Masalimo 99:6 - Mawu a Mulluku

⁶ Mwa allupa mukuthwiiwa mwaakhalla Mose ni Aroni, Samuele aari mmodda awiithana nnddina niwa yaaninllella wa Apwiya, alliwa enawaakhulla.

Masalimo 99:6 Iomraidhean Croise

Eksodo 14:15

Vano Apwiya yaamukoha Mose wi, “Ethiyo kaambiiwa tini oninllelleewe mookhuwa wa miyaano? Alleelle Aisraele wi yeeteke oya muhoollo.

Eksodo 15:25

Sika Mose aavekella moollipiha wa Apwiya nave Apwiya yaamooniha mwanakopo. Mose aavokha mwanakopooyo m'maaddini nave maaddaayo yaahiya owaawanko. Wenko Apwiya yahaavaha athwaayo malamulo ni ehuddiho nave aaweesattho.

Eksodo 17:4

Sika Mose aavekella wa Apwiya mookhuwa allota wi, “Ethiyo keerena tini athu yaalla? Alliwaalla ehannlle vang'ono okivokha malluku.”

Eksodo 32:30

Osaka wene Mose ahaalleella athu wi, “Nyu mwaachimwa wunchichi. Koma vano kineerooya wa Apwiya omwaangoni nave kuuvekellellani apaalle eneerewuukhululukellani machimwaanyu.”

Yeremiya 15:1

Vatulli viwa Apwiya yaakilleella wi, “Naari Mose ni Samuele yiimenlleke vamiitthoni vaka yaavekellaka athu yaalla, ngaamoriwelle ethakaraka. Avenyihenivoni vamiitthoni vaka, eye nko.