Mateyu 12:41 - Mawu a Mulluku

⁴¹ Va nllapo na echiweruzo athu a Nineve eneerovenya vamodda ni athu a mbadoolla. Athu a o Ninevaayo eneerewaavaanyiha athu a mbadoolla kaambiiwa alliwa yaarukunuwa murima yiiwalliiwa ollalleya wa Yona. Vano kinimuulleellani wi vookhalla mmodda vaava muullupalli oomukhwaranya Yona.

Mateyu 12:41 Iomraidhean Croise

Yesaya 54:17

Koma kheyiivo echida yoohanelliwa weyaano enuuvoreye, attheene awuullotella ddoonanara oneerewaavaanya. Ella sika yoohallana ya oorumeyellaaka, miyaano sika kinaalungamiha.” Apwiya sika enallota.

Yeremiya 3:11

Vano Apwiya yaakilleellattho wi, “Israele oohiroromelleya mullatwaaye tti wooyeva ohiyana ni wa Yuda oolleka.

Yona 1:2

“Khawe o Nineve, o muzinda muullupalloolle. Waahumullulle moollipa vawi miyaano kinnadduwella onanara murima wa athu a m'muzindammo.”

Yona 3:4

Vano Yona aavollowa m'muzindammo. Eetille olendo wa nllapo nimodda, ahaamba ollalleya wi, “Voomallani mallapo 40, Nineve aneerotthollosiwa!”

Mateyu 12:39

Koma Yesu aawaakhulla wi, “Athu a mbadoolla tti oonanara ni oohiroromelleya, enakiveka echizindikiro. Kheyiivo echizindikiro enaavahiwiiwa koma ya namallotella Yona.

Mateyu 12:42

Va nllapo na echiweruzo mwene aamutthiyana a ellapo ya Sheba aneerovenya ni athu a mbadoolla. Nave aneerewaavaanyiha kaambiiwa aheeta olendo woorekama ovenyera mu ellapwaaye wi iiwe ehuddiho ya ezeru ya Solomoni. Nave kinimuulleellani wi vookhalla vaava mmodda muullupalli oomukhwaranya Solomoni.

Mateyu 12:45

Vano onnakhuma oya wakusa minepa ddimodda mitthanu ni miilli ddoonanara ohiyana ni olliyooyo nave ddinnawa ddivollowa ddinakhalla mwemmo. Vano muthooyo makhallellwaaye voomallihella ennakhalla oonanara ohiyana ni vawaamba valle! Nndda sika ddineereye wa athu oonanara amuttano.”

Mateyu 12:6

Vano kinimuulleellani wi vookhalla mmodda vaava muullupalli ohiyana ni enyumba ya Mulluku.

Mateyu 16:4

Athu a mbadoolla tti oonanara ni oohiroromelleya, enakiveka echizindikiro. Kheyiivo echizindikiro enaavahiwiiwa koma ya namallotella Yonave.” Vano ahaahiya avenyavo.

Mateyu 17:17

Yesu ahaakhulla wi, “Nyu athu a mbado woohikhulupililoolla ni woonanara! Kinaakhalle ni nyuwaano ophiyera niini? Kinuuvillelleni ophiyera niini? Wannani musombooyo wa miyaano!”

Mateyu 23:36

Ddawoona, kinimuulleellani wi ollakiwa wa athu awiiphaayo onaakhalle vamuruni va athu a mbadoolla.”

Luka 11:32

Va nllapo na echiweruzo athu a o Nineve eneerovenya vamodda ni athu a mbadoolla. Athu a o Ninevaayo eneerewaavaanyiha athu a mbadoolla kaambiiwa alliwa yaarukunuwa murima yiiwalliiwa ollalleya wa Yona. Vano kinimuulleellani wi vookhalla mmodda vaava muullupalli oomukhwaranya Yona.

Yohane 3:31

Oyo anavenyera oddullu tti oowakhwaranya attheene. Oyo anavenyera va ellapo yavatthi anakhalla a va ellapo yavatthi nave anallota dda ddeko ddaweereya va ellapo yavatthi koma oyo anavenyera oddullu ari ookhwaranya attheene.

Yohane 4:12

Yakobo, nikhollo nahu, sika aanivahille ehime yeella nave aawiryamo, olliye ni anaaye ni eziweto ddaye. Nyuwaano tti oomukhwaranya Yakobo?”

Aroma 2:27

Athu ayo ehiphaddiwe koma enniiwellella malamulo eneerewuuvaanyihani nyuwaano muri ni malamulo nave moophaddiwa kaambiiwa khamuniiwellella malamulo.

Aheberi 11:7

Ekaamba ya echikhulupililo, Mulluku aamuchenjeza Nowa dda ddeko ddamuhoollo nnddo ddaari ddihinooneye. Ahiiwellella nave aamaka ekallawa wi aavullusellemo athu attheene a mu nibanja naye. Sika ahaavaanyiha athu a ellapo yavatthi wi tti oochimwa nave ahaakhella echilungamo yoovenyera o echikhulupililo.