Masalimo 99:3 - Mawu a Mulluku

³ Attheene etitimihe nnddina niwa nuullupalli ni nawooviwa! Alliwa tti aweella!

Masalimo 99:3 Iomraidhean Croise

Nehemiya 1:5

Vano kaallota wi, “Nyu Apwiya Mulluku ooddullu, Mulluku muullupalli ni awoopiha, oyo anasunga echipangano ni okhalla ni echikondi yoohisintha wa athu ayo enamukonda ni wiiwellella malamulwaaye.

Nehemiya 4:14

Koma kaaweha, kivenya nave killota wa athu oolamulella, owaahoollella ni athu amodda attheene wi, “Muhiwooveke. Upuwellani wi Apwiya tti uullupalli ni awoopiha navettho ennaawanella ekhoto abalaanyu, aniinyu, awarinyu ni enyumba ddanyu.”

Nehemiya 9:32

Vano sika nyu Mullukwaahu tti Mulluku Amasiva Mattheene ni awoopiha, munnasunga echipangano ekaamba ya echikondaanyu yoohisintheya. Muhivevulle ddoohoosa nnddo ddinimorelle hiyaano, mamwenaahu, enduna ddahu, allupa mukuthwaahu, anamallotellaahu, makhollwaahu ni athwaanyu attheene ovenyera mu enthawi ya mamwene a o Asiriya ophiyera ollello.

Nehemiya 9:5

Vano Alevi monga Yeshuwa, Kadimiyele, Bani, Hashabuneiya, Hodiya, Shebaniya ni Petahiya yaallota wi, “Ngavenyani naatitimihe Apwiya Mullukwaanyu enthawi ddittheddene. Nidalisiwe nnddina niwa nootitimiheya nno ninawellihiwa okhwaranya madaliso ni ollapella wutthewene.”

Masalimo 100:4

Vollowani va millako ddiwa mwaathokozaka, khaweni m'mathatoni mwiwa mwaatitimihaka, athokozeni Apwiya, titimihani nnddina niwa.

Masalimo 103:1

We murimaaka, atitimihe Apwiya, okumaaka muttheene riiha nnddina niwa naweella.

Masalimo 111:9

Yahaavullusa athwiiwa, yaakeraatthiha echipanganwiiwa wi ekhalle ya enthawi yoohimalla. Nnddina niwa tti naweella ni nawoopiha.

Masalimo 145:17

Apwiya tti oolungama mu ettilla ddiwa ddittheddene, tti eechifundo mu ddaweera ddiwa ddittheddene.

Masalimo 66:3

Mulleelleni Mulluku wi, mitteko ddanyu tti ddoottikhiniha. Masivaanyu tti muullupalli, adanaanyu ennawaramella vatthi moowoovani.

Masalimo 76:1

Mulluku tti oodduwanyeya mu Yuda, nnddina naye tti nuullupalli mu Israele.

Masalimo 76:12

oyo anamalliha masiva a enduna oyo anawoopiha mamwene a va ellapo yavatthi.

Yesaya 6:3

Aserafaayo yaanakhuwellana wi, Aweella, aweella, aweella tti Apwiya Amasiva Mattheene! Ntitimiho niwa nooddalla ellapo yavatthi ettheene.

Yeremiya 20:11

Koma Apwiya eri ni miyaano, alliwa sika mullupa akhoto awoopiha, ekaamba ya yeella ookihoosa eneerokwakwatuwa, ddawoona, khepambana. Eneerowulliwa muru wunchichi ekaamba yookilephela, eneeromora ekhove moohitiwalleya.

Yohane 17:11

Vano nginakhallattho mu ellapo yavatthi koma alliwaayo tti a mu ellapo yavatthi nave miyaano kinimawa wa nyuwaano. Attiitthaaka aweella, ekaamba ya masiva a nnddina nanyunno mwaakivahilleenyu atetezeni yaalla phaama. Sika vano ekhalle amodda wonanko mmo nyuwaano ni miyaano nikhallelleehu amodda.

Deuteronomo 28:58

“Mwiiwellelleke moororomelleya malamulo mattheene ayo elembiwe mu nibukhunna wi mooveke nnddina noottikhiniha ni nawoopiha na Apwiya Mullukwaanyu.

Deuteronomo 7:21

Muhiwoove athu yaalla. Apwiya Mullukwaanyu eri variyari vanyu nave alliwa tti Mulluku muullupalli oophwanella omoova.

Yoswa 24:19

Yoswa ahaalleella athwaayo wi, “Mwaamodda nyuwaano khamuwora waarumeyella Apwiya kaambiiwa tti Mulluku aweella nave eehache. Khuuhiyani wi mumuwukileke nave mumuchimwelleke.

Yawuupullulla 4:8

Erive yoophatusiwa yookumi yaakhalla ni muuphello matthanu ni nimodda nave yaakhalla ni miittho muwari ni otte wene. Ddakhallella wiipa otthaana ni mahiywiine woohihiya wi, “Aweella, aweella, aweella, tti Apwiya Mulluku Amasiva Mattheene, oyo aarivo khalle, arivo ollello ni oyo anaawe muhoollo.”

1 Samuele 2:2

“Khaavo ari aweella ophwanaphwana ni Apwiya, khaavo mmodda koma alliwave, khaavo ari ooteteza wonanko Apwiya.