Mateyu 10:2 - Mawu a Mulluku

² Manddina a amurummwa khumi ni eellaayo tti alla, awaamba, Simoni (ooromolliwa Petro) ni mwanamunne Andreya, Yakobo ni mwanamunne Yohane, anamwani a Zebedayo,

Mateyu 10:2 Iomraidhean Croise

Mateyu 17:1

Vano viviralle mallapo matthanu ni nimodda, Yesu ahaakusa Petro, Yakobo ni mwanamunne Yohane awellana vaddullu vamwaangoni woorekama, wenko yaariwo weekhiiwa.

Mateyu 20:20

Vano mwaara a Zebedayo ni anaaye aallopwana eelli, Yakobo ni Yohane, yaawa wa Yesu nave aamukokhorella aveka ello.

Mateyu 26:37

Aamukusa Petro ni anamwani eellaalle a Zebedayo. Ahaamba okhupanya ni ohoowa m'murimani.

Mateyu 4:18

Yesu eeteeye mukhwipi mwa enyanja ya Galileya, aawoona athu eelli ayo yaari awiipha ehomba, Simoni (ooromolliwa Petro) ni mwanamunne Andreya, yiiphaka ehomba ni nthavi mu enyanja.

Mateyu 4:21

Eetille oya vahoollo aawoonattho athu amodda eelli, Yakobo ni mwanamunne Yohane, anamwani a Zebedayo. Alliwaalla yaari mu ekallawiiwa ni attiitthiiwa, Zebedayo, esowaka mathaviiwa. Yesu aawiithana wi emuthware ni omuttakiha,

Mariko 1:29

Enthawi yeeyo Yesu ni Yakobo, Yohane, Simoni ni Andreya yaakhumalliiwa mu enyumba yamavekello, yaaya yavollowa mpa mwa Simoni ni Andreya.

Mariko 13:3

Yesu aakeraatthi va mwaango wa Olivi, moowehana ni enyumba ya Mulluku. Vano Petro, Yakobo, Yohane ni Andreya yaawa wa olliye mwa weekhiiwa.

Mariko 6:30

Amurummwa yaawa ekumana ni Yesu nave yaamulleella ddittheddene yeerilliiwa ni yahuddihalliiwa.

Luka 11:49

Ella sika ekaambiiwa Mulluku aallotilleeye mweezeru wi, ‘Kineerewaarumihella anamallotella ni amurummwa nave amodda a yaayo eneerewiiphiwa amodda eneerohoosiwa.’

Luka 22:14

Enthawi yaphiyalliiwa, Yesu aakeraatthi voochella ni amurummwa.

Luka 22:8

Yesu ahaaruma Petro ni Yohane aalleella wi, “Khaweni mwanikhozere yoocha ya Paska wi niche.”

Luka 5:10

Yohane ni Yakobo anamwani a Zebedayo, ayo yaarittho akhwaaye a Simoni ni alliwattho yaattikhina. Yesu aallota wa Simoni wi, “Ohoove, waambeella ollello oya muhoollo oneerekewaattottha athu.”

Luka 9:10

Vano amurummwa a Yesu yahokollowilliiwa yaamulleella Yesu ddittheddene yenriiwa. Ahaakusa attheenaayo ayaana wa weekhiiwa o etawoni yooromolliwa Betisaida.

Yohane 12:22

Filipo aaya amulleella Andreya nave eellaayo yaaya yamulleella Yesu.

Yohane 13:23

Mmodda a oohudderaayo, oyo Yesu aamukondilleeye aakeraatthi vakhuviru ni Yesu.

Yohane 20:2

Vano aathamakella wa Simoni Petro ni oohuddera mmodda, olle Yesu aamukondilleeye, aalleella wi, “Apwiya aavenyihiwamo mu nihameninne nave khannadduwella nko yaavitthalliiwa!”

Yohane 21:2

Simoni Petro, Tomasi ooromolliwa wi Didimo, Natanaele a o Kana a Galileya, anamwani a Zebedayo ni eelli amodda a oohudderaaye yaari nimodda.

Yohane 21:20

Petro arukunuwalleeye aamoona oohuddera mmodda olle Yesu aamukondilleeye, aathwaraka. Olliyoolla tti olle akeraatthille vakhuviru ni Yesu vamachellelloni nave amukoha Yesu wi, “Apwiya, ttaani oyo anuuvelleelleni wi mwiiphiwe?”

Yohane 21:24

Yoolla tti oohuddera oyo avelleelle omboni dda ddenndda nave aalemba ddeko ddenndda. Nave ninnadduwella wi ombonaaye tti wawoona.

