Mateyu 21:15 - Mawu a Mulluku

¹⁵ Allupa mukutho uullupalli ni ahuddihi a malamulo* yaasha murima yoonilliiwa ddoottikhiniha eerilleeyennddo navettho anamwani ekhuwaka mu enyumba ya Mulluku wi, “Ntitimiho nikhalle wa Edduullu ya mwene Davide.”

Mateyu 21:15 Iomraidhean Croise

Yesaya 26:11

Nyu Apwiya, mootukhullella muddullu nnatta nanyu wi mwaallake koma alliwa khenoona nnattanno. Athwaayo ewulliwe muru vawoonani mmo munaakondelleenyu athwaanyu. Munllo mwaakharihelleenyu adanaanyu waashellellihe alliwa.

Mateyu 20:24

Oohuddera amodda khumaalle yiiwalliiwa ddennddo, yahaashella murima Yakobo ni Yohane.

Mateyu 21:23

Yesu aahokollweella mu enyumba ya Mulluku nave ahuddiheeye allupa mukutho uullupalli ni attekweene yaamuweella emukoha wi, “Muneera ddenndda ni olamulello woovenyera wuuwi? Uuvahilleni olamulello yoolla ttaani?”

Mateyu 21:9

Athu yeeta vahoollo va Yesu ni vatulli vaye yaakhuwa wi, “Ntitimiho nikhalle wa Edduullu ya Davide! Oodalisiwa oyo anawa mu nnddina na Apwiya. Ntitimiho nikhalle wa Mulluku.”

Mateyu 22:42

“Maganizwaanyu tti awi tini dda Mesiya?* Tti mwaana awani?” Yaamwaakhulla wi, “Tti Edduullu ya Davide.”

Mateyu 26:3

Vano allupa mukutho uullupalli ni attekweene yaatthukumana mu enyumba yoomwene ya Kayafa, mullupa mukutho muullupalli.

Mateyu 26:59

Nave allupa mukutho uullupalli ni attekweene a millatu attheene yahaashaasha omboni wawoottha woomuvaanyiha Yesu wi emwiiphe.

Mateyu 27:1

Osaka wene ohinase allupa mukutho uullupalli attheene ni attekweene a Ayuda* yaakumana wi yiiwanane ddoomwiipha Yesu.

Mateyu 27:20

Koma allupa mukutho uullupalli ni attekweene a Ayuda yahaakopa athwaalle wi emuveke Pilato amuttaphulle Baraba nave Yesu iiphiwe.

Mateyu 9:27

Yesu aavenyavo vanipuroni valle nave eetaka, athu eelli oohoona yaamuthwara. Yaakhuwa wi, “Nyu edduullu ya Davide, muneerelle echifundo!”

Mariko 11:18

Allupa mukutho uullupalli ni ahuddihi a malamulo* yiiwalliiwa yeella, yahaamba waashaasha ettilla yawi emwiiphelle Yesu. Yaanamoova kaambiiwa athu attheenaayo yaattikhina wunchichi ni ehuddihwaaye.

Luka 20:1

Nllapo nimodda Yesu aariiye mu enyumba ya Mulluku aahuddihaka athu ni ollalleya othenga waphaama, allupa mukutho uullupalli, ahuddihi a malamulo* ni attekweene a Ayuda* yaawa.

Luka 22:2

Allupa mukutho uullupalli ni ahuddihi a malamulo* yahaashaasha ettilla yawi emwiiphe Yesu koma yawoova athu.

Luka 22:66

Osaka wene ohinase, attekweene a Ayuda, allupa mukutho uullupalli ni ahuddihi a malamulo yaakumana nave ewaana Yesu o nthato niwa namillatu.

Yohane 11:57

Vano allupa mukutho uullupalli ni Afarisi yaalamula wi muthu mmodda adduwella nko ariiyewo, aalleelle wi yammake.

Yohane 12:19

Vano Afarisi* yaallota mmodda ni mukhwaaye wi, “Munnoona wi noolephela vano! Ngoonani, ellapo yavatthi ettheene enamuthwara olliye.”

Yohane 4:1

Afarisi* yahiiwa wi Yesu annaakopa ni waabatiza oohuddera anchichi omukhwaranya Yohane.

Yohane 7:42

Mawu a Mulluku enallota wi, Mesiyooyo anaakhalle edduullu ya mwene Davide nave anaayariwelle mu Betelehemu, m'muzi mmo mwakhalla Davide.”