Mateyu 11:25 - Mawu a Mulluku

²⁵ Enthawi yeeyo Yesu aallota wi, “Attiitthaaka, Apwiya ooddullu ni ellapo yavatthi, kinimuutitimihani kaambiiwa mwaavittha ddeko ddenndda wa athu oohuddera ni eezeru muupullulla wa athu oohihuddera.

Mateyu 11:25 Iomraidhean Croise

Genesis 14:19

Aamudalisa Abramooyo wi, “Mulluku Amasiva Mattheene, oophatusa oddullu ni ellapo yavatthi, uudalise weyaano Abramu.

Genesis 14:22

Koma Abramu ahaakhulla wi, “Kinimallupella vamiitthoni va Apwiya Mulluku Amasiva Mattheene, oophatusa oddullu ni ellapo yavatthi

2 Mamwene 19:15

nave aavekella wi, “Nyu Apwiya, Mulluku a Israele, munakhalla va mpandwaanyu woomwene va akerubi,* nyookhave tti Mulluku oolamulella moomwene mattheene a ellapo yavatthi. Mwaaphatusa ellapo yooddullu ni ellapo yavatthi.

1 Epilli 29:13

Vano ninnuuthokozani Mullukwaahu ni ollapella nnddina nanyu nootitimiheya.

Yobu 37:24

Sika athu ennamoova olliye, khanampwatha arive muthu oyo aniilleka wi tti eezeru.”

Masalimo 8:2

Munnaweeriha anamwani ni akantchewa wuutitimihani wi mumake mpanda woollipana ni adanaanyu, wi mwaakhurumuse ayo enuuwukilani.

Yesaya 5:21

Otulli wa athu ayo enaddeesa wi tti eezeru ni oochenjeresesa.

Yesaya 66:1

Apwiya enallota wi, “Oddullu sika mpandwaaka woomwene, ellapo yavatthi sika voonyingallavo manyallwaaka. Ethiyo munaakimakelle enyumba yawiidde? Niri wuuwi nipuro nawiithuuwellamo miyaano?

Daniele 2:23

Nyu Mulluku a makhollwaaka, kinnuuthokozani ni wuutitimihani vawi mookivaha ezeru ni masiva.”

Daniele 4:35

Attheene ookhalla vatthimva eneesiwa etthiru, anneera ddoomuddivella oddullu ni vatthi. Khaavo naari mmodda oomuvaanyiha ddoopaalla ddaye apaalle omukoha wi, ‘Wenre tini?’ ”

Mateyu 16:17

Nave Yesu ahaakhulla wi, “Tti oodalisiwa weyaano, Simoni mwaana a Yona vawi khe muthu uupullullalle ddawoonanndda wa weyaano koma Attiitthaaka ooddullu.

Mateyu 21:16

Sika yaamukoha Yesu wi, “Munniiwa enallotiiwanndda?” Yesu ahaakhulla wi, “Kinniiwa. Khamweerengille mawu a Mullukwaalle awi, ‘Mohaahuddiha anamwani ni akantchewa wi yuutitimihekeni phaama.’ ”

Luka 22:42

Aallota wi, “Attiitthaaka, mwaapaallaka mukivenyiherevo kapu a ddookatamihoolla! Ohiri opaalla waka koma opaalla wanyu weereye.”

Luka 23:34

Yesu aallota wi, “Attiitthaaka, mwaakhululukelle vawi khenadduwella eyo eneeriiwa.” Vano akhoto yaakawana ddoowara ddaye mwawoombesa.

Yohane 11:41

Sika yaavenyihavo nllukunne. Nave Yesu aaweha oddullu allota wi, “Attiitthaaka, kinnuuthokozani wi munnakiiwellella miyaano.

Yohane 12:27

“Vano murimaaka wookatamihiwa. Nave kinaallote tini? Killote wi, ‘Attiitthaaka, muhaakhullelle wi enthawi yookatamiheella ekiphiyere miyaano?’ Koma kaawa ekaamba ya ddookatamiha ddenndda.

Yohane 12:28

Sika Attiitthaaka onihellani ntitimiho nanyu!” Vano mawu yahiiweya ovenyera oddullu awi, “Kohooniha ntitimiho naka nave kineerewooniha wiilli.”

Mitteko 17:24

Mulluku, oyo aphatusalle ellapo yavatthi ni ddeko ddittheddene ddiri mwemmo, sika tti Apwiya ooddullu ni ellapo yavatthi nave khanakhalla mu enyumba ddoollapellamo ddoomakiwa ni athu.

1 Akorinto 2:10

Koma Mulluku ahuupullulla wa hiyaano yoovittheyaaye mwa munepaaye. Munepa annoona erive ello naari owallamella wa maganizo a Mulluku.

2 Akorinto 3:14

Mulluku ahummiha mirima ddiwa nave ophiyera vano mirima ddiwa ddookhunelliwa ni ekuwo erive enthawi malamulo a Mose yaaweerengaka wa alliwaayo. Ekuwo yeeyo enakhunuulliwa oweella mwa Khrisitu.

1 Samuele 2:18

Samuele aariiye musombwe aanarumeyella vamiitthoni va Apwiya awanre ekuwo yabafuta yookhalla ni efodi.*