Mateyu 10:26 - Mawu a Mulluku

²⁶ “Muhiwooveke athu. Vano erive yawiipittheya eneerewuupullulliwa navettho erive yookhuweya eneerodduwanyeya.

Mateyu 10:26 Iomraidhean Croise

Miyambo 10:9

Aweeta mwawookowa khanoova koma ookhoromaniha ettilla ddaye aneerophariwa.

Miyambo 28:1

Muthu oonanara annathawa ahiivo anawiikariha koma oolungama annallipa murima wonanko mukango.

Miyambo 29:25

Omoova muthu tti wonanko wiireya musampha koma oyo anaaroromella Apwiya aneerovulluwa.

Oollalleya 12:14

Vallethi Mulluku aneereweeruza ddittheddene ddaweereya, ddaphaama apaalle ddoonanara naari ni ddoovittheya ddene.

Yesaya 41:10

Ohoove kaambiiwa mi kiri ni weyaano, ohitathille murima vawi mi tti Mullukwaawo. Kineerewuuvaha masiva, kineerewuukavihera, kineerewuuteteza ni nnattanatta naka noogonjiha.

Yesaya 41:14

We Yakobo, oofooka wonanko enyambo, ohoove, we Israele, ohoopopiheye, oovullusaawo tti miyaano, Aweella a Israele.

Yeremiya 1:8

Ohiwoove athwaayo vawi kiri ni weyaano wi kuuvulluse. Mi Apwiya koollota.”

Ezekiele 2:6

We mwaana a muthu, ohoove apaalle otthukumellana nnddo enaallotekiiwa. Ohooveke naari miiwa apaalle kakande ddiwaapheelle naari wakhalla variyari va anamukalizi. Ohooveke mawiiwa nave ohikhupanyeke ni maweherwiiwa vawi athwaayo tti oowukila.

Mateyu 10:28

Muhiwooveke ayo eniipha mwiillive koma khenawora wiipha munepa. Koma mumooveke Mulluku oyo anawora wiipha munepa ni mwiilleene mu gehena.

Mariko 4:22

Erive yawiipittheya eneerewuupullulliwa navettho erive yookhuweya eneerodduwanyeya.

Luka 24:47

Nave mu nnddina naye ollalleyiwe othenga woorukunusa murima ni okhululukiwa wa machimo wa athu attheene, waambeella mu Yerusalemu.

Luka 8:17

“Vano erive ello yawiipittheya eneerewuupullulliwa navettho erive yookhuweya eneerodduwanyeya nave eneerokhalla vaweella.

Mitteko 1:8

Koma Munepa Waweella awa mwa nyuwaano, muneerewaakhella masiva nave muneerokhalla ambonaaka mu Yerusalemu, mu echigawo ya Yudeya ni echigawo ya Samariya ophiyera wookomella ellapo yavatthi.”

Mitteko 4:13

Attekweene a Ayuda yoonilliiwa ollipa murima wa Petro ni Yohane nave wi yaari athu shisha oohihuddera, yaattikhina. Navettho yaadduwella wi yaanakhalla vamodda ni Yesu.

Mitteko 4:19

Koma Petro ni Yohane yaawaakhulla wi, “Mukamulle nyookha waari waphaama wa Mulluku, owiiwellellani nyuwaano apaalle omwiiwellella Mulluku.

1 Akorinto 4:5

Sika muhimweeruze arive muthu enthawi yoophwanella ehinakwakhwane, owa wa Apwiya. Eneerewooniha ddawiipittheya dda mwiipiphini nave eneerewuupullulla maganizo a athu. Nave attheene eneerewaakhella ntitimiho naye na wa Mulluku.

1 Petro 3:14

Oodalisiwa tti nyu munahoosiwa ekaamba ya weera ddaphaama! Muhimooveke arive muthu nave muhikhupanyeke.