Mateyu 16:18 - Mawu a Mulluku

¹⁸ Sika kinuuvaha nnddina nawi Petro ottaphullella wi, ‘nlluku’. Vanllukuni vaava kineeromakavo mpingwaaka nave masiva a okhwa khewugonjiha.

Mateyu 16:18 Iomraidhean Croise

Genesis 22:17

kineerewuudalisa wunchichi ni wuuvaha edduullu ddinchichi wonanko etheneeri dda oddullu navettho wonanko mihava dda mukhwipi mwa enyanja. Edduullu ddawo ddineerewaagonjiha adaniiwa attheene.

2 Samuele 18:4

Mwenooyo ahaalleella wi, “Erive ello enaawuuddivelleni kineereweera,” Sika Davide ahiimella va mullako wa muzindooyo enthawi eyo akhotwaaye yakhumiiwa eri m'millokoni dda athu ma 100 ni ma 1,000.

Yobu 38:17

Ethiyo wahuupullullelliwa millako dda okhwa apaalle wohoona millako dda epiphi yoottikana?

Masalimo 107:18

Erive yoocha yaanaweetiha murima, yahanlle vang'ono okhwa.

Masalimo 127:5

Oodala tti muthu oyo munigoneloni mwaye muddanlle mipaamba, khawa awulliwa muru, aallotaka ni adanaaye va nthato namillatu.

Masalimo 129:2

“Adani aakhalla ekihoosaka wunchichi waambeella kiri musombwe komave kheyaapambanille.

Masalimo 69:12

Athu ookhalla va mullako wa muzinda yaanakillota, oolezela yaanakiipa nchipo.

Masalimo 9:13

Apwiya, mukeerelle echifundo, ngoonani enakihoosella ookiita. Munnakivullusa wi kihikhwe,

Miyambo 24:7

Ezeru ennamurekamella ookarangeya nave khanakhalla ni yoollota vanthatoni.

Yesaya 28:16

Vano nndda sika ddinallota Apwiya Mulluku, “Ngoonani, kinnakeraatthiha nlluku mu Ziyoni wi nikhalle matthipello, naweesiwa, nlluku noopaalleya noowallamella mutengo. Nave vilembiwe wi, ‘Oororomella nllukunno khawa awulliwa muru.’

Yesaya 28:6

Oweeruza eneerovahiwa murima woolungama nave eneerewaallipiha murima attheene enallipana ni adani va millako dda muzinda.

Yesaya 38:10

Kaanaganiza wi kiri musombwe mukitthikitthi, kineerotthaamella o ellapo ya ookhwa, kineeromallihella wenko miyakha ddaka ddoohalla.

Yesaya 54:17

Koma kheyiivo echida yoohanelliwa weyaano enuuvoreye, attheene awuullotella ddoonanara oneerewaavaanya. Ella sika yoohallana ya oorumeyellaaka, miyaano sika kinaalungamiha.” Apwiya sika enallota.

Yona 2:6

Kaakitthella muhitohito, m'mamellello a mwaango, o ellapo ya machiwi oowalliwa ni maloko oohihulleya wa enthawi yoohimalla.

Mateyu 10:2

Manddina a amurummwa khumi ni eellaayo tti alla, awaamba, Simoni (ooromolliwa Petro) ni mwanamunne Andreya, Yakobo ni mwanamunne Yohane, anamwani a Zebedayo,

Mateyu 11:23

Nave wa nyu athu a o Kaperenao, muneesa muneerowellihiwa ophiyera oddullu? Iyaayi Mulluku aneerewuukitthihani ophiya o gehena. Ddoottikhiniha ddeeriwe wa nyuwaano ddeeriweke wa athu a o Sodomu, muzinda yoolla waweerokhallavo ophiyera ollello.

Mateyu 18:17

Nave aahiwiiwellella yaayo, olleelle mpingo yeeyo. Voomallihellani, aahiiwellellattho mpingooyo omweeseke wonanko muthu oohimullapella Mulluku apaalle ookhomiha musonkho.

