Mateyu 2:4 - Mawu a Mulluku

⁴ Vano Herode ahaatthukumaniha allupa mukutho uullupalli ni ahuddihi a malamulo* attheene a Eyuda. Vano ahaakoha wi, “Anaayariwelle wuuwi Mesiyooyo.”

Mateyu 2:4 Iomraidhean Croise

2 Epilli 34:13

yaawehera athu ootukhulla katundu nave enaahoollella attheene yaphara orive mutteko woorumeyella. Nave Alevi amodda yaari anamalemba ni akapitawo navettho alonda.

2 Epilli 34:15

Vaavo Hilikiya aamulleella Shafani namalembella wi, “Kooniphwanya nibukhu na malamulo mu enyumba ya Apwiya.” Nave Hilikiya aanivelleella nibukhunno wa Shafani.

2 Epilli 36:14

Oohoollella attheene a allupa mukutho ni athu amodda yaheera ddoohiroromelleya ddinchichi voothwarani ddoonanara dda athu. Nave yaaripiha enyumba ya Apwiya ayo yiipatulelle khalle o Yerusalemu.

Ezara 10:5

Sika Ezara aavenya nave ahaallupelliha oohoollella a allupa mukutho, Alevi ni Aisraele attheene wi yeere moollikana ni mmo ddallotelliwiiwa nave yaallupella.

Ezara 7:6

Ezaroolla aawa ovenyera o Babiloni. Olliye aari muhuddihi eeruso a malamulo a Mose ayo Apwiya Mulluku a Israele aavelleelleeye. Nave amwene yaamwinnya ddittheddene avekilleeye ekaamba yawi nnatta na Mullukwaaye naari va olliye.

Nehemiya 12:7

Salu, Amoki, Hilikiya ni Yedaya. Athu yaalla yaari oohoollella variyari va allupa mukutho ni abaliiwa mu enthawi ya Yeshuwa.

Masalimo 2:2

Mamweniiwa ennapangana ddakhoto, oolamulelliiwa enniiwanana ddoonanara, ddawaawukila Apwiya ni oozoziwiiwa.*

Yeremiya 8:8

Munaallote mwawiidde wi muri eezeru nave wi mookhalla ni malamulwaaka? Ngoonani vawi malamulwaayo aasinthiwa ni alembi awoottha.

Malaki 2:7

“Vawi tti mutteko wa mullupa mukutho osunga ehuddiho yawoona nave athu yaasheke malangizo ovenyera wa olliye vawi olliye sika amithenga a Apwiya Amasiva Mattheene.

Mateyu 13:52

Vano Yesu ahaalleella wi, “Sika arive muhuddihi a malamulo* oyo anakhalla oohuddera a omwene wa Mulluku ari wonanko mwaneena a nibanja oyo anakhumiha ddeko ddanaanweene ni ddakhalle mu enyumba yoosungellamo.”

Mateyu 2:3

Mwene Herode iiwalleeye nndda, ahaapheella muru vamodda ni athu attheene a o Yerusalemu.

Mateyu 2:5

Vano yaamulleella wi, “Mu Betelehemu a Yudeya. Vallethi namallotella aalemba wi,

Mateyu 21:15

Allupa mukutho uullupalli ni ahuddihi a malamulo* yaasha murima yoonilliiwa ddoottikhiniha eerilleeyennddo navettho anamwani ekhuwaka mu enyumba ya Mulluku wi, “Ntitimiho nikhalle wa Edduullu ya mwene Davide.”

Mateyu 21:23

Yesu aahokollweella mu enyumba ya Mulluku nave ahuddiheeye allupa mukutho uullupalli ni attekweene yaamuweella emukoha wi, “Muneera ddenndda ni olamulello woovenyera wuuwi? Uuvahilleni olamulello yoolla ttaani?”

Mateyu 26:3

Vano allupa mukutho uullupalli ni attekweene yaatthukumana mu enyumba yoomwene ya Kayafa, mullupa mukutho muullupalli.

Mateyu 26:47

Yesu allotaka ddiiddo, Yudasi, mmodda a khumi ni eelli a oohudderaalle aaphiya ni mulloko muullupalli wa athu ekusalle masupada ni ekoonda erumiwe ni allupa mukutho uullupalli ni attekweene a Ayuda.*

Mateyu 27:1

Osaka wene ohinase allupa mukutho uullupalli attheene ni attekweene a Ayuda* yaakumana wi yiiwanane ddoomwiipha Yesu.

Mateyu 7:29

vawi ahuddiha ni olamulello waakhwaranya ahuddihi a malamulo.*

Mariko 8:31

Yesu ahaamba waahuddiha oohudderaaye wi tti woopaalleya wi olliyooyo, “Mwaana a Muthu, aneerohoosiwa wunchichi ni okhootiwa ni attekweene a Ayuda,* allupa mukutho uullupalli ni ahuddihi a malamulo* nave aneerewiiphiwa koma vavira mallapo mararu aneerovenya wa ookhwa.”

Luka 20:19

Ahuddihi a malamulo ni allupa mukutho uullupalli enthawi yeeyo yaapaalla wi emmake Yesu kaambiiwa yaadduwella wi ahaalleella niphwanaphwaniho nowaavaanyiha. Koma yawoova athwaayo.

Luka 23:10

Allupa mukutho uullupalli ni ahuddihi a malamulo* yahiimella emullotella Yesu wi oochimwa.

Yohane 18:3

Vano Yudasi aakusa mulloko wa akhoto a o Roma ni oowehera enyumba ya Mulluku oorumihiwa ni allupa mukutho uullupalli ni Afarisi,* ayaana omatanko. Yaatukhulla enyali ni mitthiko ni ezida dda ekhoto.

Yohane 3:10

Yesu ahaakhulla wi, “We ori muhuddihi muullupalli mu Israele nave khonadduwella nndda?

Yohane 7:32

Afarisi* yiiwalliiwa athu enong'onaka dda Yesu m'mullokoni mulle, alliwaayo ni allupa mukutho uullupalli yahaaruma akhoto a o enyumba ya Mulluku wi yammake.

Yohane 8:3

Ahuddihi a malamulo* ni Afarisi* yaawaana mutthiyana oophariwa araruwaka nave yaamwiimesa variyari viwa.

Mitteko 23:9

Athwaalle yaanyahuwa okhuwa nave ahuddihi amodda a malamulo ayo yaari a mulloko wa Afarisi yahiimella ellota mookhuwa wi, “Hi khaninaphwanya mullatu woomuvaanyihera muthoolla! Ttuuworeya wi munepa apaalle mungelo sika allotille wa olliyoolla!”

Mitteko 4:5

Vano osaka wene oohoollella ni attekweene a Ayuda* ni ahuddihi a malamulo* yaatthukumana o Yerusalemu.

Mitteko 6:12

Sika Ayuda, attekweeniiwa ni ahuddihi a malamulo* yaamushella murima Sitefano. Yaamuphara Sitefano emukusella vanthatoni namillatu.