Mateyu 13:44 - Mawu a Mulluku

⁴⁴ “Omwene wa Mulluku tti wonanko eyuuma evitthiwe m'matani. Muthu ayiphwanya annayiivitthattho nave annahakallalla wawi annarowa akulliha ddeko ddaye ddittheddene. Eera ddiiddo annahokollweella akulla emateelle.

Mateyu 13:44 Iomraidhean Croise

Yobu 28:13

“Muthu khanadduwella mutengo wa ezeru, khenaphwanyeya mu ellapo ya ookumi.

Miyambo 16:16

Ophwanya ezeru tti waphaama okhwaranya omuphwanya golide nave ophwanya wiiwesesa tti waphaama okhwaranya omuphwanya siliva.

Miyambo 17:16

M'mattani mwa muthu ookarangeya munakhallella tini makobiri ookullella ezeru murwaaye oheetaka phaama?

Miyambo 18:1

Muthu awiiddivella annaashaasha ddoopaalla dda yeekhaaye, okangana ni ezeru yaphaama.

Miyambo 23:23

Kulla yawoona, ezeru, malangizo ni wiiwesesa, ohiddikullihe.

Yesaya 55:1

Apwiya enallota wi, “Nyu attheene oovolliwa nthona, waani, maaddi aakhallawo. Nyu oohikhalla ni makobiri, waani mukulle yoocha wi muche. Waawoni mumukulle vinyo ni mukaka, oohillivella makobiri, oohillivella erive ello.

Mateyu 13:24

Yesu ahaalleella niphwanaphwaniho nimodda. Aallota wi, “Omwene wa Mulluku tti wonanko mwaneena a nibanja oyo aamiddalle mmiddo waphaama m'matani mwaye.

Mateyu 13:46

Aphwanya nlluku noowallamella mutengo, annaya akulliha ddeko ddaye ddittheddene akulla nlluku nenna.

Mateyu 13:47

“Omwene wa Mulluku orittho wonanko nthavi nno navokhiwe mu enyanja ni ophara ehomba dda mitundu ddittheddene.

Mateyu 19:21

Yesu aallota wi, “Wapaalla okhalla aphaama wunchichi, khawe wakullihe ddeko oriiwena nave makobiraayo waavahe athu oohoowa nave oneerothuviwa oddullu. Weera ddiiddo owe okithware.”

Mateyu 19:27

Vano Petro aallota wi, “Hi ninaaphurevo tini vawi noohiya ddittheddene nuuthwarani nyuwaano?”

Mateyu 19:29

Nave attheene ayo ehiyalle enyumba ddiwa apaalle asinniwa naari arokoriwa apaalle attiitthiiwa apaalle ameewa naari aniiwa apaalle emata ddiwa kaambiiwa tti oohudderaaka eneerewaakhella nnddo ehiyalliwa waakullella 100 nave eneerewaakhella okumi woohimalla.

Mateyu 6:21

Vawi wenko onakhalla eyuumaawo, murimaawo onakhallattho wenko.

Luka 14:33

Yesu aamalliha ollota ni mawu awi, “Khaavo a nyuwaano anaawore okhalla oohudderaaka ahinahiye ddeko ddittheddene ariiyena.”

Yohane 6:35

Yesu ahaalleella wi, “Mi tti buledi oovaha okumi; oyo anawa wa miyaano khavolliwattho ettalla nave oyo anakikhulupilila miyaano khavolliwattho nthona.

Aroma 15:4

Nave mawu a Mulluku mattheene yaalembiwe khalle enanihuddiha hiyaano. Mawaayo ennanillipiha murima ni onikhalliha oovillella wi nikhalle ootiyera.

Akolose 2:3

Olliye tti yoohullella ya eyuuma yoovittheya ya ezeru ni odduwella wa Mulluku.

Akolose 3:16

Othenga wa Khrisitu onaphwanella okhalle m'murimani mwanyu mwawaatesa. Muhuddihaneke ni olangizana mweezeru. Mwiipeke masalimo, machipo a Mulluku ni machipo a munepa. Ni murimaanyu muttheene muwiipelleke ni waatitimiha Apwiya.

Aheberi 10:34

Vawi mwahaamorella ethakaraka ayo yaari mundende nave mwahaakhullella moohakallalla wi ewaakheni eyuumaanyu kaambiiwa munnadduwella wi mookhalla ni eyuuma yawaata ni yoohimalla.

Yawuupullulla 3:18

Vano kinaaka kuulleelleni wi, mumukulle golide ooreerihiwa wa miyaano wi mukhallena eyuuma. Mukullettho ddoowara ddaweella wi muware ni okhuneella epwillimwinddaanyu. Mukulle murete woohella m'miitthoni mwanyu wi mooneke.