Masalimo 99:1 - Mawu a Mulluku

¹ Apwiya tti mwene, mitundu dda athu dditthukumelle! Ennakeraatthi variyari va akerubi,* ellapo yavatthi etikheye!

Masalimo 99:1 Iomraidhean Croise

2 Samuele 6:2

Aatimulla ni akhoto attheene ayo aariiyena ovenyera o Baala a o Yuda wi yakuse nibokosi na echipangano na Apwiya. Nibokosinno nadduwanyeya moollikana ni nnddina nawi Apwiya Amasiva Mattheene ayo yakhalla va akerubi* wonanko va mpando woomwene.

1 Epilli 16:30

tthukumellani vamiitthoni viwa, nyu athu attheene a va ellapo yavatthi, ddawoona, ellapo yavatthi yookeraattheya moollipa, yoohitikheya!

Masalimo 18:10

Aawella va akerubi* avava, aheeta ni ephevo mwawaakuva.

Masalimo 2:6

Apwiya enallota wi, “Kaamutthoolla khalle mwenaaka, vamwaangoni waweella wa Ziyoni.”

Masalimo 80:1

Nyu mbusa a Israele, ngiiwani nyu oyo munaahoollella athu a Yosefe wonanko mulloko wa enkhosa, nyu oyo munakhalla va akerubi* wonanko mpandwaanyu woomwene,

Masalimo 80:2

ddooniheni wa malloko a Efuremu, Benjamini ni Manase. Onihani masivaanyu, muwe wi mukivulluse.

Masalimo 82:5

Khenadduwella ello navettho kheniiwesesa, enneeta mwiipiphini, Matthipello a ellapo yavatthi aatikheya.

Masalimo 93:1

Apwiya sika mwene, alliwa aawara ntitimiho, aamakella masiva wonanko laamba. Yaakeraatthiha ellapo yavatthi, khewa etikheya.

Masalimo 96:10

Llalleyani wa mitundu ddittheddene dda athu wi, “Apwiya sika mwene. Ellapo yavatthi yaakeraatthihiwa moollipa, khewa etikheya. Eneereweeruza mitundu ddittheddene dda athu mweechilungamo.”

Masalimo 96:9

Allapelleni Apwiya antitimiho ni aweella, tthukumellani vamiitthoni viwa, nyu athu attheene a va ellapo yavatthi.

Masalimo 97:1

Apwiya sika mwene, athu a va ellapo yavatthi ehakallalle, athu attheene a mukhwipi mwa enyanja ethapelle.

Masalimo 97:4

Ettariiwa ennawaliha ellapo yavatthi, ellapo ettheene ennoona nave ennatikheya.

Eksodo 25:22

Kineerekokumana ni olliye vaavo nave ovenyera vaddullu va yookhuneelleeyo, variyari va akerubi eri vaddullu va nibokosaayo, kineeromulleella malamulwaaka mattheene wa Aisraele.

Yesaya 19:14

Apwiya ahaavaha munepa woovirikaniha variyari viwa mwawi ennaahollosa Aiguputo mu erive ello eneeriiwa wonanko oolezela ooserenguwa ni marapheywiiwa.

Yeremiya 4:24

Kaaweha miyaango nave ddaanatikheya, asimiyaango yaanatthukumella.

Yeremiya 49:21

Ellapo yavatthi eneerotthukumella ekaamba ya ogonja wiwa. Winlla wiwa oneerewiiweya o Enyanja Yoofiira.

Yeremiya 5:22

Mi Apwiya kinakoha wi, “Kaambiiwa tini muhinakooveenyu? Kaambiiwa tini muhinatthukumellaanyu vamiitthoni vaka? Mi sika kahiyalle mihava wi okhalle malire a enyanja, malire ayo enyanjeeyo khenawora waakhwaranya. Mafunde naari enyaruwe mwawiidde, khenawora okhwaranyavo. Naari enyakulle mwawiidde, khenawora okhwaranyavo.

Yeremiya 50:46

Ellapo yavatthi eneerotthukumella ekaamba ya ogonja wiwa. Winlla wiwa oneerewiiweya o Enyanja Yoofiira.”

Ezekiele 43:7

Aakilleella wi, “We mwaana a muthu, nipuro nenna tti na mpandwaaka woomwene mvo kinanyingallihaamivo manyallwaaka. Wuno sika kinaakhalleemi ni athwaaka Aisraele wa enthawi yoohimalla. Alliwa naari mamweniiwa khewa eripihattho nnddina naka naweella vooraruwani apaalle voovitthani mitembo dda mamweniiwa o mapuro oollapellawo.

Luka 19:12

Yesu aallota wi, “Waakhalla muthu a mu nibanja noovuwa oyo apaalla oya o ellapo yawoorekama wi awarihiwe omwene. Nave apaallattho wi ahokollweelle owaniwa awarihiwa.

Luka 19:14

Vano athu oowaniwaalle yaanamwiita nave atimullalleeye athwaayo yaamuruma oorumiwa wi allote wi, ‘Hiyaano khaninapaalla wi muthu yoolla akhalle mwenaahu.’

Luka 19:27

Vano wa adanaaka ayo yahipaalla wi kikhalle mweniiwa, akuseni muweena wuno nave muwiiphe kiwoonaka!’ ”

Afilipi 2:12

Sika vano, akhwaaka ookondiwa vawi mwaakiiwellella enthawi ettheene kaariimi ni nyuwaano, tti woopaalleya wunchichi wi mukiiwellelleke vano kiriimi woorekama ni nyuwaano. Virellellani ophara mutteko mwawoova ni mootthukumella wi mwakuthulle ovullusiwa wanyu,

Yawuupullulla 11:17

ellota wi, “Apwiya Mulluku Amasiva Mattheene, nyuwaano muriwo ollello nave mwaariwo khalle! Ninnuuthokozani ekaamba yowooniha masivaanyu muullupalli nave mohaamba olamulella!

Yawuupullulla 20:11

Nave kaamoona Mulluku akeraatthille vampandoni muullupalli waweella wa omwene. Ellapo yavatthi ni oddullu ddaathawa vamiitthoni vaye nave ddaarimeellattho.

Yawuupullulla 6:14

Oddullu waavenyihiwavo wonanko mwinlli woovillikiwa nave orive mwaango ni echilumba ddaavenyihiwa m'mapuroni mwiwa.