Yohane 6:67

Sika ahaakoha oohuddera khumi ni eellaalle wi, “Nanyeenettho munapaalla okihiya miyaano?”

Yohane 6:70

Yesu ahaakhulla wi, “Kahuutthoollani nyuwaano khumi ni eelli, khe ddiiddo? Koma mmodda a nyuwaano tti Satana!”

Yohane 6:71

Amwaaka Yudasi, mwaana a Simoni Isikariyoti. Vawi Yudasi sika anamuvelleella wi iiphiwe naari aari mmodda a oohuddera khumi ni eellaalle.

Yohane 6:8

Mmodda a oohudderaaye, Andreya, mwanamunne a Simoni Petro aallota wi,

Mitteko 1:13

Yavollowilliiwa m'muzindanimmo yaaya o echipinda yavaddullu nko yakhalliiwawo. Amurummwaayo yaari: Petro, Yohane, Yakobo, Andreya, Filipo,* Tomasi, Bartolomeyu, Mateyu, Yakobo mwaana a Alifeyu, Simoni a mulloko wa Aziloti ni Yudasi mwaana a Yakobo.

Mitteko 1:26

Yahoombesa nave Matiyasi aatthoolliwa akhalla murummwa nimodda ni amurummwa amodda khumi ni mmoddaayo.

Mitteko 12:2

Aamwiipha Yakobo, mwanamunne a Yohane ni nsupada.

Mitteko 3:1

Nllapo nimodda Petro ni Yohane yaaya o enyumba ya Mulluku 3 koloko otthaana eyo yaari enthawi yamavekello.

1 Akorinto 15:7

Vano ahooneya wa Yakobo, avenyaka vaavo wa oohuddera attheene.

Aefeso 4:11

Tti oyo aavahille emphaso. Ahaatthoolla amodda wi ekhalle amurummwa, amodda ekhalle anamallotella, amodda ekhalle oollalleya, amodda ekhalle abusa ni ahuddihi.

Aheberi 3:1

Asinnaka ni arokoraka, muri athu a Mulluku nave mwiithaniwe ni olliye! Ganizerani dda Yesu, murummwa ni mullupa mukutho muullupalli a echikhulupililwaahu.

1 Petro 1:1

Ovenyera wa miyaano Petro, murummwa a Yesu Khrisitu. Kinalembella wa athu ootthoolliwa a Mulluku ayo enakhalla wonanko athu oothawa owaniwa ayo epallalleyelle mu echigawo dda Ponto, Galatiya, Kapadokiya, Asiya* ni Bitiniya.

2 Petro 1:1

Ovenyera wa miyaano Simoni Petro, mullupa mutteko ni murummwa a Yesu Khrisitu. Kinalembella wa ayo evahiwe echikhulupililo yoowallamella ophwanaphwana ni yaahu oweella mu echilungamo ya Mullukwaahu ni Oovullusa Yesu Khrisitu.

2 Yohane 1:1

Ovenyera wa miyaano muttekweene. Kinamulembella mutthiyana ootthoolliwa ni Mulluku ni wa anaaye ayo kinaakondeemi mwawoona. Ohiri miyaanove komattho attheene enadduwella yawoona ennuukonda weyaano.

3 Yohane 1:1

Ovenyera wa miyaano muttekweene. Kinamulembella Gayo ookondiwaaka, oyo kinamukondeemi mwawoona.

Yawuupullulla 1:1

Nibukhu nenna tti na ddeko nnddo Yesu Khrisitu uupullullalleeye. Mulluku aamuvaha eyuupullullo yeella wi awoonihe oorumeyellaaye nnddo ddinaphwanella weereya veneva. Khrisitu aamutthoonyihella oorumeyellaaye Yohane voomurumihellani mungelwaaye,

Yawuupullulla 1:9

Miyaano Yohane, mwanamunninyu nave mukhwiinyu mu ddoohoosa, mu ovillella ni mu oovollowa mu omwenaaye ekaamba yoomuthwara Yesu. Kaahiyiwa va echilumba ya Patimo kaambiiwa kaallalleya mawu a Mulluku ni ovelleella omboni dda Yesu.

Yawuupullulla 18:20

Hakallallani ooddullu nyu! Hakallallani athu a Mulluku ni amurummwa owaaka anamallotella nyu! Vawi Mulluku oomullaka va nnddo eerilleeye wa nyuwaano!

Yawuupullulla 22:8

Miyaano, Yohane sika kiiwalle ni woona ddeko ddittheddenenndda. Nave kamallihalleemi wiiwa ni woona ddenndda, kaakokhora vamiitthoni va mungelo oyo akoonihalle ddeko ddenndda wi kimullapelle.