Mateyu 2:2 - Mawu a Mulluku

² Vano yaakoha wi, “Ari wuuwi mwaanooyo ayariwe wi akhalle mwene a Ayuda? Hiyaano noonille etheneeri yoodduwelliha oyariwa waye ekhumalle wookhuma nndduwa, vano noowa wi nimullapelle.”

Mateyu 2:2 Iomraidhean Croise

Masalimo 2:6

Apwiya enallota wi, “Kaamutthoolla khalle mwenaaka, vamwaangoni waweella wa Ziyoni.”

Masalimo 45:11

Mwene aneerewuupaalla ekaamba ya oreera wawo, mukokhorelle vawi tti apwiiyo.

Yesaya 60:3

Athu a mitundu ddimodda eneerothwara owala wawo, mamwene eneeroowa o onyezimella wawo wonanko nndduwa naakhumaka.

Yeremiya 23:5

Apwiya enallota wi, “Enimawa mallapo kinaamuphuwihelleemi Davide enthambi yoolungama eyo enaakhalle mwene eezeru ni aweeruza mweechilungamo ni moohiweha ekhove mwiillaponimmu.

Yeremiya 30:9

Vano enaarumeyelleke mi Apwiya Mullukwiiwa ni edduullu ya Davide eyo kinaayitthoolleemi.”

Zekariya 9:9

Nyu athu a o Ziyoni, hakallallani wunchichi! Nyu athu a o Yerusalemu, thapellani! Ngoonani, mwenaanyu animawa wa nyuwaano! Anawa ari oopambana ni oogonjiha koma awiiyeviha ni oomuwella bulu, mwananankhoro a bulu.

Numeri 24:17

Kinooneemi ddiri muhoollo, kinaweheemi ddiri woorekamella. Mwene aneerokhuma mwa Yakobo, wonanko etheneeri aneerokhuma mwa Israele. Aneerewaanyenya oohoollella a Amowabu eneerewaagonjiha athu a Seti.

Mateyu 2:3

Mwene Herode iiwalleeye nndda, ahaapheella muru vamodda ni athu attheene a o Yerusalemu.

Mateyu 21:5

“Ngaalleelleni athu a o Ziyoni wi, ‘Ngoonani, mwenaanyu animawa wa nyuwaano! Tti awiiyeviha navettho amuwenlle mwaanabulu, mwaana a enama yoomutukhulla katundu.’ ”

Mateyu 27:11

Vano Yesu ahiimella vamiitthoni va Pilato, oolamulella a o Romoolle nave oolamulellooyo aamukoha wi, “We tti Mwene a Ayuda?” Yesu ahaakhulla wi, “Mullotillethi nyookha.”

Luka 19:38

“Oodalisiwa Mwene oyo anawa mu nnddina na Apwiya! Murendelle oddullu nave ntitimiho wa Mulluku!”

Luka 2:11

Ollello vaava mu etawoni ya Davide, oovullusaanyu ooyariwa, nnddina naye Khrisitu Apwiya!

Luka 23:3

Sika Pilato aamukoha wi, “We tti Mwene a Ayuda?” Yesu aallota wi, “Mullotillethi nyookha.”

Luka 23:38

Vaddullu va murwaaye vaakhalla yoolembiwa yawi, “Olla tti Mwene a Ayuda.”

Yohane 1:49

Natanaele ahaakhulla wi, “Muhuddihi, nyuwaano muri Mwaana a Mulluku! Nyuwaano muri Mwene a Israele!”

Yohane 12:13

Sika yaakusa enthambi dda miteekho ddakanjeza eya woomuchingamella yooyo, ekhuwaka wi, “Ntitimiho nikhalle wa Mulluku! Oodalisiwa oyo anawa mu nnddina na Apwiya! Oodalisiwa Mwene a o Israele!”

Yohane 18:37

Sika Pilato amukoha wi, “Vano weyaano tti mwene?” Yesu ahaakhulla wi, “Nyu sika munallota wi miyaano tti mwene. Kaayariwa nave kaawa mu ellapo yavatthi wi kivelleelle omboni dda yawoona. Muthu oyo anakhalla mu yawoona anniiwa mawaaka.”

Yohane 19:19

Pilato aalemba edduwanyeyiho iiyaatthi vamutandani. Aalembille wi, “Yesu a o Nazareti, Mwene a Ayuda.”

Yohane 20:28

Tomasi ahaakhulla wi, “Apwiyaaka ni Mullukwaaka!”

Yohane 5:23

wi attheene yakititimihe miyaano emoddamoddave yeeyo enaatitimiheriiwa Attiitthaaka. Oohikititimiha miyaano khenaatitimiha Attiitthaaka ayo yaakirumalle.

Yohane 9:38

Muthoolle aallota wi, “Apwiya, kinnakhulupilila.” Sika aamukokhorella Yesu.

Aheberi 1:6

Nave mvo Mulluku aariiye vakhuviru omukusa Mwanaye Awaamba ovollowana mu a ellapo yavatthi, aallota wi, “Angelwaaka attheene emullapelleke olliye.”

Yawuupullulla 22:16

“Mi Yesu, koomurumiha mungelwaaka wi allalleye ddeko ddenndda wa mipingo. Miyaano sika edduullu ya Davide, etheneeri yoowala ya thanda.”