Mateyu 11:11 - Mawu a Mulluku

¹¹ Ddawoona, kinimuulleellani wi, khaavo muthu ooyariwa vatthimva ari muullupalli omukhwaranya Yohane Oobatiza. Koma oyo ari mung'onong'ono mu omwene wa Mulluku sika ari muullupalli omukhwaranya olliyoolla.

Mateyu 11:11 Iomraidhean Croise

Yobu 14:1

Muthu ooyariwa ni mutthiyana tti a mallapo ooyeva, anayarelliwa ohoowa.

Yobu 14:4

Ethiyo ttaani anaakhumihe yaphaama mu yoonanara? Khaavo naari mmodda.

Yobu 15:14

Ethiyo muthu tti tini wi ttuukhalla oohichimwa, ooyariwa ni mutthiyana ttaani wi ttuukhalla oolungama?

Yobu 25:4

Ethiyo muthu ttuulungama mwawiidde vamiitthoni va Mulluku? Ethiyo ooyariwa mwa mutthiyana aneelle mwawiidde?

Masalimo 51:5

Ddawoona, kaayarelliwa mu machimo, kaakhalla mu machimo waambeella mvo amoowaaka yakusalliiwa erukullu ya miyaano.

Yesaya 30:26

Mweeri oneerowala wonanko nndduwa nave nndduwa nineerowalesesa wonanko olendo otthanu ni opiilli owala wa nllapo nimodda. Ddenndda ddineereye mvo Apwiya enaamakiiwa ni ovolliha makhwata ayo mwaneeniiwa yaambihalliiwa vawaallakani athwiiwa.

Zekariya 12:8

Nllapo nenno Apwiya eneerewaateteza ookhalla o Yerusalemu mwawi athu oofooka wunchichi mwa alliwa enaakhalle amasiva wonanko Davide. Sika nibanja na Davide ninaakhalle noolamulella wonanko Mulluku, wonanko mungelo a Apwiya awaahoollella.

Mateyu 11:10

Vawi mawu a Mulluku enallota dda Yohane wi, ‘Kineeromurumiha amithengaaka vahoollo vanyu wi allime musewu wa nyuwaano.’

Mateyu 11:12

Waambeella enthawi eyo Yohane allalleyeeye ophiyera ollello omwene wa Mulluku wookhalla owukiliwaka nave athu oowukilaayo enneeseesa wi yaakhe omwenooyo.

Mateyu 3:1

Viviralle miyakha ddinchichi Yohane Oobatiza aaya o chipululu ya o Yudeya aamba ollalleya.

Mateyu 3:11

“Kinuubatizani ni maaddi wooniha wi moorukunuwa murima koma oyo anaawe mutulli mwaka tti muullupalli ookikhwaranya miyaano. Ngiphwanenlle naari otukhulla esapato ddaye. Yoolla aneerewuubatizani ni Munepa Waweella ni munllo.

Mateyu 5:19

Vano oyo ahiniiwellella nimodda na malamulo yaalla naari lamulo ning'onong'ono navettho anaahuddiha athu amodda wi ehiiwellelleke, yooyo aneerokhalla mung'onong'ono mu omwene wa Mulluku. Koma oyo aniiwellella malamulwaalla navettho anaahuddiha athu amodda wi yiiwellelleke, aneerokhalla muullupalli mu omwene wa Mulluku.

Luka 1:15

Aneerokhalla muullupalli vamiitthoni va Apwiya. Khawa amuwirya vinyo apaalle erive yoolezeliha. Aneeroddalliwa ni Munepa Waweella naari ahinayariwe.

Luka 7:28

Kinimuulleellani wi khaavo muthu ooyariwa vatthimva ari muullupalli omukhwaranya Yohane. Koma oyo ari mung'onong'ono mu omwene wa Mulluku sika ari muullupalli omukhwaranya olliyoolla.”

Luka 9:48

Allota wi, “Nave muthu anamwaakhella mwaanoolla ekaamba ya miyaano, anakaakhella miyaano. Nave oyo anakaakhella miyaano, anamwaakhella oyo akirumalle miyaano. Vawi oyo ari mung'onong'ono mwa attheenenyu yooyo sika muullupalli.”

Yohane 1:15

Vano Yohane aavelleella omboni dda olliye. Aakhuwa wi, “Olla sika kamwaakeemi kalloteemi wi, ‘Animawa vatulli vaka nave tti ookikhwaranya kaambiiwa miyaano kihinayariwe aari arivo khalle.’ ”

Yohane 1:27

Animawa mutulli mwaka nave miyaano ngiphwanenlle naari ottaphulla mikwe dda esapato ddaye.”

Yohane 10:41

Nave athu anchichi yaawa wa olliye enallota muthu ni mukhwaaye wi, “Yohane khenre erive yoottikhiniha koma erive ello aallotilleeye dda yoolla yaari yawoona.”

Yohane 3:30

Yoolla tti oophwanella wi akhalle oopaalleya wunchichi nave miyaano kikhalle oopaalleya vang'ono.”

Yohane 5:35

Yohane aari wonanko enyali ni yoowala nave nyuwaano mwaatthoolla ohakallallana owalanko enthawi yoyeva.

Yohane 7:39

Yesu alloteeye ddenndda allota dda Munepa oyo ookhulupilila mwa olliyooyo eneeriiwa yaakhelle. Va enthawi yeeyo Munepa Waweellooyo waari ohinavahiwe kaambiiwa Yesu aari ahinatitimihiwe.

1 Akorinto 15:9

Vawi miyaano tti murummwa ooyevesesa mwa attheene. Nginaphwanella wi keeriwe murummwa kaambiiwa kaahoosa mpingo wa Mulluku.

1 Akorinto 6:4

Vano mwakhalla ni millatu dda ddeko ddenndda munaddisumella tini wa athu oohikhalla ni olamulello mumpingoni wi yeeruze?

Aefeso 2:3

Hiyaano attheene naari wonanko yaayo nave naaniiwellella minkhella dda omuthwaahu, weera ddoopaalla ddittheddene dda miilli ddahu ni maganizwaahu. Kaambiiwa hiyaano niri wonanko arive muthu, naaphwanella ohoosiwa ni osha murima wa Mulluku.

Aefeso 3:8

Mi tti mung'onong'ono wunchichi waakhwaranya athu attheene a Mulluku. Naari ddiri ddiiddo, Mulluku aakivaha mutteko yoolla wi killalleye wa athu ayo ehiri Ayuda othenga waphaama wa dda waata wa eyuuma ya Khrisitu,

2 Timoteo 1:10

Nave vano ddenndda ddohuupullulliwa wa hiyaano mwa wooneya wa oovullusaahu, Khrisitu Yesu. Aahiiha okhwa nave ohooniha vaweella okumi woohimalla oweella mwa othenga waphaama.

Aheberi 11:40

Sika Mulluku aari aganizalle khalle ddoonikhozera ello yoopaalleya wunchichi vawi khaapanlle wi yaakhelle yoolonjeziweeyo hiyaano nihiivo.

1 Petro 1:10

Anamallotella yahaashaasha ni okoha phaama dda ovullusa wonngu nave yaallotella dda echisomo eyo Mulluku aneereeye uuvaheni.

1 Samuele 2:30

Miyaano kiri Apwiya Mulluku a Aisraele. Kaalonjeza wi nibanja nawo ninaakhalleke allupa mukutho woohimalla. Koma vano kinallota wi ddennddo ddoomalla. Kinaavaha olemu ayo enakititimiha koma kinnaatembelela ayo enakivevulla.