Masalimo 97:6 - Mawu a Mulluku

⁶ Ddamuddullu ddinnallalleya echilungamwiiwa, athu a mitundu ddittheddene ennoona ntitimiho niwa.

Masalimo 97:6 Iomraidhean Croise

2 Samuele 22:47

Apwiya tti ookumi! Nititimiheye nlluku naka, ariiheye Mullukwaaka, ookivullusaka!

Masalimo 19:1

Ddooddullu ddinnallalleya otitimiheya wa Mulluku, omiraponi onnooniha mitteko dda mattaaye.

Masalimo 50:6

Ddamuddullu ddinnallalleya dda echilungamo ya Mulluku vawi olliye sika ari aweeruza.

Masalimo 67:4

Mitundu ddittheddene dda athu ddikhuwe moohakallalla, kaambiiwa munnaweeruza mwa echilungamo ni waahoollella va ellapo yavatthi.

Masalimo 89:2

Vawi kinnallota wi “Echikondaanyu yoohisintheya yookeraattheya wa enthawi yoohimalla, ororomelleya wanyu tti yoollipa wonanko eddullu.”

Masalimo 89:5

Nyu Apwiya, ddooddullu ddinnatitimiha ddoottikhiniha ddanyu, ororomelleya wanyu, m'mutthukumanoni wa aweella.

Masalimo 98:3

Ahuupuwella echikondiiwa yoohisintheya ni ororomelleya wiwa o enyumba ya Israele. Athu a wookomella ellapo yavatthi otthewene ahoona ovullusa wa Mullukwaahu.

Yesaya 1:2

Apwiya yaallota wi, “We oddullu, ngiiwa nave we ellapo yavatthi, apella maaru, mi Apwiya kinimallota. Kahaayara anamwani navettho kahaallella koma aakiwukila.

Yesaya 40:5

Vano ntitimiho na Apwiya nineerewooneya, athu attheene eneerewoona, vawi Apwiya sika ellotille ddenndda ni eyanwiiwa.”

Yesaya 45:6

Kineereweera ddenndda wi ovenyera wookhuma nndduwa ophiyera woovollowa nndduwa arive muthu adduwelle wi khaavo mmodda koma miyaanove. Mi sika Apwiya, khaavottho mmodda.

Yesaya 6:3

Aserafaayo yaanakhuwellana wi, Aweella, aweella, aweella tti Apwiya Amasiva Mattheene! Ntitimiho niwa nooddalla ellapo yavatthi ettheene.

Yesaya 66:18

Kinnadduwella mitteko ddiwa ni maganizwiiwa. Nave kinimawa wi kaatthukumanihe athu a mitundu ddittheddene ni a ellotello ddittheddene. Ddawoona, eneeroowa nave eneerewoona ntitimiho naka.

Habakuku 2:14

Vawi ellapo yavatthi ettheene eneeroddalla ni odduwella dda ntitimiho na Apwiya wonanko enyanja enaddallelliiwa ni maaddi.

Numeri 14:21

Koma ddawoona kinimallupella vamiitthoni vaka navettho va ntitimiho naka niddanlle ellapo yavatthi,

Mateyu 6:9

Vano muvekelleke mwawi ddiidda, Attiitthiihu ooddullu, nnddina nanyu naweella nititimihiwe,

Yawuupullulla 19:2

Echiweruzwaaye tti yawoona ni yoolungama! Aamweeruza hule oovuwa oyo aripihalle ellapo yavatthi ni oraruwa waye. Mulluku oomullaka kaambiiwa aawiipha oorumeyellaaye.”