Mateyu 2:13 - Mawu a Mulluku

¹³ Alleto a wookhuma nndduwaalle erowille, mungelo a Apwiya ahooneya wa Yosefe muullohani allota wi, “Ngavenya, omukuse mwaanooyo ni amennya muthawelle o Iguputo. Wakhalle wenko ophiyera kuulleelle yaweera kaambiiwa Herode anapaalla omwiipha mwaanooyo.”

Mateyu 2:13 Iomraidhean Croise

1 Mamwene 11:17

Koma Hadadi aathawella o Iguputo ni Aedomu amodda ayo yaari oorumeyella a attiitthinnya. Enthawi yeeyo Hadadi aari mwaana.

1 Mamwene 3:5

O Gibiyoni Apwiya yahooneyella wa Solomoni mahiiyu moolloha, emulleella wi, “Veka eyo onapaalleewe nave kineerewuuvaha.”

Yobu 33:15

Moollohani, mu masomphenya a mahiiyu, athu ekhwillevo ni ekhove, athu ekwindimaka vabedini viwa,

Yobu 33:17

Aneera nndda wi amurukunuse muthu o mitteko ddaye anapaalla wi okota wa muthu omalle.

Eksodo 1:22

Vano Farao ahaalamula athwaaye attheene wi, “Arive mwaana aamullopwana ooyariwa mwa Aheberi mumuvokhelleke m'muhinjeni wa Nailo koma anamwani attheene aatthiyana, mwaahiyeke ni okumi.”

Mateyu 1:20

Vano aganizeeye ello yeella, mungelo a Apwiya ahooneya wa Yosefe muullohani allota wi, “Yosefe, edduullu ya Davide, ohoove omutthella Mariya. Erukullu yeella tti ya masiva a Munepa Waweella.

Mateyu 10:23

Yaawuuhoosakani mu etawoni emodda thawellani mu matawoni mamoddattho. Ddawoona, kinimuulleellani wi muhinamallihe ophara muttekwaanyu mu matawoni attheene a Israele, mi Mwaana a Muthu kinaakhalle kiwiille.

Mateyu 2:12

Vano Mulluku aachenjezille muullohani wi ehihokollweelle wa Herode, yaahokollweella owaniwa oyeella ettilla emodda.

Mateyu 2:14

Vano Yosefe aavenya, amukusa mwaanooyo ni amennya mahiiyu yaayo eya o Iguputo.

Mateyu 2:16

Vano Herode adduwenlleeye wi alleto a wookhuma nndduwaalle yaamoottottha, aasha murima. Ahaalamulella akhoto wi yawiiphe anamwani aallopwana oohikhwaranya miyakha miilli a mu Betelehemu ni m'mapuroni mutthemwene mwawaatamanana moollikana ni yeeyo aakohesesilleeye alletwaalle dda enthawi yoonilliiwa etheneereelle.

Mateyu 2:22

Koma Yosefe iiwalleeye wi Arikalawo aari mwene a o Yudeya munipuroni mwa attiitthinnya, Herode, ahoova oya wenko. Vano Mulluku amuchenjezille muullohani, aaya o echigawo ya Galileya.

Mitteko 10:22

Alliwaayo yahaakhulla wi, “Korineliyo, akhoto muullupalli a o Roma a mulloko wa akhoto 100 sika anirumalle. Olliyoolla tti muthu oolungama ni oomoova Mulluku nave Ayuda attheene ennamuvaha olemu. Mungelo a Mulluku sika amulleelle wi awiithaneni muye onyumbani waye wi iiwe eyo munaalloteenyu.”

Mitteko 10:7

Nave mungeloolle aavenyavo, vano Korineliyo aawiithana allupa muttekwaaye eelli owaaka akhoto mmodda oyo aari oomullapella Mulluku nave oyo aari ovenyera mwa ayo yamurumeyella Korineliyo.

Mitteko 12:11

Nave Petro aadduwella ddamweereyellennddo allota wi, “Vano koodduwella wi tti ddawoona! Apwiya yaamurumiha mungelwiiwa wi akivulluse wa Herode ni wa ddeko ddittheddene Ayuda yatiyeriiwa wi ddikeereyelle.”

Mitteko 12:7

Moorurumusa owala wahooneya mundendemmo mungelo a Apwiya ooneyilleeye. Mungelooyo aamuttannya Petro vanthurini, amuvenyiha nave allota wi, “Akuva, venya!” Enthawi yeeyo onyolo oyo Petro amakiweeyena matta waamora.

Mitteko 16:36

Sika ooweheroolle aamulleella Paulo wi, “Attekweene a millatu aarumiha mawu awi weyaano ni Sila muttaphulliwe. Vano khumani nave rowani ni murendelle.”

Mitteko 5:19

Koma mahiiyu yaayo mungelo a Apwiya aahulla millako dda ondendenko, aakhumiha amurummwaayo, aalleella wi,

Mitteko 7:19

Mwenooyo ahaalleka nave ahaahoosa makhollwaahu vawaawatiherani wi yaahiyeke aniiwa ang'onong'ono vaatte wi ekhweke.

Yoswa 3:13

Allupa mukutho ootukhulla nibokosi na echipangano na Apwiya, Apwiya a ellapo yavatthi ettheene, yanyingalla maaddaayo, maaddi mattheene a muhinje wa Yordani oovenyera omwaako eneerohiya weeta nave eneerewiimella wonanko esiri.”

Yoswa 3:17

Enthawi ettheeneeyo allupa mukutho ootukhulla nibokosi na echipangano na Apwiyanne yaari yiimenlle vawumma variyaririyari va muhinje wa Yordanoolle ophiyera athu attheene ellapuwalle.

Yoswa 4:10

Allupa mukuthwaalle yahiimella variyaririyari va muhinje wa Yordani ophiyera ddimanlle ddittheddene Apwiya yamulamulalliiwa Yoswa wi aalleelle athu. Nndda tti ddennddo Mose amulleelleeye Yoswa. Vano athu yaallapuwa muhinje mwawaakuva.

Yoswa 4:18

Allupa mukuthwaalle yanyinganlliiwa mutunda mukhwipi mwa muhinje, muhinjooyo wahaamba weetattho ophiyera waasefukella wonanko mallapo mararu evirallaalle.

Yawuupullulla 12:14

Nave mutthiyanooyo aavahiwa muuphello meelli muullupalli a mpungu wi avavellena oya onipuroni naye na ochipululuni. Wenko aneerokhallawo aweheriwaka wa miyakha miraru owaaka hafu, oohiphariwa ni enowa yuullupalli.

Yawuupullulla 12:4

Ni mwiillaaye aapurulla emodda mwa ezigawo ddiraru dda etheneeri dda oddullu nave addivokhella va ellapo yavatthi. Nave enoweeyo yahiimella vahoollo va mutthiyanooyo wi emuttakhune mwaanooyo ayariwa.

Yawuupullulla 12:6

Mutthiyanooyo aathawella ochipululuni, onipuroni nko Mulluku akhozilleeyewo khalle wi aweheriwewo wa mallapo 1, 260.