Mateyu 12:2 - Mawu a Mulluku

² Koma Afarisi* amodda yoonilliiwa nndda, yaallota wa Yesu wi, “Khaddinaakhullelliwa ni malamulwaahu oohudderaanyu ophara mutteko va nllapo na Sabata vookhoddollani makalla a tirigu!”

Mateyu 12:2 Iomraidhean Croise

Eksodo 23:12

“Ophareke mutteko mallapo matthanu ni nimodda koma va nllapo naneetthanu ni piilli ohiphareke mutteko wi eng'ombe ddawo ddiithuuweke ni abulwaaweene nave wi masiva ehokollweelle mwa akaporwaawo ni alleto.

Eksodo 35:2

Muthu aphareke mitteko ddaye ddittheddene mallapo matthanu ni nimodda koma nllapo naneetthanu ni piilli tti na Sabata nawiithuuwa, nllapo noopatuleya na Apwiya. Arive muthu oophara mutteko va nllapo nenna iiphiwe.

Yesaya 58:13

Apwiya enallota wi, “Mwiivaanyiheke weera ddawuuddivellani, muhiphareke mitteko ddanyu nllapo na Sabata. Nllapo na Sabatanna mweereke ello yoohakallalliha nave nllapo naweella na Apwiya ello yooriiheya. Munivaheke olemu nllaponna vooheeteetani, voohipharani mitteko ddanyu navettho voohillotani miyaha ddoohikhalla ni mutteko.

Mateyu 12:10

Waakhalla muthu a nnatta noorakalla. Afarisi yapaalla wi emwiipe Yesu mullatu, sika yaamukoha wi, “Ethiyo tti wowaakhullelliwa ni malamulwaahu ochiriha va nllapo na Sabata?”

Mateyu 12:3

Yesu ahaakhulla wi, “Khamweerengille nnddo Davide enreeye enthawi yeelle olliyooyo ni akhwaaye yavolliwiiwa ettalla?

Mariko 2:24

Nave Afarisi amodda yaamukoha Yesu wi, “Kaambiiwa tini oohudderaanyu eneeriiwa ddoohaakhullelliwa ni malamulwaahu voopharani mutteko va nllapo na Sabata vookhoddollani makalla a tirigu?”

Luka 14:3

Yesu ahaakoha ahuddihi a malamulo* ni Afarisi wi, “Malamulwaahu ennaakhullella omuchiriha muthu va nllapo na Sabata?”

Luka 23:56

Vano yaarowa owaniwa yakhoza makhura a nthuko naphaama wi yazoze mutembooyo. Va nllapo na Sabata yahiithuuwa, ollikana ni malamulo a Mose.

Luka 6:2

Nave Afarisi* amodda, yahaakoha oohudderaalle wi, “Kaambiiwa tini muneereenyu ddoohaakhullelliwa ni malamulwaahu voopharani mutteko va nllapo na Sabata vookhoddollani makalla a tirigu?”