Mateyu 10:41 - Mawu a Mulluku

⁴¹ Oomwaakhella namallotella kaambiiwa tti namallotella, aneerothuviwa moollikana ni namallotella. Nave oyo anamwaakhella muthu oolungama kaambiiwa tti oolungama, aneerothuviwa moollikana ni muthu yooyo.

Mateyu 10:41 Iomraidhean Croise

Genesis 20:7

Koma vano, omuvelleelle mutthiyanoolla wa mamune. Mullopwanooyo tti namallotella nave aneerewuuvekellella wi ohikhwe. Koma waahimuvelleella, ddawoona, kinimuuchenjezeraatu wi onimakhwa weyaano ni nibanja nawo nittheene.”

Yesaya 3:10

Oodalisiwa tti athu oolungama vawi ddeko ddineeroweetella phaama nave eneerohakallalla ni mitteko dda mattiiwa.

Mateyu 16:27

Vawi mi Mwaana a Muthu kiri vakhuviru owa ni ntitimiho na Attiitthaaka ni angelo. Vano kineeromuthuva arive muthu moollikana ni mitteko ddaye.

Mateyu 25:44

Vano eneeromwaakhulla wi, ‘Apwiya, nawonneni niini nyuwaano muvolliwe ettalla apaalle muvolliwe nthona apaalle muri mulleto apaalle muhiri ni yoowara apaalle muri oovoriiwa apaalle muri mundende, hiyaano nihuurumeyellani?’

Mateyu 25:45

Miyaano kineerewaakhulla wi, ‘Ddawoona, kinimuulleellani wi ekaamba yawi mwaakhoota omurumeyella mmodda a ang'onong'onwaalla mwaakhoota okirumeyella miyaano.’

Mateyu 6:1

“Wehesesani wi muheere mitteko ddanyu ddoolungama vamiitthoni va athu wi ewooneni. Mweera ddiidda vamiitthoni va athu khamwaakhella erive emphaso yoovenyera wa Attiitthaanyu ooddullu.

Mateyu 6:18

wi athu amodda ehidduwelleke wi onimahalla ocha. Koma Attiittho, ayo ehinooneya, eneerodduwella. Vano Attiittho enoona ddawiipittheya, eneerewuuthuva.

Mateyu 6:4

wi ekhalle yawiipittheya nave Attiittho awoona ddawiipittheya eneerewuuthuva.

Mateyu 6:6

Koma weyaano waavekellaka vollowa mu echipindaawo yawiipittheya, owalle nchiwi, vano ovekelle wa Attiittho ayo ehinooneya. Vano Attiittho awoona ddawiipittheya eneerewuuthuva.

Mateyu 7:8

Vawi attheene ayo enaveka eneerewaakhella nave ayo enaashaasha eneerophwanya nave oyo anookotha aneerohullelliwa nchiwi.

Mitteko 16:15

Olliye ni athu a nibanja naye ebatiziwe, aaniithana mooniwatihera wi, “Waawoni mukhalle mpa mwaka mwaarimi mwaakhullenlle wi kiri muthu ookhulupilila mwa Apwiya.” Nave aaniwatihera wawi nahaakhullella wi nikhalle ni olliye.

Aroma 16:23

Gayo, oyo anakirumeyella miyaano vamodda ni mpingo muttheene mpa mwaye, annuuvahani mooni. Erasito, oosunga makobiri a m'muzindani ni Kwarto mwanamunnihu, ennuuvahani mooni.

1 Akorinto 9:17

Kapharaka mutteko moopaalla mwaka, vano keerekopaalla ollivelliwa. Koma kaapharaka mutteko woohikhalla ekaamba ya opaalla waka sika wi muttekooyo tti odindo oyo Apwiya yakivalliiwa.

Aheberi 6:10

Vawi Mulluku tti oolungama, khatiwalla mitteko mwaphanreenyu apaalle echikondi munooniheenyu vawaarumeyellani athwaaye.

2 Yohane 1:8

Vano muchenjere wi muhitathille eyo napharelleehu mutteko sika wi muneerothuviwa wamututha.