Mateyu 1:20 - Mawu a Mulluku

²⁰ Vano aganizeeye ello yeella, mungelo a Apwiya ahooneya wa Yosefe muullohani allota wi, “Yosefe, edduullu ya Davide, ohoove omutthella Mariya. Erukullu yeella tti ya masiva a Munepa Waweella.

Mateyu 1:20 Iomraidhean Croise

Genesis 31:11

Muullohani, mungelo a Mulluku aallota ni miyaano wi, ‘Yakobo,’ Nave kahaakhulla wi, ‘Miyaano!’

Genesis 46:3

Vano Mulluku aamulleella wi, “Mi tti Mulluku, Mulluku a attiittho. Ohoove oya o Iguputo. Wenko kineeroruuwiha edduullu ddawo wi ddikhalle mutundu muullupalli.

1 Mamwene 17:13

Koma Eliya aamulleella wi, “Muhoove, khaweni mweere moollikana ni mmo mullotelleenyu. Koma vawaamba vahullani othu vang'ono mukaapeyelle mwanabuledi muweena. Vatulli viwa mwamwaapeyettho mmodda wi muche nyuwaano ni mwaninyu.

1 Mamwene 3:5

O Gibiyoni Apwiya yahooneyella wa Solomoni mahiiyu moolloha, emulleella wi, “Veka eyo onapaalleewe nave kineerewuuvaha.”

Masalimo 119:125

Mi tti oorumeyellaanyu mukivahe wiiwesesa wi kidduwelleke malamulwaanyu.

Masalimo 143:8

Ohinase mukiiwihe dda echikondaanyu yoohisintheya, kaambiiwa kinnuuroromellani. Mukitthoonyihelle ettilla yawi keetemo, vawi kinnavelleella murimaaka wa nyuwaano.

Masalimo 94:19

Okhupanya m'murimani mwaka waawaataka, ddookhurumusa murima ddanyu ddinnakihakallalliha.

Miyambo 12:5

Maganizo a athu oolungama tti awookowa koma malangizo a oonanara tti oolleka.

Yesaya 26:3

Nyu Apwiya, munnavaha murendelle wawoona wa ookeraattheya murima ni awuuroromellani.

Yesaya 30:21

Mwaahapuwellaka onnattanatta apaalle onyotthoni, muneerewiiwa otulli wanyu mawu owuutthoonyihellani ettilla awi, “Ettilla tti yeella, muthwareke yeella.”

Yesaya 51:7

Nyu oodduwella echilungamo, ngiiwani, nyu oosunga malamulwaaka m'murimani. Muhoove athu yaawuuhumullullakani, muhitathille murima yaawuunyaambusakani.

Yesaya 7:13

Sika Yesaya aallota wi, Ngiiwani vano, nyu edduullu ya Davide! Ethiyo khonuukwakhwaneni waatopiha athu munapaalleenyu omutopiha naari Mullukwaaka?

Yesaya 7:2

Nibanja na Davide niiwalle wi ellapo ya Siriya yohiiwanana ni ya Efuremu, mwene ni athwaaye yaatthukumella wonanko miteekho dda muutthakoni ddinatikhiwa ni ephevo.

Yeremiya 31:22

We mwanaka oohiroromelleya, Ethiyo onaahiye okayikella niini? Apwiya aaphatusa ello yanaanweene va ellapo yavatthi vawi mutthiyana sika anamwaashaasha mullopwana.”

Yeremiya 33:26

Vano wonanko mmo keerelleemi ddenndda moosimikiza, kineerosunga echipangano eyo kakeraatthihalleemi ni edduullu dda Yakobo ni Davide, oorumeyellaaka. Kineeromutthoolla mmodda mwa edduullu dda Davide wi alamulelleke edduullu dda Abrahamu, Isaki ni Yakobo. Vano kineerewaamorella ethakaraka ni waahokollosellattho ddaphaama.”

Yeremiya 40:9

Gedaliya mwaana a Ahikamu, edduullu ya Shafani, ahaallupellella attheenaayo wi, “Muhoove waapharella mutteko Ababiloni. Khallani mwiillaponimmo, mumurumeyelleke mwene a o Babiloni nave ddeko ddittheddene ddineerekoweetellani phaama.

Yowele 2:28

“Vatulli viwa kineerohella munepaaka va athu attheene, aniinyu aallopwana ni aatthiyana eneerollotella, athu awuulluvalla eneerolloha, asombwe eneerewoona masomphenya.

Numeri 12:6

Nave yaallota wi, “Iwani mawaaka. Vakhalla namallotella variyari vanyumva, mi Apwiya kinnaddoonihella wa muthooyo oweella m'masomphenya nave kinnallotana oweella mu olloha.

Mateyu 1:18

Oyariwa wa Yesu Khrisitu waari wawi amennya, Mariya, yaatomeliwa ni Yosefe koma ehinatthellane, Mariyooyo aaphwanyeya ari ni erukullu mwamasiva a Munepa Waweella.

Mateyu 2:12

Vano Mulluku aachenjezille muullohani wi ehihokollweelle wa Herode, yaahokollweella owaniwa oyeella ettilla emodda.

Mateyu 2:13

Alleto a wookhuma nndduwaalle erowille, mungelo a Apwiya ahooneya wa Yosefe muullohani allota wi, “Ngavenya, omukuse mwaanooyo ni amennya muthawelle o Iguputo. Wakhalle wenko ophiyera kuulleelle yaweera kaambiiwa Herode anapaalla omwiipha mwaanooyo.”

Mateyu 2:19

Vano akhwille Herode, mungelo a Apwiya ahooneya wa Yosefe muullohani mu Iguputo allota wi,

Mateyu 2:22

Koma Yosefe iiwalleeye wi Arikalawo aari mwene a o Yudeya munipuroni mwa attiitthinnya, Herode, ahoova oya wenko. Vano Mulluku amuchenjezille muullohani, aaya o echigawo ya Galileya.

Mateyu 27:19

Vano Pilato akeraatthille vampandoni wooweeruzella mwaariye aarumiha wa olliyooyo mawu awi, “Muheere ello ni muthu oolungamoolla vawi mahiiyu koohoowa muullohani ekaamba ya yoolla.”

Mateyu 28:5

Mungeloolle aallota ni atthiyanaalle wi, “Muhoove vawi kinnadduwella wi munamwaasha Yesu oyo aatthomeyiwe vamutandani.

Luka 1:19

Mungelooyo ahaakhulla wi, “Mi tti Gaburiyele, oorumeyella a Mulluku, oyo akirumalle wi kuulleelle othenga waphaamoolla.

Luka 2:4

Yosefe avenyera o etawoni ya Nazareti o Galileya, aya o etawoni ya Betelehemu o Yudeya, wayarelliwe Davide kaambiiwa Yosefooyo aari edduullu ya Davide.

Mitteko 5:19

Koma mahiiyu yaayo mungelo a Apwiya aahulla millako dda ondendenko, aakhumiha amurummwaayo, aalleella wi,

Yawuupullulla 19:7

Hankoni nihakallalle, hankoni nititimihe wunnuwa waye! Vawi enthawi ya machellello a okwati wa mwaanaankhosa aaphiya nave ootthelliwooyo ookhozekella khalle.

Oweeruza 13:3

Mungelo a Apwiya aamooneyella mutthiyanooyo amulleella wi, “Ngoonani naari ophiyera ollello muhinna anamwani koma muneerokhalla ni erukullu nave muneeromuyara mwaana aamullopwana.