Masalimo 98:2 - Mawu a Mulluku

² Apwiya aadduwanyeyiha opambana wiwa, ahoonihella echilungamwiiwa vamiitthoni va athu amitundu ddittheddene.

Masalimo 98:2 Iomraidhean Croise

Masalimo 22:31

Eneerollalleya dda ovullusa waye wa athu ayo ehinayariwe ophiyera ollello, voollotani wi Apwiya sika yaavullusalle athwiiwa.

Masalimo 24:5

Aneerewaakhella madaliso wa Apwiya, echilungamo wa Mulluku oovullusaaye.

Yesaya 46:13

Kinnasusella vakhuviru ni ovullusa waka, kohaatamella, ngiselliwa wuuvullusani. Kineeromuvullusa Ziyoni, kineeroyiriiha ellapo ya Israele.”

Yesaya 49:6

Apwiya enallota wi, “Tti ello yoovevuwa wi okhalle oorumeyellaaka, wi waavenyihe malloko a Yakobo, waahokollosella owaniwa Aisraele oohalla. Kineeroweerani wi mukhalle owala wa mitundu ddimodda dda athu, wi ovullusa waka ophiye o makomello a ellapo yavatthi.”

Yesaya 52:10

Apwiya aaphariha mutteko masiviiwa aweella vamiitthoni va mitundu dda athu ddittheddene. Ellapo ettheene yavatthi ophiya o makomello wiwa eneerewoona ovullusa wa Mullukwaahu.

Yesaya 52:7

Tti woohakallalliha owa wa oollalleya othenga waphaama, voomoonani eetaka m'miyaangoni, allalleyaka dda murendelle, awaakana epilli yaphaama, allalleyaka ovullusa, aalleellaka athu a o Ziyoni wi, “Mullukwaanyu tti mwene!”

Yesaya 62:2

Mitundu dda athu ddineerowoona olungamihiwe, mamweniiwa mattheene eneerewoona ntitimiho niwa. Eneerewiithaniwa ni nnddina nanaanweene, nno Apwiya mwaneeniiwa enuuvahiiwa.

Yeremiya 23:6

Va enthawi yoomwenaaye, Yuda aneerovulluwa nave Israele aneerokhalla vamurendelleni. Mwenooyo anaaromolliweke wi ‘Apwiya sika echilungamwaahu.’

Mateyu 28:19

Sika khaweni wa athu a mitundu ddittheddene mwaarukunuse ekhalle oohudderaaka vawaabatizani mu nnddina na Attiitthaaka ni na Mwaana ni na Munepa Waweella.

Mariko 16:15

Nave allota wi, “Khaweni o ellapo yavatthi ettheene, mwallalleye othenga waphaama wa athu attheene.

Luka 3:6

Athu attheene eneerewoona ovullusa wa Mulluku.’ ”

Aroma 1:17

Vawi othengoolla onuupullulla wi echilungamo eneeriiwa ni Mulluku oweella mu echikhulupililove. Mawu a Mulluku eni, “Muthu oyo alungamihiwe ni Mulluku oweella mu echikhulupililo aneerokhalla ni okumi.”

Aroma 10:18

Nave kinakoha wi, “Tti ddawoona wi kheyaawiiwalle othenga?” Khe ddawoona, yahiiwa, wonanko mmo mawu a Mulluku enallotelliiwa wi, “Mawiiwa yaavuwa mu ellapo yavatthi ettheene nave ddoollota ddiwa ddaaphiya wookomella ellapo yavatthi.”

Aroma 9:30

Sika ninallota wi athu ayo ehiri Ayuda, ayo yahaashaashille wiilungamiha weekhiiwa vamiitthoni va Mulluku yaalungamihiwa ni olliyooyo oweella mu echikhulupililwiiwa.

2 Akorinto 5:21

Khrisitu khaarina machimo koma Mulluku aamweesa wonanko oochimwa ekaamba ya hiyaano wi mu eyaattano ni Khrisitu nikhalle oolungama vamiitthoni va Mulluku.

Afilipi 3:9

nave wi kaattanihiwe ni olliye. Nginnattho echilungamo yaakayaaka yoovenyera mwa wiiwellallani malamulo. Koma vano kookhalla ni echilungamo yoovenyera wa Mulluku oweella mwa echikhulupililo mwa Khrisitu.

Tito 2:13

Nooddalla ni otiyera ninatiyereehu nllapo noodala, wooneya wa ntitimiho na Mullukwaahu muullupalli ni Yesu Khrisitu Oovullusaahu.

2 Petro 1:1

Ovenyera wa miyaano Simoni Petro, mullupa mutteko ni murummwa a Yesu Khrisitu. Kinalembella wa ayo evahiwe echikhulupililo yoowallamella ophwanaphwana ni yaahu oweella mu echilungamo ya Mullukwaahu ni Oovullusa Yesu Khrisitu.