Mateyu 1:1 - Mawu a Mulluku

¹ Nna sika ntthopoollo na makhollwaaye a Yesu Khrisitu, edduullu ya Davide, oyottho aari edduullu ya Abrahamu.

Mateyu 1:1 Iomraidhean Croise

Genesis 12:3

Kineerewaadalisa attheene enuudalisa weyaano, koma kineeromutembelela arive muthu anuutembelela weyaano. Oweella mwa weyaano mitundu ddittheddene dda va ellapo yavatthi ddineerodalisiwa.”

Genesis 2:4

Ella sika epilli yakhalle ya ophatusiwa wa ellapo yavatthi ni ddittheddene ddooddullu. Va enthawi eyo Apwiya Mulluku yaphatusiiwa ellapo yavatthi ni ddeko ddittheddene ddooddullu,

Genesis 22:18

Vawi weyaano wookiiwellella navettho mitundu ddittheddene dda va ellapo yavatthi ddineerodalisiwa oyeella mwa edduullu ddawo.’ ”

Genesis 5:1

Nna sika ntthopoollo ya edduullu dda Adamu. (Mulluku voomuphatusani muthu, amuphatusalle moophwanaphwana ni olliyooyo.

Masalimo 132:11

Apwiya yaamullupellella Davide moomusimikizella wi khewa esintha, yaallota wi, “Kineeromukeraatthiha va mpando woomwene mmodda a edduullu ddawo.

Masalimo 89:3

Moollota wi, “Koopangana ni ootthoolliwaaka, koollupella wa Davide oorumeyellaaka wi,

Masalimo 89:36

Edduullu ddaye khaddimalla wa enthawi yoohimalla, mpandwaaye woomwene oneerokhallawo enthawi ettheene wonanko nndduwa vamiitthoni vaka.

Yesaya 11:1

Enthambi eneerophuwa va nikoto na Yese nave yoophuwa eneerokhuma o misisi ddaye.

Yesaya 53:8

Aaphariwa nave khaaweruziwe mwa echilungamo, khaavo apwathille. Okumaaye waakusiwa mwa olliye va ellapo yavatthi ekaamba ya machimo a athwaaka ahuukuthiwa.

Yeremiya 23:5

Apwiya enallota wi, “Enimawa mallapo kinaamuphuwihelleemi Davide enthambi yoolungama eyo enaakhalle mwene eezeru ni aweeruza mweechilungamo ni moohiweha ekhove mwiillaponimmu.

Yeremiya 33:26

Vano wonanko mmo keerelleemi ddenndda moosimikiza, kineerosunga echipangano eyo kakeraatthihalleemi ni edduullu dda Yakobo ni Davide, oorumeyellaaka. Kineeromutthoolla mmodda mwa edduullu dda Davide wi alamulelleke edduullu dda Abrahamu, Isaki ni Yakobo. Vano kineerewaamorella ethakaraka ni waahokollosellattho ddaphaama.”

Amosi 9:11

Apwiya enallota wi, “Enthawi yeeyo kineerohokollosella omwene wa Davide oyo wakumuwalle wonanko enyumba. Kineeropotokosattho esiri ddiwa ddookumuwa ni omakattho matepiiwa, kineerewuuhokollosellattho mwakhalle.

Zekariya 12:8

Nllapo nenno Apwiya eneerewaateteza ookhalla o Yerusalemu mwawi athu oofooka wunchichi mwa alliwa enaakhalle amasiva wonanko Davide. Sika nibanja na Davide ninaakhalle noolamulella wonanko Mulluku, wonanko mungelo a Apwiya awaahoollella.

Mateyu 1:18

Oyariwa wa Yesu Khrisitu waari wawi amennya, Mariya, yaatomeliwa ni Yosefe koma ehinatthellane, Mariyooyo aaphwanyeya ari ni erukullu mwamasiva a Munepa Waweella.

Mateyu 1:2

Abrahamu aamuyara Isaki, Isaki aamuyara Yakobo, Yakobo aamuyara Yuda ni asinne

Mateyu 15:22

Mutthiyana o Kanani ookhalla o ezigawo dda wenko, aawa wa olliye. Aakhuwa wi, “Mukeerelle echifundo, Apwiya, Edduullu ya Davide! Mwanaka aamutthiyana ookhalla ni munepa woonanara.”

Mateyu 3:16

Yesu abatiziwe wene, enthawi yeeyo aakhumamo m'maaddini nave oddullu waamuhulleyella, vano ahoona Munepa a Mulluku akitthaka wonanko ekhunda va olliye.

Mateyu 9:27

Yesu aavenyavo vanipuroni valle nave eetaka, athu eelli oohoona yaamuthwara. Yaakhuwa wi, “Nyu edduullu ya Davide, muneerelle echifundo!”

Luka 1:33

Nave aneerolamulella Aisraele mallapo mattheene nave omwenaaye khomalla!”

Yohane 7:42

Mawu a Mulluku enallota wi, Mesiyooyo anaakhalle edduullu ya mwene Davide nave anaayariwelle mu Betelehemu, m'muzi mmo mwakhalla Davide.”

Mitteko 2:30

Vallethi aarittho namallotella nave aadduwella wi, Mulluku aallupella wi mmodda a edduullu ddaye aneeroowa avollowe omwenaaye.

Aroma 1:3

Othenga yoolla onallota dda mwanaye, Apwiihu Yesu Khrisitu. Olliye tti edduullu ya Davide moollikana ni omuthu.

Aroma 4:13

Mulluku amulonjezilleeye Abrahamu vamodda ni edduullu ddaye wi ellapo yavatthi ewe ekhalle yayiwayayiwa, ohiri kaambiiwa Abrahamu ahiiwellella malamulo koma kaambiiwa aalungamihiwa ekaamba ya echikhulupililwaaye.

Aroma 9:5

Alliwaalla tti edduullu dda Aisraele makhollo oovuwaalle ayo yaari makhollo a Khrisitu mwa omuthu. Mulluku oyo analamulella ddeko ddittheddene atitimihiwe enthawi yoohimalla! Amen.

Agalatiya 3:16

Vano Mulluku aheera malonjezwaaye wa Abrahamu ni edduullu ddaye. Mawu a Mulluku voollotani wi, “Edduullu ddaye” khenattaphullella wi, “Athu anchichi” koma enattaphullella wi, “Edduullwaaye” ottaphullella wi, “Muthu mmoddave” nnddina naye Khrisitu.

1 Timoteo 2:5

Vawi viri Mulluku mmoddave ni namunkhoswe mmoddave variyari va Mulluku ni athu, muthu yoolla tti Khrisitu Yesu,

2 Timoteo 2:8

Muupuwelle Yesu Khrisitu, oyo avenyille wa ookhwa oyottho ari edduullu ya Davide wonanko mmo ddinahuddiheriwiiwa mu othenga waphaama kinallalleyeemi.

Yawuupullulla 22:16

“Mi Yesu, koomurumiha mungelwaaka wi allalleye ddeko ddenndda wa mipingo. Miyaano sika edduullu ya Davide, etheneeri yoowala ya thanda.”