Mateyu 15:11 - Mawu a Mulluku

¹¹ Khe ello eyo enavollowa muwano mwa muthu enamuripiha vamiitthoni va Mulluku koma eyo enukhuma muwano mwaye sika enamuripiha.”

Mateyu 15:11 Iomraidhean Croise

Masalimo 10:7

Eyanwaaye ennatembelela, ennalleka nave ennoopopiha, muwano mwaye munnakhuma ddoohoosa ni ddoonanara.

Masalimo 12:2

Arive muthu annamoottottha mukhwaaye, anniisha nllumi naye, annallota ni murima mmodda.

Yesaya 37:23

Ethiyo we okhanlle omuvevullaka ni omullotella epewe? Ethiyo ttaani omukhuwenlleewe ni omuweha mwawiitukhulla? Khe mmodda koma Aweelloolle a Israele!

Mateyu 15:10

Vano Yesu aawiithana athwaalle nave aallota wa yaayo wi, “Iwani nave mwiiwesese!

Mateyu 15:12

Vano oohudderaalle yaawa wa olliye ellota wi, “Munnadduwella wi Afarisaalle yaasha murima ni nnddo mwaallotilleenyu?”

Mariko 7:15

Khe ello enavollowa mwa muthu ovenyera otte enamuripiha vamiitthoni va Mulluku koma eyo enakhuma mwa muthu sika enamuripiha.”

Aroma 14:14

Ekaamba ya eyaattano ni Apwiya Yesu koodduwella nave koosimikiza wi kheyiivo ello yoonanara mwaweekhiiwa koma enakhalla yoonanara muthu ayiganizera wi tti yoonanara.

Aroma 14:17

Vawi omwene wa Mulluku kohiyo wa dda yoocha ni yoowirya koma tti wa dda echilungamo, murendelle ni ohakallalla ddoovenyera wa Munepa Waweella

Aroma 14:20

Muhoononge mutteko wa Mulluku ekaamba ya yoocha. Erive yoocha tti yaphaama koma tti olakwa ocha ello enaaweeriha asinnihu ni arokorihu ochimwa.

1 Timoteo 4:3

Athu yaayo enahuddiha wi khe waphaama otthella, otthelliwa apaalle ocha ddoocha ddimodda. Koma Mulluku aaphatusa ddoocha ddennddo wi ayo enakhulupilila ni odduwella yawoona, echeke vatulli va nivekello noothokoza.

Tito 1:15

Ddeko ddittheddene ddinakhalla ddaweella wa yaayo eri aweella murima; nave kheyiivo enakhalla yaweella wa yaayo eri ooripihiwa ni oohikhulupilila vawi ezeru ddiwa ni yawuupusella murimiiwa ddooripihiwa.

Aheberi 13:9

Muhinaakhullella wi ehuddiho ddeelleto dduuholloseni. Yoophwanella onillipiha murima tti echisomo ya Mulluku, woohikhalla malamulo oollota dda yoocha. Athu amodda yathwara malamulwaalla kheyaaphurallena ello.

2 Petro 2:18

Enallota ddookota ni ddookarangeya nave ennaalleka athu ayo ethawille wene ovenyera variyari va ayo enakhalla mu machimo voopharihani mitteko minkhella ddiwa dda omuthu.