Mateyu 19:9 - Mawu a Mulluku

⁹ Vano miyaano kinimuulleellani wi, mullopwana amuhiya mwaariye ahiraruwalle, amutthella mmodda, mullopwanooyo animararuwa.”

Mateyu 19:9 Iomraidhean Croise

Genesis 20:3

Vano mahiiyu mamodda Mulluku aamooneyella mwenooyo moolloha ni ollota wi, “Onimakhwathi kaambiiwa mutthiyana omukusalleewoolla tti ootthelliwa.”

2 Epilli 21:11

Aamaka mapuro oollapellamo mafano omiyaangoni o Yuda nave ahaahoollella athu a o Yerusalemu wi ekhalle oohiroromelleya nave ahaahollosa Ayuda ohollowa.

Yeremiya 3:1

Apwiya enallota wi, “Muthu amwallana ni mwaariye nave mutthiyanooyo avenyavo atthelliwa ni mullopwana mmodda, ethiyo mullopwana awaambooyo ttuumuhokollweella? Ethiyo eera ddenndda, ellapo kheripihiwa wunchichi? Koma we Israele, woheera ddoohule ni ookondiwa anchichi. Ethiyo ttuuhokollweella wa miyaano?

Yeremiya 3:8

Yuda ahoonattho wi Israele oohiroromelleyoolle kaamwallanana nave kaamwiikara ekaamba ya oraruwa waye. Komave Yuda, mwanamunne, khooville. Olliyettho aakhalla oohiroromelleya, aavirellella weera ddoohule.

Ezekiele 16:15

“Koma wahiitukhullana oreera ni ovuwa wawo nave wahaamba oraruwa onakona ni arive muthu oovira.

Ezekiele 16:29

Vano waavirellella oraruwa ni Ababiloni, athu a ellapo ddooddivelliwa malonda. Koma khewaakholliwe.”

Ezekiele 16:8

“Kiviraka, kahoona wi enthawaawo yootthelliwa yaakwakhwana. Vano kahuukhuneella ni mukanjwaaka ni wiipitthiha epwillimwinddaawo. Kaallupella ni okeraatthiya echipangano nave waatthattuwa aaka, Mi Apwiya Mulluku koollota.”

Mateyu 19:10

Oohudderaalle yaamulleella Yesu wi, “Okhalla wa muthu ni mwaariye wakhalla wawi ddiidda, ori phaama ohitthella.”

Mateyu 19:8

Yesu ahaakhulla wi, “Mose aawaakhullellani omwallana ni awarinyu kaambiiwa nyuwaano tti awumma murima. Koma vawaamba kheddaari ddiidda.

Mateyu 5:32

Koma miyaano kinuulleellani wi, mullopwana amuhiya mwaariye ahiraruwalle, annamweeriha mutthiyanooyo oraruwa atthelliwattho nave mullopwana amutthella mutthiyana oohiyiwooyo animararuwattho.”

Luka 16:18

“Arive mullopwana amuhiya mwaariye amutthella mmodda animararuwa nave mullopwana anamutthella mutthiyana oohiyiwooyo animararuwattho.

1 Akorinto 5:1

Vano ddinniiweya wi vookhalla oraruwa variyari vanyu. Oraruwa wene tti wawi naari athu oohimullapella Mulluku kheneera. Koolleelliwa wi muthu annakona ni mwaara a attiitthinnya!

1 Akorinto 7:39

Mutthiyana ootthelliwa anakhalla oomakiwa mamune akhalla ari mukumi; nave mamune akhwa, sika oottaphuwa wi atthelliwe ni mullopwana mmodda anamupaalleeye, mullopwanooyo akhalle ookhulupilila.

1 Akorinto 7:4

Vawi mutthiyana khanalamulella mwiillaaye koma mamune sika analamulella. Emoddamoddave yeeyo mullopwana khanalamulella mwiillaaye koma mwaariye sika analamulella.