Mateyu 11:18 - Mawu a Mulluku

¹⁸ Vawi Yohane awiilleeye, aahalla ocha* ni oohimuwirya vinyo nave athu yaallota wi, ‘Ookhalla ni munepa woonanara.’

Mateyu 11:18 Iomraidhean Croise

2 Mamwene 9:11

Vano Yehu ahokollweelle wa oohoollella akhwaayaalle, yaamukoha wi, “Ethiyo tti waphaama? Mullupaanepoolle aasha tini wa nyuwaano?” Olliye ahaakhulla wi, “Munnamudduwella muthoolle ni ddoollota ddaye ddene.”

Yeremiya 15:17

Ngaakhanlle m'mutthukumano wa athu oovudduwa naari ohakallallana alliwa. Koma kahanlle meekha ekaamba yawi nnatta nanyu niri va miyaano nave mwaaddalliha owalli murimaaka.

Yeremiya 29:26

“Apwiya yahuutthoolla we Zefaniya wi okhalle mullupa mukutho munipuroni mwa Yehoyada. Ohuukeraatthiha wi okhalle kapitawo oowehera enyumba ya Apwiya. Omuhiyeke mundende ni ommakellella namang'ona arive muthu aanepa anaddeesa wi tti namallotella.

Hoseya 9:7

Enthawi yoollakiwa yoophiya, mallapo oohokolloselliwa ddoonanara ahaamorella. Vano eneerodduwella wi ddenndda tti ddawoona. Enallota wi, “Namallotelloolla tti ookarangeya, muthu eezeru dda wa Mullukoolla tti mullupaanepa!” Eneera ddiiddo kaambiiwa ddoolakwa ddiwa tti ddawaata nave wiitanana wiwa tti wuullupalli.

Mateyu 10:25

Tti wookwakhwanella wa oohuddera okhalla wonanko muhuddihaaye nave wa kaporo okhalla wonanko apwinnya. Mwaneena a nibanja aneeroromolliwa wi Belezebulu,* muullupalli a minepa ddoonanara, athu amodda a munibanjanimmo eneeroromolliwa manddina oonanara ohiyana ni nnddina nenna.

Mateyu 11:17

‘Naawiipellani machipo a okwati koma nyuwaano khamwaawiinalle! Naawiipellani machipo a maliro koma nyuwaano khamwaawinllalle!’

Mateyu 3:4

Yohane awara ddoowara ddawoopiwa ni mapururu a ekamira,* am'makella laamba anttapara muyuununi mwaye navettho acha middope ni enwi dda muchipululuni.

Mateyu 9:34

Koma Afarisi yaallota wi, “Tti muullupalli a minepa ddoonanara anamuvaha Yesu masiva ookhumiha minepa ddoonanara.”

Mariko 3:22

Ahuddihi amodda a malamulo oovenyera o Yerusalemu yaallota wi, “Ookhalla ni Belezebulu!* Tti Belezebulu, muullupalli a minepa ddoonanara, anamuvaha olliye masiva ookhumiha minepa ddoonanara.”

Luka 1:15

Aneerokhalla muullupalli vamiitthoni va Apwiya. Khawa amuwirya vinyo apaalle erive yoolezeliha. Aneeroddalliwa ni Munepa Waweella naari ahinayariwe.

Yohane 10:20

Anchichi mwa yaayo yaallota wi, “Yoolla ookhalla ni munepa woonanara nave tti mullupaanepa. Munamwiiwellellella tini?”

Yohane 7:20

Mulloko waathoolle wahaakhulla wi, “Wookhalla ni munepa woonanara! Ttaani aneesesesa owiipha?”

Yohane 8:48

Ayuda yaamukoha Yesu wi, “Ethiyo ninnoottha voollotani wi, nyuwaano tti Musamariya* nave mookhalla ni munepa woonanara?”

Yohane 8:52

Ayudaalle yaallota wi, “Vano noodduwella wi mookhalla ni munepa woonanara. Abrahamu aakhwa nave anamallotella yaakhwa. Sika nyuwaano munihina, ‘Muthu anasunga mawaaka m'murimani mwaye khawa akhwa.’

Mitteko 26:24

Paulo allotilleeye mowiiteteza ddiidda, Fesito aakhuwa wi, “Paulo, wookhalla ni anepa wene! Ohuddera wawonko wohuusavulla!”

1 Akorinto 9:27

Kinnahiiha ni owutthattusa kaporo mwiillaka wi kihilephele kiri miyaano killalleyille othenga waphaama wa amodda.