Mateyu 2:1 - Mawu a Mulluku

¹ Yesu ayariweeye mu etawoni ya Betelehemu mu echigawo ya Yudeya, mwene a ellapweeyo aari Herode.* Enthawi yeeyo athu oohuddera dda etheneeri oovenyera wookhuma nndduwa yaaphiya m'muzindani wa Yerusalemu.

Mateyu 2:1 Iomraidhean Croise

Genesis 10:30

Ellapo akhalleeyemo yaambeelle o Mesha ovollweella o Sefari omiyaangoni dda wookhuma nndduwa.

Genesis 25:6

Koma ahinakhwe ahaakawellawo emphaso anaaye amoddaalle aayarilleeye mwa awariye ang'onong'ono. Attheenaayo ahaarumiha o ellapo ya wookhuma nndduwa wi yakhalle wenko, waavenyihawo wa mwanaye Isaki.

Genesis 41:8

Osaka wene ohinase ekhovaaye yaamora wunchichi wawi aawiithaniha amasenga attheene ni athu attheene eezeru a o Iguputo. Attheenaayo ewiille, Farao ahaatthopoollella ddoolloha ddayennddo koma khaavo naari mmodda aworille ottaphullella.

Genesis 49:10

Yuda eneerophareella ekopo yoomwene enthawi ddittheddene. Aneerowummellella omwenooyo, nave aneerosunga masiviiwa, ophiyera mwaneenaneena aphiyalle, oyo anaalamulelle athu attheene.

1 Mamwene 4:30

Solomoni aakhalla ni ezeru waakhwaranya athu attheene a wookhuma nndduwa ni dda attheene a o Iguputo.

1 Epilli 2:51

Salima aamuyara Betelehemu navettho Harefi aamuyara Betegadere.

Yobu 1:3

Aakhalla ni enkhosa 7,000, ekamira* 3,000, eng'ombe ddamutteko 1,000, abulu aatthiyana 500 ni allupa mutteko anchichi. Sika aari muthu oolemelesesa waakhwaranya athu attheene a o ellapo dda wookhuma nndduwa.

Yesaya 11:10

Nllapo nenno musisi wa Davide enaakhalle embendera wa athu a mitundu ddittheddene. Attheene eneerotthukumana wa olliye nave nipuro naye ninaakhalle na ntitimiho.

Mika 5:2

Apwiya enallota wi, “We Betelehemu Efurata, ori mung'onong'ono variyari va matawoni a Yuda koma mwa weyaano muneerovenyera oolamulella Israele. Olliyoolla maambeellwaaye tti akhallekhalle, a mallapo oohaamba.”

Mateyu 1:25

koma khaakonillena ophiyera aamuyara mwaanooyo. Sika Yosefe aamuvaha nnddinanne nawi Yesu.

Mateyu 2:16

Vano Herode adduwenlleeye wi alleto a wookhuma nndduwaalle yaamoottottha, aasha murima. Ahaalamulella akhoto wi yawiiphe anamwani aallopwana oohikhwaranya miyakha miilli a mu Betelehemu ni m'mapuroni mutthemwene mwawaatamanana moollikana ni yeeyo aakohesesilleeye alletwaalle dda enthawi yoonilliiwa etheneereelle.

Mateyu 2:19

Vano akhwille Herode, mungelo a Apwiya ahooneya wa Yosefe muullohani mu Iguputo allota wi,

Mateyu 2:3

Mwene Herode iiwalleeye nndda, ahaapheella muru vamodda ni athu attheene a o Yerusalemu.

Mateyu 2:5

Vano yaamulleella wi, “Mu Betelehemu a Yudeya. Vallethi namallotella aalemba wi,

Mateyu 2:7

Vano Herode aawiithanella alleto a wookhuma nndduwaalle vakhwipi, ahaakohesesa dda enthawi yoonilliiwa etheneereelle.

Luka 1:5

Mu enthawi eyo Herode* aariiye mwene a echigawo ya Yudeya, waakhalla mullupa mukutho nnddina naye Zakariya, a mulloko wa allupa mukutho wa Abiya. Mwaariye aari a nlloko na Aroni nave nnddina naye aari Elizabeti.

Luka 2:11

Ollello vaava mu etawoni ya Davide, oovullusaanyu ooyariwa, nnddina naye Khrisitu Apwiya!

Luka 2:15

Angelwaayo yavenyilliiwa ohokollweella oddullu, abusaayo yaatakhellana wi, “Hankoni niye o Betelehemu, noone ello yeereyilleella, eyo nalleelliweehu ni Apwiya.”

Yohane 7:42

Mawu a Mulluku enallota wi, Mesiyooyo anaakhalle edduullu ya mwene Davide nave anaayariwelle mu Betelehemu, m'muzi mmo mwakhalla Davide.”

Oweeruza 17:7

O Betelehemu Yuda waakhalla musombwe mmodda eelleto a nlloko na Yuda oyo aari Mulevi.