Masalimo 98:1 - Mawu a Mulluku

¹ Wiipelleni Apwiya nchipo nanaanweene, vawi aheera ddoottikhiniha. Nnattanatta niwa nohaapambaniha muwonwiiwa waweella wohaavullusa.

Masalimo 98:1 Iomraidhean Croise

Genesis 3:15

“Kineeroweeriha weyaano ni mutthiyana wi mwiitane nave vineerokhalla wiitana wunchichi variyari va edduullu ddawo ni edduullu dda mutthiyanooyo. Edduullu ddaye ddineeronyenya murwaawo nave weyaano eneerolluma etotopwa ya edduullu ddaye.”

Yobu 40:9

Ethiyo wookhalla ni muwono wamasiva wonanko Mulluku? Ethiyo mawaawo ttuugugudeya monga eneerella aaka?

Masalimo 105:5

Muupuwelleke mitteko ddoottikhiniha ni ezizindikiro ddiwa, mmo yaweeruzelliiwa athu,

Masalimo 136:4

Apwiya yaayove eneera ddoottikhiniha dduullupalli, echikondiiwa yoohisintheya tti ya enthawi yoohimalla.

Masalimo 139:14

Nyu awoopiha ni oottikhiniha, kinnuutitimihani, munnakidduwellesesa phaama, mitteko ddanyu tti ddoottikhiniha, murimaaka onnayidduwella yeella.

Masalimo 149:1

Aleluya! Wiipelleni Apwiya nchipo nanaanweene, ipani nchipo nowaatitimiha va mutthukumano wa oororomelliwa.

Masalimo 33:3

Wiipelleni nchipo nanaanweene, kwatchani enthambonnddo mweeruso ni okhuwa moohakallalla.

Masalimo 72:18

Etitimiheye Apwiya Mulluku a Israele, ayo aneera ddeko ddoottikhiniha.

Masalimo 77:14

Nyu tti Mulluku oyo aneera ddoottikhiniha, mohooniha masivaanyu variyari va mitundu dda athu.

Masalimo 86:10

vawi nyuwaano tti muullupalli, munneera ddeko ddoottikhiniha, nyeeneve sika Mulluku.

Masalimo 89:14

Eechilungamo ni echiweruzo sika ddikeraatthihalle omweniiwa. Echikondaanyu yoohisintheya ni ororomelleya wanyu, ddinnahoolla vamiitthoni vanyu.

Masalimo 96:1

Wiipelleni Apwiya nchipo nanaanweene! Wiipelleni Apwiya, nyu athu a va ellapo yavatthi ettheene.

Masalimo 96:3

Llalleyani dda ntitimiho niwa wa athu a mitundu ddittheddene. Tthopoollani dda ddoottikhiniha ddiwa wa athu a ellapo ddittheddene.

Eksodo 15:11

“Nyu Apwiya, ethiyo vookhalla mulluku mmodda oophwanaphwana ni nyuwaano? Ttaani ari wonanko nyuwaano, ootitimiheya ekaamba ya weella wanyu? Ttaani ari wonanko nyuwaano vaweerani mitteko dda masiva ni ddoottikhiniha?

Eksodo 15:6

Nyu Apwiya, nnattanatta nanyu tti nootitimiheya, ekaamba ya masiviiwa, Apwiya, nnattanatta nanyu ninnaanyenya adani.

Yesaya 12:5

Wiipelleni Apwiya machipo antitimiho vawi aheera dduullupalli, adduwelliheni va ellapo yavatthi ettheene.

Yesaya 42:10

Muwiipelle Apwiya nchipo nanaanweene! Nyu ookhalla mu ellapo yavatthi ettheene, atitimiheni! Nyu ddoophatusiwa ddittheddene dda mu enyanja, ariiheni. Nyu ellapo ddawaatamella attheene ookhalla wenko wiipelleni.

Yesaya 52:10

Apwiya aaphariha mutteko masiviiwa aweella vamiitthoni va mitundu dda athu ddittheddene. Ellapo ettheene yavatthi ophiya o makomello wiwa eneerewoona ovullusa wa Mullukwaahu.

Yesaya 59:16

Yahoona wi khavaari muthu naari mmodda nave yaattikhina wi khavaari aweeravo ookhalla variyari. Vano yaapambana ni masiviiwa nave yahiillipiha ni echilungamwiiwa.

Yesaya 63:5

Kaawehaweha koma khaarivo ookikavihera, kaattikhina wunchichi wi khaarivo ookillipiha. Sika kapambanille ni masivaaka nave osha murima waka waakillipiha mwiilli.

Yeremiya 31:22

We mwanaka oohiroromelleya, Ethiyo onaahiye okayikella niini? Apwiya aaphatusa ello yanaanweene va ellapo yavatthi vawi mutthiyana sika anamwaashaasha mullopwana.”

Luka 1:49

kaambiiwa Mulluku amasiva ookeerella ddeko dduullupalli. Nnddina naye sika naweella.

Yohane 16:33

Kohuulleellani ddenndda wi mukhalle ni murendelle ekaamba ya miyaano. Ellapo yavatthi eneerewuuhoosani koma llipani murima vawi miyaano koogonjiha ellapo yavatthi.

Mitteko 19:20

Mwamasiva ddiidda mawu a Apwiya yaavirellella ovuwa nave okhalla amasiva.

Mitteko 2:11

Ayuda owaakattho ayo yahiri Ayuda koma yaanathwara echikhulupililo ya Ayuda navettho amoddahi nivenyenre o ellapo dda Krete ni Arabu. Attheenehi ninnawiiwa alliwaayo mu ellotello ddahu dda mitteko dduullupalli nnddo enre Mulluku.”

Akolose 2:15

Oweella mwa Khrisitu, vamutandani valle, Mulluku ahaagonjiha oolamulella attheene ni masiva mattheene ooddullu nave aanyaambusa vamiitthoni va athu attheene.

Yawuupullulla 14:3

Athu 144,000 yahiimella vamiitthoni va mpando woomwene, ddoophatusiwa ddisese ddookumi ni attekweene nngu yiipaka nchipo niwa nanaanweene nno khaarivo awora wiipana. Yaalla tti yaayove yoopolliwe va ellapo yavatthi.

Yawuupullulla 17:14

Eneerowana ekhoto ni mwaanaankhosa nave Mwaanaankhosooyo eneeropambana kaambiiwa olliye tti Apwiya a apwiya ni Mwene a mamwene. Nave oomuthwarellellaaye tti ayo yiithaniwe, etthoolliwe nave tti ookhulupilila.”

Yawuupullulla 3:21

Wa ayo enaapambane, kineerowaakhullella wi elamulelle vamodda ni miyaano mu omwenaaka. Emoddamoddave yeeyo kaapambana nave vano kinnalamulella ni Attiitthaaka mu omweniiwa.

Yawuupullulla 5:9

Yaaniipa nchipo nanaanweene nawi, “Munaphwanella waakhella nibukhunno ni omarulla ddoomarella ddiwa. Vawi mwahiiphiwa nave ni nikhame nanyu mwaamoopollella Mulluku athu oovenyera mu nirive nlloko, erive ellotello, erive ellapo, orive mutundu.

Yawuupullulla 6:2

Kaaweha nave kaamoona kavalo aweella. Oomuwellooyo apharenlle muura nave aavahiwa korona.* Vano aakhumellella wonanko oopambana wi aagonjihe adanaaye.