Mateyu 19:21 - Mawu a Mulluku

²¹ Yesu aallota wi, “Wapaalla okhalla aphaama wunchichi, khawe wakullihe ddeko oriiwena nave makobiraayo waavahe athu oohoowa nave oneerothuviwa oddullu. Weera ddiiddo owe okithware.”

Mateyu 19:21 Iomraidhean Croise

Genesis 17:1

Abramu ari ni miyakha 99 Apwiya yaamooneyella emulleella wi, “Mi tti Mulluku Amasiva Mattheene. Vano wiiwellelleke enthawi ddittheddene nave ohichimweke

Genesis 6:9

Nna sika ntthopoollo na Nowa. Nowa aari muthu oolungama ni oohichimwa vamiitthoni va Mulluku. Nave mum'badwaaye aari yooyove aattanille ni Mulluku.

Yobu 1:1

Vaakhalla muthu mmodda mu ellapo ya Uzi nnddina naye Yobu. Muthoolla aari oohichimwa, oolungama, ooheera ddoonanara ni oomoova Mulluku.

Masalimo 37:37

Ngoona, muthu oohilakwa nave oolungama, amurendelle ookhalla ni edduullu ddinchichi.

Mateyu 16:24

Vano Yesu aallota wa oohudderaaye wi, “Muthu aapaallaka okithwara iikhoote yeekhaaye, atukhulle mutandaaye akithware miyaano.

Mateyu 19:20

Musomboolle ahaakhulla wi, “Malamulo mattheenaalla kaawiiwellella, ekiyelleellettho tti tini?”

Mateyu 19:22

Musomboolle iiwalleeye ddenndda, aavenyavo ari ookhupanya wunchichi kaambiiwa aakhalla ni eyuuma yinchichi.

Mateyu 19:28

Yesu ahaalleella wi, “Ddawoona, kinimuulleellani wi mi, Mwaana a Muthu, kakeraatthi vampandonaaka wa ntitimiho mu ellapo yanaanweene, vano nyuwaanottho oohudderaaka khumi ni eelli muneerokeraatthi m'mipandoni wi muweeruze malloko khumi ni meelli a Israele.

Mateyu 4:19

Yesu aallota wa athwaayo wi, “Waawoni mukithware miyaano nave kineerewuuhuddihani wi mukhalle owaattottha athu.”

Mateyu 5:48

Munaphwanella wi mukhalle aweella wunchichi vawi Attiitthaanyu ooddullu tti aweella.

Mateyu 8:22

Koma Yesu aallota wi, “Kithware nave waahiye ookhwa yaavittheke ookhwa akhwiiwa.”

Mateyu 9:9

Yesu aavenyavo vanipuroni valle, vano eetaka, aamoona muthu, nnddina naye Mateyu, akeraatthille mu enyumba yookhomihella misonkho. Aamulleella wi, “Kithware.” Nave Mateyu aavenya anamuthwara.

Mariko 10:21

Yesu aamuwehesesa moomukonda allota wi, “Onayelleella ello emodda. Khawe wakullihe ddeko ddittheddene oriiwena nave makobiraayo waavahe athu oohoowa nave oneerothuviwa oddullu. Weera ddiiddo owe okithware.”

Mariko 2:14

Eetilleeye oya vahoollo, aamoona Levi, mwaana a Alifeyu, akeraatthille mu enyumba yookhomihella misonkho. Aamulleella wi, “Kithware.” Nave Levi aavenya anamuthwara.

Mariko 8:34

Nave Yesu aaddiithanella mulloko wa athu ni oohudderaaye aalleella wi, “Muthu aapaallaka okithwara iikhoote yeekhaaye, atukhulle mutandaaye akithware miyaano.

Luka 12:33

Kullihani ddeko ddanyu ddittheddene nave makobiraayo mwaavahe oohoowa. Mwiiphwanyelle mathumba a eyuuma ayo ehinaahuwa ni wiisungella eyuuma oddullu nko ehinayevawiiwa kaambiiwa allupaawiiya khenaphiyawo naari enjenjete khaddinoononga.

Luka 14:33

Yesu aamalliha ollota ni mawu awi, “Khaavo a nyuwaano anaawore okhalla oohudderaaka ahinahiye ddeko ddittheddene ariiyena.”

Luka 16:9

Yesu aallotave wi, “Kinimuulleellani wi, mwiiphwanyelle akhwiinyu voopharihani mutteko eyuuma ya va ellapo yavatthi wi yamalla mwaakhelliwa owaani woohimalla, oddullu.

Luka 18:22

Yesu iiwalleeye ddenndda aallota wa olliye wi, “Onayelleella ello emodda. Khawe wakullihe ddeko ddittheddene oriiwena nave makobiraayo waavahe athu oohoowa nave oneerothuviwa oddullu. Weera ddiiddo owe okithware.”

Luka 5:27

Ddimallille ddenndda Yesu aakhuma nave aamoona ookhomiha misonkho nnddina naye Levi, akeraatthille mu enyumba yookhomihella misonkho. Aallota wi, “Kithware.”

Luka 6:40

Oohuddera khanamukhwaranya muhuddihaaye koma ahuddera amalliha, annaphwanaphwana ni muhuddihooyo.”

Luka 9:23

Nave aallota wa attheenaayo wi, “Muthu aapaallaka okithwara iikhoote yeekhaaye, atukhulle mutandaaye nllapo ni nllapo nave akithwareke miyaano.

Yohane 10:27

Enkhosa ddaka ddinniiwa mawaaka, kinnaddidduwella nave ddinnakithwara miyaano.

Yohane 12:26

Muthu aakirumeyellaka miyaano, akithware miyaano vawi wenko kinaakhalleemi oorumeyellaaka anaakhallettho wenko. Nave Attiitthaaka eneeromuriiha oyo anakirumeyella.

Mitteko 2:45

Yaanakulliha emata ddiwa ni ddeko ddiwa ddoohiyanahiyana, enakawana attheene makobiraayo, ollikana ni ohoowa wa muthooyo.

Aheberi 10:34

Vawi mwahaamorella ethakaraka ayo yaari mundende nave mwahaakhullella moohakallalla wi ewaakheni eyuumaanyu kaambiiwa munnadduwella wi mookhalla ni eyuuma yawaata ni yoohimalla.