Mateyu 11:5 - Mawu a Mulluku

⁵ Oohoona ennoona, ooheeta enneeta, athu amakate enneellihiwa, oohiiwa enniiwa, ookhwa ennavenyihiwa navettho othenga waphaama onnallalleyiwa wa athu oohoowa.

Mateyu 11:5 Iomraidhean Croise

2 Mamwene 5:14

Sika Naamani aakitthella o Yordani akhumbudda m'maaddinimmo otthanu ni opiilli monga namallotella alamulelleeye. Vaavo aachira nave mwiillaaye waakhalla wonanko wa mwaana, sika aachirihiwa.

2 Mamwene 5:7

Nave mwene a o Israele amweelengilleeye kalatooyo, ahaahulla ddoowara ddaye ekaamba ya ethakaraka allota wi, “Ethiyo mi tti Mulluku awiipha ni ohokollosella okumi wi muthu yoolla akilembelle mawu awi kichirihe makate a muthu? Tti yoodduwanyeya wi olliye anamwaasha namullota wi aambane ni mi.”

Masalimo 146:8

ennahulla miittho a athu oohoona. Apwiya ennaawelliha athu ookitthihiwa, ennaakonda oolungama.

Masalimo 22:26

Oohoosiwa eneerocha ni ovona, oowaashaasha Apwiya eneerewaatitimiha. Mukhalle ni okumi woorekama.

Eksodo 4:11

Vano Apwiya yaamukoha Mose wi, “Ethiyo amuvahille muthu vayanoni ttaani? Ttaani anamweeriha muthu wi akhalle oohillota apaalle oohiiwa, awoona apaalle ohoona? Ethiyo ngihiyo mi Apwiya kineera ddennddo?

Yesaya 29:18

Nllapo nenno oohiiwa eneerewiiwa mawu a munibukhuni nave oohoona ayo yakhalla mwiipiphini eneerewoona.

Yesaya 29:19

Athu awiiyeviha eneerokhallattho ni ehakallallo mwa Apwiya nave oohoowa eneerohakallalla ekaamba ya Aweella a Israele.

Yesaya 43:8

Apwiya enallota wi, “Wiithaneni athwaaka o nthato namillatu. Miittho aakhallana koma khenoona, maaru aakhallana koma kheniiwa.

Yesaya 66:2

Ddeko ddittheddenenndda kaddiphatusalle tti miyaano, sika ddittheddenenndda tti ddaaka. Miyaano kinnahakallalla ni athu awiiyeviha ni oolapa, ookoova ni awiiwellella mawaaka.

Zekariya 11:7

Vano kahaamba owehera enkhosa ddooya wawiiphiwanndde. Kaakusa ekopo piilli yawaamba kaayiromolla Echisomo nave yaneepiilli Mwiiwanano. Sika kaawuwehera phaama mulloko wa enkhosoolle.

Mateyu 10:8

Mwaachiriheke oovoriiwa, mwaavenyiheke athu ookhwa, mwaweelliheke athu amakate navettho mwakhumiheke minepa ddoonanara. Mwahaakhella moohillivella nanyeenettho mwaavaheke moohillivelliwa.

Mateyu 11:4

Yesu ahaakhulla wi, “Hokollowani mwamulleelle Yohane dda ddeko mwiiwalleenyu ni moonilleenyu.

Mateyu 12:13

Vano aallota wa muthu oorakalla nnattoolle wi, “Okolla nnatta nawo.” Ahookolla nave naachirihiwa, ninaphwanaphwana ni nimoddanno.

Mateyu 21:14

Vano athu oohoona ni ookhwa meto yaawa wa olliyooyo mu enyumba ya Mullukweeyo nave olliyooyo ahaachiriha.

Mateyu 5:3

“Oodalisiwa tti ayo eri oohoowa m'munepani, vawi ennahakallalla ni madaliso a omwene wa Mulluku!

Mateyu 9:30

Vano yahaamba woona. Yesu ahaalleellesesa wi, “Muhimulleelle nndda arive muthu!”

Mariko 7:37

Athu attheene yaattikhina wunchichi ellota wi, “Oheera ddeko ddittheddene mwa phaama naari oohiiwa annawiiwiha ni oohillota annaallotiha!”

Mariko 9:25

Yesu oonilleeye wi mulloko wa athooyo onimawa mwawaakuva vamodda momwaatamella, vano aasimwella munepa woonanarooyo wi, “We munepa woohiiwa ni woohillota, kinimuulamula wi khumamo mwa musomboolla ohivollowemottho!”

Luka 4:18

“Munepa wa Apwiya ari va miyaano, kaambiiwa yaakizoza miyaano wi killalleye othenga waphaama wa oohoowa. Aakirumiha wi killalleye wa oomakiwa wi ettaphulliwe, ni wa athu oohoona wi yoonettho, ni wa athu oohoosiwa wi kaavahe murendelle,

Yohane 10:25

Yesu ahaakhulla wi, “Kahuulleellani koma khamunakikhulupilila. Ddeko nndda kineereemi mu olamulello wa Attiitthaaka, ddinnavelleella omboni.

Yohane 10:38

Koma kaarimi keeraka mitteko ddoovenyera wa Attiitthaaka naari muhikikhulupililaka, mukhulupilileke mitteko ddaka wi mudduwelle ni wiiwesesa wi Attiitthaaka eri mwa miyaano nave miyaano kiri mwa Attiitthaaka.”

Yohane 2:23

Yesu aariiye mu Yerusalemu enthawi ya Ehakallallo ya Paska, anchichi yaakhulupilila mwa olliyooyo yoonilliiwa ddoottikhiniha eerilleeye.

Yohane 3:2

Nave aawa wa Yesu mahiiyu nave aallota wa yooyo wi, “Ahuddihi, ninnadduwella wi nyuwaano tti muhuddihi oorumihiwa ni Mulluku. Khaavo muthu anawora weera ddoottikhiniha muneereenyu Mulluku aahikhalla ni olliye.”

Yohane 5:36

Koma miyaano kookhalla ni mboni oopaalleya wunchichi ohiyana ni Yohane. Vawi Attiitthaaka aakivaha mitteko wi kimallihe nave mitteko ddennddo kineereemi tti omboni wawi Attiitthaaka aakiruma.

Yohane 9:7

nave aamulleella wi, “Khawe wasuusulle owiitthoninko mu nthiya na Shilowamu.” (Ottaphullella wi, Oorumiwa.) Sika muthoolle aayaawo asuusulla owiitthoni waye nave aawaawo oonaka.

Mitteko 2:22

“Iwellellani mawaalla, Aisraele nyu! Yesu a o Nazareti aari muthu arumiwe ni Mulluku wa nyuwaano. Mulluku ahuusimikizellani vaweerani ddoottikhiniha ni ezizindikiro oweella mwa olliyooyo variyari vanyu wonanko nyuwaano aneenaanyu moonilleenyu.

Yakobo 2:5

Ngiiwani, asinnaka ni arokoraka ookondiwa! Mulluku ahaatthoolla athu oohoowa a mu ellapo yavattheelle wi ekhalle eeyuuma mu echikhulupililo navettho wi yaakhelle omwene oyo aalonjezilleeye wa ayo enamukonda.