Mateyu 21:12 - Mawu a Mulluku

¹² Yesu aavollowa mu enyumba ya Mulluku awiikariha athu ookulliha ni ookulla malonda ddeko ddooheraatthella mukutho mwemmo. Aarukunusa matebulo a athu awaakakhaniha makobiri navettho mipando dda ookulliha ekhunda.

Mateyu 21:12 Iomraidhean Croise

Eksodo 30:13

Arive muthu anaaphwanelle olembiwa mu kalembelammo avelleelle makobiri moollikana ni yoolingella yoopatuleya wi ekhalle yoovelleella ya wa miyaano.

Levitiko 1:14

“Mukutho wooshellellihooyo wakhalla wa epallame, nikhalleke nnddiya apaalle niwunda.

Levitiko 12:6

“Vano mallapo a oddeelliha waye emanlle, a mwaana aamullopwana apaalle aamutthiyana, aye wa mullupa mukutho ni mwaanaankhosa a muyakha mmodda va mullako wa musasa wamutthukumano wi enkhoseeyo ekhalle mukutho wooshellelliha. Ayeewottho ni niwunda apaalle nnddiya wi okhalle mukutho woopepesella machimo.

Levitiko 12:8

Koma aahikhallana mwaanaankhosa, akuse ekhunda piilli apaalle mawunda a ekhunda meelli. Nimodda nikhalle mukutho woopepesella machimo nave nimodda nikhalle mukutho wooshellelliha. Mullupa mukuthooyo aheraatthi ddennddo vamiitthoni va Apwiya moollikana ni mutetho woomweellihella mutthiyanooyo. Nave mutthiyanooyo aneerokhalla aweella.”

Levitiko 14:22

Avelleellettho mawunda meelli apaalle manddiya meelli moollikana ni opata waye. Nimodda nikhalle na mukutho woopepesella machimo, nimoddanno nikhalle na mukutho wooshellelliha.

Levitiko 14:30

Vano moollikana ni opata waye, avelleelle mawunda meelli apaalle manddiya meelli.

Levitiko 15:14

Va nllapo naneetthanu ni raru akuse apaalle mawunda meelli apaalle manddiya meelli nave aweena vamiitthoni va Apwiya va mullako wa musasa wamutthukumano, addivelleelle wa mullupa mukutho.

Levitiko 15:29

Va nllapo naneetthanu ni raru, akuse mawunda meelli apaalle manddiya meelli nave aweena wa mullupa mukutho, va mullako wa musasa wamutthukumano.

Levitiko 5:11

“Koma muthu aahikhallana manddiya meelli apaalle ekhunda piilli, awe ni othu waphaama wookwakhwana kilogaramu nimodda wi okhalle mukutho woopepesella nichimo nno aneerilleeye. Ahihellemo makhura apaalle lubani* kaambiiwa yooyo tti mukutho woopepesella machimo.

Levitiko 5:7

“Koma muthu aahikhallana enkhosa apaalle epuri, akuse manddiya meelli apaalle mawunda meelli wi ddikhalle mukutho woovelleelliwa wa Apwiya woopepesella machimo. Emodda ekhalle mukutho woopepesella machimo nave emoddeeyo ekhalle mukutho wooshellelliha.

Mariko 11:11

Yesu aavollowa mu Yerusalemu, aya mu enyumba ya Mulluku nave aawehaweha ddeko ddittheddene mwemmo. Nave kaambiiwa waari misikuwa, aakhuma aya o Betaniya ni oohudderaaye khumi ni eellaayo.

Luka 2:24

Yaavelleellattho mukutho voothwarani malamulo a Apwiya awi, “Eheraatthi ekhunda piilli apaalle mawunda a ekhunda meelli.”

Yohane 2:13

Enthawi ya Ehakallallo ya Paska a Ayuda yahaatamella, sika Yesu aaya o Yerusalemu.