Mateyu 10:8 - Mawu a Mulluku

⁸ Mwaachiriheke oovoriiwa, mwaavenyiheke athu ookhwa, mwaweelliheke athu amakate navettho mwakhumiheke minepa ddoonanara. Mwahaakhella moohillivella nanyeenettho mwaavaheke moohillivelliwa.

Mateyu 10:8 Iomraidhean Croise

Yesaya 55:1

Apwiya enallota wi, “Nyu attheene oovolliwa nthona, waani, maaddi aakhallawo. Nyu oohikhalla ni makobiri, waani mukulle yoocha wi muche. Waawoni mumukulle vinyo ni mukaka, oohillivella makobiri, oohillivella erive ello.

Numeri 18:7

Vano weyaano ni anaawo murumeyelleke va mutteko wa mukutho, mitteko ddittheddene dda vanikuwani ni va mitteko ddittheddene dda nipuro naweellesesa. Kohuuvaha omullupa mukutho wi ekhalle emphaswaawo. Koma arive muthu anaatamellevo aneerewiiphiwa.”

Mateyu 10:1

Yesu aawiithana oohudderaaye khumi ni eelli vamodda, aavaha olamulello wookhumiha minepa ddoonanara ni ochiriha ereta ddittheddene ni ddoovoriiwa ddittheddene.

Mateyu 10:7

Khaweni mwallalleye wi, ‘Omwene wa Mulluku wohaatamella!’

Mateyu 10:9

Muhikuse makobiri a golide, siliva apaalle makobiri a mutundu mmodda mu mathumbani mwanyu,

Mariko 16:18

Yaphara enowa apaalle owirya ddawiipha khevoreyiwana nave eneerekewiiyaatthi mattiiwa va athu oovoriiwa wi echirihiwe.”

Luka 10:9

Nave mwaachirihe oovoriiwa mu etawonimmo nave mwallote wa athwaayo wenko wi, ‘Omwene wa Mulluku wowaatamellani.’

Mitteko 3:6

Koma Petro aamulleella wi, “Makobiri nginna koma kineerewuuvaha kiriimina. Mu nnddina na Yesu Khrisitu o Nazareti kinuulamulella wi, venya weete.”

Mitteko 4:30

Onihani masivaanyu wi ochiriha, ezizindikiro ni ddoottikhiniha ddeeriwe mu nnddina na oorumeyellaanyu aweella, Yesu.”