Mateyu 16:23 - Mawu a Mulluku

²³ Koma Yesu aamurukunuwella Petro allota wi, “Okivenyerevo, Satana! Weyaano tti oolepheliha muttekwaaka kaambiiwa maganizwaawo khenavenyera wa Mulluku koma wa athu.”

Mateyu 16:23 Iomraidhean Croise

Genesis 3:17

Vatulli viwattho Mulluku aallota ni mullopwanooyo wi, “Ekaamba yawi waamwiiwellella mwaariyo voochani muteekho kuulamulalleemi wi ohiche, ethaya eneerotembeleliwa ekaamba ya weyaano. Onaaphareke mutteko wanikhurumella enthawi ettheene ya okumaawo.

2 Samuele 19:22

Koma Davide aamwaakhulla wi, “Mi kiri ni tini ni nyuwaano anamwani a Zeruya? Ttaani uutthoonlleni wi mukilleelleke ayo yenre ddoonanara? Ollellova, miyaano sika kiri Aisraele nave khaavo mu Israele oyo anaawiiphiwe.”

1 Epilli 21:1

Vano Satana aapaalla waahoosa Aisraele, aamulleka Davide wi aweerenge Aisraele.

Yesaya 8:14

vawi enaakhalle wonanko nipuro noopatuleya. Koma wa athu a o Yuda ni a o Yerusalemu enaakhalle wonanko nlluku nookwakwatuwiha apaalle nookuha. Wa athu a mu Yerusalemu, anaakhalle wonanko musampha ni nikhatto.

Mateyu 16:22

Petro aamukusella vakhwipi aamba omuhumullulla wi, “Mulluku ahaakhullelle, Apwiya! Ddenndda ddiheereye wa nyuwaano.”

Mateyu 18:7

Otulli ori vatthimva kaambiiwa vookhalla ddeko ddinaweeriha athu ohiya echikhulupililwiiwa! Ddeko ddennddo ddinaphwanella wi ddeereyeke koma ootulli tti muthu aneeriha ddenndda.

Mateyu 4:10

Vano Yesu ahaakhulla wi, “Kivenyerevo, Satana! Mawu a Mulluku eni, ‘Waallapelleke Apwiya Mullukwaawo nave omurumeyelleke yooyove.’ ”

Mariko 8:33

Koma Yesu aarukunuwa, aaweha oohudderaaye nave aamusimwella Petro allota wi, “Okivenyerevo, Satana! Maganizwaawo khenavenyera wa Mulluku koma wa athu.”

Luka 4:8

Yesu aamwaakhulla wi, “Mawu a Mulluku eni, ‘Waallapelleke Apwiya Mullukwaawo nave omurumeyelleke yooyove!’ ”

Yohane 6:70

Yesu ahaakhulla wi, “Kahuutthoollani nyuwaano khumi ni eelli, khe ddiiddo? Koma mmodda a nyuwaano tti Satana!”

Aroma 14:13

Vano nihiye weeruzana mmodda ni mukhwaaye. Koma moonesese wi muhaakukhumulle mwiilli nave muhaachimwihe asinninyu ni arokorinyu.

Aroma 14:21

Tti waphaama ohicha enama, ohimuwirya vinyo apaalle weera erive ello yoowaachimwiha asinninyu ni arokorinyu.

Afilipi 3:19

Yaalla eneeromallihella mu gehena kaambiiwa tti anrima nave mullukwiiwa tti erukullu ddiwa. Enakotella nnddo yaphwanenlliiwa wi ewulliwekena muru nave enaganiza dda ddeko dda va ellapo yavatthive.

Akolose 3:2

Maganizwaanyu ekhalleke va ddeko ddooddullu, ohiri va ddeko dda vatthimva.