Masalimo 99:5 - Mawu a Mulluku

⁵ Atitimiheni Apwiya Mullukwaahu, kokhorellani voonyingalla manyallwiiwa, alliwa tti aweella!

Masalimo 99:5 Iomraidhean Croise

1 Epilli 28:2

Vano mwene Davide ahiimella allota wi, “Nyu asinnaka ni athwaaka, kaapelleni maaru. Kaakhalla ni maganizo m'murimani mwaka awi kimake enyumba yoohiyamo nibokosi na echipangano na Apwiya nno ninaakhalle wonanko nipuro noonyingallavo Apwiya Mullukwaahu. Nave kaakhozekella khalle ddoomaka enyumbeeyo.”

Masalimo 107:32

Yaatitimihe vamutthukumanoni wa athu, yaathokoze vanthatoni na attekweene.

Masalimo 108:5

Nyu Mulluku, onihani ottekweenaanyu muddullummo. Vuwihani ntitimiho nanyu va ellapo yavatthi ettheene.

Masalimo 118:28

Nyuwaano tti Mullukwaaka, kineerewuuthokozani, nyuwaano tti Mullukwaaka, kineerewuutitimihani.

Masalimo 132:7

Hankoni niye onipuroni Apwiya enakhalliiwawo, naallapelle woonyingallavo manyallwiiwa.

Masalimo 21:13

Nyu Apwiya mutitimiheye ekaamba ya masivaanyu, nineerewiipa ni otetheella masivaanyu muullupalli.

Masalimo 34:3

Hankoni niwunnuwihe Apwiya, nitetheelle nnddina niwa.

Masalimo 99:3

Attheene etitimihe nnddina niwa nuullupalli ni nawooviwa! Alliwa tti aweella!

Masalimo 99:9

Atitimiheni Apwiya Mullukwaahu, allapelleni o mwaangwiiwa waweella, Apwiya Mullukwaahu tti aweella.

Eksodo 15:2

Apwiya sika masivaaka ni ekophollo ddaka, alliwa tti oovullusaaka. Alliwa tti Mullukwaaka nave kineerewaatitimiha, tti Mulluku a attiitthaaka nave kineerewaatthamalla wunchichi.

Yesaya 12:4

Nllapo nenno muneerollota wi, “Athokozeni Apwiya, titimihani nnddina niwa. Mullalleye mitteko ddaye variyari va mitundu dda athu, muvuwihe wi nnddina niwa tti noopambana.

Yesaya 25:1

Nyu Apwiya, nyuwaano sika Mullukwaaka, kineerewuuvahani olemu ni otitimiha nnddina nanyu. Moheera ddeko ddoottikhiniha, mookeraatthiha moororomelleya mwasimikizalleenyu khalle.

Yesaya 66:1

Apwiya enallota wi, “Oddullu sika mpandwaaka woomwene, ellapo yavatthi sika voonyingallavo manyallwaaka. Ethiyo munaakimakelle enyumba yawiidde? Niri wuuwi nipuro nawiithuuwellamo miyaano?

Hoseya 11:7

Athwaaka aawanddeellella ddookiwukila. Vano eneerewinlla ekaamba ya nigoli* nno niri va alliwa koma khaavo anaawaavenyihelle.”

Levitiko 19:2

aalleelle Aisraele attheene wi, “Khallani aweella kaambiiwa mi Apwiya Mullukwaanyu tti aweella.