Mateyu 10:4 - Mawu a Mulluku

⁴ Simoni a mulloko wa endale wa Azelote* ni Yudasi Isikariyoti oyo amuvelleelle Yesu.

Mateyu 10:4 Iomraidhean Croise

Mateyu 26:14

Vatulli viwa mmodda a oohuddera khumi ni eellaalle, nnddina naye Yudasi Isikariyoti, aaya wa allupa mukutho uullupalli.

Mateyu 26:15

Ahaakoha wi, “Munaakivahe tini miyaano kamuvelleella Yesooyo wa nyuwaano?” Alliwaayo yaheerenga makobiri 30 emuvaha olliyooyo.

Mateyu 26:2

“Munnadduwella wi vavira mallapo meelli, vineerokhalla Paska. Vano mi, Mwaana a Muthu, kineerovelleelliwa wi katthomeyiwe vamutandani.”

Mateyu 26:47

Yesu allotaka ddiiddo, Yudasi, mmodda a khumi ni eelli a oohudderaalle aaphiya ni mulloko muullupalli wa athu ekusalle masupada ni ekoonda erumiwe ni allupa mukutho uullupalli ni attekweene a Ayuda.*

Mateyu 27:3

Vano Yudasi oomuvelleella Yesoolle, oonilleeye wi aakamulla wi Yesu iiphiwe, aamoriwa ethakaraka ni nnddo eerilleeye. Nave aahokollosa makobiri 30 wa allupa mukutho uullupalli ni attekweene a Ayuda.

Mariko 14:10

Vano Yudasi Isikariyoti, mmodda a oohuddera khumi ni eelli, aavenya aya wa allupa mukutho uullupalli wi amuvelleelle Yesu wa alliwaayo.

Mariko 14:43

Yesu allotaka ddiiddo, Yudasi, mmodda a khumi ni eelli a oohudderaalle, aaphiya ni mulloko muullupalli wa athu ekusalle masupada ni ekoonda erumiwe ni allupa mukutho uullupalli, ahuddihi a malamulo ni attekweene a Ayuda.*

Luka 22:3

Satana aavollowa mwa Yudasi, ooromolliwattho Isikariyoti, oyo aari mmodda a oohuddera khumi ni eelli.

Luka 22:47

Yesu allotaka ddiiddo, mulloko wa athu waaphiya woohoollelliwa ni Yudasi, mmodda a oohuddera khumi ni eelli. Olliyooyo aawa wa Yesu wi amukhupaarelle.

Yohane 13:2

Nave enthawi ya mugonelo ehinaphiye, Satana aari ahiyalle khalle maganizo m'murimani mwa Yudasi, mwaana a Simoni Isikariyoti wi amuvelleelle Yesu wi iiphiwe.

Yohane 6:64

Koma amodda a nyuwaano khamunakhulupilila.” Vawi Yesu ahaadduwella khalle vawaambeella vene ayo ehinamukhulupilila ni oyo anaamuvelleelle wi iiphiwe,

Yohane 6:71

Amwaaka Yudasi, mwaana a Simoni Isikariyoti. Vawi Yudasi sika anamuvelleella wi iiphiwe naari aari mmodda a oohuddera khumi ni eellaalle.

Mitteko 1:13

Yavollowilliiwa m'muzindanimmo yaaya o echipinda yavaddullu nko yakhalliiwawo. Amurummwaayo yaari: Petro, Yohane, Yakobo, Andreya, Filipo,* Tomasi, Bartolomeyu, Mateyu, Yakobo mwaana a Alifeyu, Simoni a mulloko wa Aziloti ni Yudasi mwaana a Yakobo.

Mitteko 1:25

wi akhalle oorumeyellaanyu ni murummwaanyu ovollowa munipuroni mwa Yudasi oyo akhwille moollikana ni mmo aphwanenlleeye.”