Mateyu 10:15 - Mawu a Mulluku

¹⁵ Ddawoona, kinimuulleellani wi, va nllapo na echiweruzo, Mulluku aneeroweerella echifundo yinchichi athu a Sodomu ni Gomora, waakhwaranya athu a mu etawoni yeella.

Mateyu 10:15 Iomraidhean Croise

Mateyu 12:36

“Kinimuulleellani wi va nllapo na echiweruzo muthu aneerewiipiwa mullatu va mawu mattheene oohikhalla ni mutteko ayo aallotilleeye.

Mateyu 5:18

Vawi kinimuulleellani ddawoona wi, ophiyera oddullu ni ellapo yavatthi ddimallille, khaviwa vivenyihiwa nlemba ning'onong'ono nimodda naari etthoka emodda va malamulwaalla ophiyera ddittheddene ddeeriwe.

Mateyu 7:22

Va nllapo na echiweruzo, athu anchichi eneerollota wi, ‘Apwiya, Apwiya! Mu nnddina nanyu naallotella mawu a Mulluku, mu nnddina nanyu naakhumiha minepa ddoonanara ni mu nnddina nanyu naheera ddoottikhiniha ddinchichi!’

Mariko 6:11

Mwaphiya onipuroni nko muhinaakhelliweenyuwo apaalle muhiniiwellelliweenyuwo, venyaniwoni, muttatthe nthupi omanyalloni wanyu. Yoolla okhalle omboni wawi mohaakhoota ekaamba ya nnddo yenriiwa!”

Yohane 12:48

Oyo anakikhoota miyaano ahinaakhella mawaaka ookhalla ni oomweeruza. Mawu killonteemaalla eneerokhalla aweeruzaaye va nllapo noomallihella!

Yohane 6:39

Opaalla wa oyo aakirumalle miyaano tti wawi kihimutathille arive muthu a ayo yaakivahilliiwa koma wi kaavahe okumi va nllapo noomallihella athu attheene ookhwa.

Yohane 6:40

Vawi opaalla wa Attiitthaaka tti wawi arive muthu oyo anakoona miyaano ni okhulupilila mwa olliyooyo, akhallena okumi woohimalla. Nave va nllapo noomallihella kineerewaavenyiha wa ookhwa.”

Mitteko 17:31

Vawi ootthoolla nllapo nawi eeruze ellapo yavatthi ettheene ni echilungamo mwa muthu amutthoonlleeye. Ohoonihella yeella wa arive muthu voomuvenyihani muthu yoolla wa ookhwa!”

1 Akorinto 3:13

Nave oreera wa mutteko wa arive muthu oneerewuupullulliwa va nllapo na echiweruzo vawi nllaponno nineerophiya ni munllo nave munllooyo sika onaalinge mitteko dda arive muthu.

1 Atesalonika 5:4

Koma nyuwaano, asinnihu ni arokorihu khamuri mwiipiphini wi nllaponno nihuururumuseni wonanko mullupaawiiya.

Aheberi 10:25

Nihisoseke o mitthukumano ddahu ddoollapella wonanko mmo eneerella amoddaayo. Koma hankoni nillipihane mwiilli vawi munnadduwella wi nllapo na Apwiya nohaatamella.

2 Petro 2:6

Mulluku aallaka mizinda dda Sodomu ni Gomora, voowoonongani ni munllo nave aheera ddennddo wi aachenjeze athu oohimullapella Mulluku dda nnddo ddinaaweereye.

2 Petro 2:9

Vano Apwiya ennadduwella waavullusa athwiiwa a Mulluku o ddoohoosa ddiwa navettho ennaadduwella waasunga athu oonanara ophiyera nllapo na echiweruzo wi yaallake.

2 Petro 3:7

Koma oddullu ni ellapo yavatthi erivweella ennasungiwa ni malamulo a Mulluku yaayo wi yoonongiwe ni munllo. Ddinnasungelliwa nllapo nno athu oohimullapella Mulluku eneeriiwa yeeruziwe ni woonongiwa.

1 Yohane 4:17

Mwawi ddiidda echikondi yookhalla yawoona mwa hiyaano sika wi nikhalle oollipa murima va nllapo na echiweruzo kaambiiwa niri wonanko Yesu naari nikhallakave mu ellapo yavattheella.

Yuda 1:6

Muupuwelle angelo ayo yahikwakhwanihiwe ni olamulellwiiwa nave yaahiya mookhalla mwiwa. Mulluku ahaamaka ni onyolo woohiphaddeya nave ohaahiya onipuroni neepiphi ophiyera nllapo naweeruza nuullupallinne.

Yuda 1:7

Muupuwelle Sodomu ni Gomora ni matawoni awaatamanana, nko athu yeerille ddoophwanaphwana ni nnddo yeerille angelwaalle. Athwaalla yaheera machimo ooraruwa ni machimo amodda oohiphwanella weeriwa ni muthu. Mulluku ahaallaka ni munllo woohimalla wi aachenjeze athu amodda.