa ddaphaama wunchichi. Aamaka nttattha variyari va emateeyo, aasema moovotellamo mpesa muwarimmo. Aatiyerella wi emateeyo yimme mpesa waphaama koma wimmalle mpesa woonanara.

Yeremiya 8:13

“Kaapaalla wi kaatthukumanihe athwaaka wonanko oollima anatthukumanihelleeye ddoohata koma tti wonanko mpesa woohimma echipaso, wonanko muteekho wanamukuyu woohimma namukuyu wawi naari makukhu aanyaalla. Sika vano, koowaakhullella athu eelleto wi yaakhe ellapo.”

Mateyu 21:20

Oohudderaalle yoonilliiwa ddenndda yaattikhina emukoha Yesu wi, “Muteekho wanamukuyoolla waakuvalle wumma mwawiidde?”

Mariko 11:14

Yesu aallota wa muteekho wanamukuyooyo wi, “Khakhallavottho muthu anaawe amuche namukuyu oovenyera mwa weyaano!” Nave oohudderaaye yaamwiiwa.

Mariko 11:20

Osaka wene ohinase Yesu ni oohudderaaye yeetiiwa m'musewuni, yahoona muteekho wanamukuyoolle. Waari wummalle muttheene ni misisi ddene.

Luka 3:9

Kottokwa ari khalle vatthi va orive muteekho wi yuuhe woohimma ezipaso ddaphaama wi ovokhelliwe viikho.”

Yohane 15:2

Alliwa ennuuha erive enthambi ya miyaano ehinimma ezipaso nave ennaphaddera erive enthambi eyo eniimma ezipaso wi yimme ezipaso ddawaata.

Yohane 15:6

Muthu aahikhalla mwa miyaano annavokhiwa vaatte wonanko enthambi yawumma. Nave enthambi ddennddo ddinnatthukumanihiwa ddivokhelliwa vamunlloni ddisha.

2 Timoteo 3:5

Eneereke wooneya wonanko oollapella koma masiviiwa yahaakhoota. Athu yaayo ohaathwareke.

Tito 1:16

Ennaakhullella wi ennamudduwella Mulluku nave ni mitteko ddiwa ennamukhoota vawi tti oonanara, oohiiwellella ni oohiphwanella weera erive ello yaphaama.

Yuda 1:12

Yaalla sika enaripiha machellellwaanyu oohakallallella eyaattano mumpingoni vawi ennikonda weekhiiwa moohiwulliwa muru. Tti wonanko mirapo ddookakhiwa ni ephevo nave ddoohimurupiha murimu. Tti wonanko miteekho ddoohimma ezipaso naari ophiyalle omamallihello wa enthawi yoohata ezipaso. Tti wonanko miteekho ddootulliwa nave ddaakhwa.

Yawuupullulla 22:11

Oyo ari oohilungama avirellelle okhalla oohilungama navettho oyo ari ooripihiwa avirellelle wiiripiha ni ddoonanara, oyo ari oolungama avirellelle okhalla oolungama ni oyo ari aweella wi avirellelle okhalla aweella.”