Mateyu 4:18

Yesu eeteeye mukhwipi mwa enyanja ya Galileya, aawoona athu eelli ayo yaari awiipha ehomba, Simoni (ooromolliwa Petro) ni mwanamunne Andreya, yiiphaka ehomba ni nthavi mu enyanja.

Mateyu 7:24

“Vano arive muthu oyo aniiwa ni weera mawaaka anaphwanaphwana ni muthu eezeru oyo aamakille enyumbaaye vanllukuni.

Yohane 1:42

Eerille ddiiddo aamukusella Simoni wa Yesu. Yesu aamuweha allota wi, “We tti Simoni, mwaana a Yohane koma oneeroromolliwa Kefa.” (Petro ottaphullella nlluku.)

Mitteko 2:47

Nave yaanamutitimiha Mulluku nave yaanakondiwa ni athu attheene. Vano nllapo ni nllapo Apwiya yanawaanjerera omullokonooyo ayo yavullusiwe.

Mitteko 20:28

Sika mwiiwehereke nyookha owaakattho mpingo muttheene oyo Munepa Waweella uuvahilleeyeni wi muwehereke. Mukhalle abusa a mpingo wa Mulluku oyo awukullalleeye ni nikhame na Mwanaye.

Mitteko 8:1

Nave Saulo aaniiwanana ni wiiphiwa wa Sitefanonko. Nllapo nene nenno mpingo wa o Yerusalemu wahaamba ohoosiwa wunchichi. Ookhulupilila attheene waahiya amurummwa, yaapallalleyella mu echigawo ya Yudeya ni ya Samariya.

1 Akorinto 15:55

“We okhwa, opambana wawo ori wuuwi? Ethiyo okhwa, murophaawo ori wuuwi?”

Agalatiya 2:9

Yakobo, Petro ni Yohane ayo yooneya wi tti oohoollella, yaadduwella wi Mulluku aakivaha mutteko waphaama yoolla, sika yaaniphara matta miyaano ni Baranaba woonihella wi attheene naari awaattana. Nahiiwanana ni Baranaba wi naphare mutteko variyari va athu ayo ehiri Ayuda nave alliwa variyari va Ayuda.

Aefeso 3:10

wi va enthawi yeella, oweella mu mpingo, oolamulella ni masiva ooddullu edduwelle dda ezeru ddaye ddoohiyanahiyana.

Aefeso 5:32

Mawu a Mulluku yaalla enuupullulla yoovittheya yuullupalli nave enallota dda Khrisitu ni mpingo.

Akolose 1:18

Olliye tti muru wa mpingo oyo ori mwiillaaye. Olliye tti maambeellello a erive ello, awaamba a oovenya wa ookhwa wi akhalle muullupalli mu ddeko ddittheddene.

1 Timoteo 3:15

Nave kaselliwa, kalatoolla aneeroowoonihani mmo muthu anaphwanelleeye okhallella mu enyumba ya Mulluku, eyo eri mpingo wookumi, opoto ni matthipello a yawoona.

1 Timoteo 3:5

Vawi muthu ahinawora weetiha nibanja naye phaama, aneetihe mwawiidde mpingo wa Mulluku?

Aheberi 12:28

Vawi nohaakhella omwene woohitikheya nimuthokozeke Mulluku nave nimullapelleke moophwanellella, moolemu ni mwawoova.

Yawuupullulla 11:15

Nave mungelo aneetthanu ni piilli ahoopa nipallapata naye. Nave kahiiwa mawu oowella ovenyera oddullu oollota wi, “Omwene wa ellapo yavattheella tti wa Apwiihu ni wa Mesiyaaye.* Nave Apwiihu eneerolamulella wa enthawi ddoohimalla!”

Yawuupullulla 21:14

Esiri ya muzindooyo yamakiwe va matthipello a malluku khumi ni meelli, mvo valembiwe manddina khumi ni meelli a amurummwa a mwaanaankhosa.