Masalimo 96:9 - Mawu a Mulluku

⁹ Allapelleni Apwiya antitimiho ni aweella, tthukumellani vamiitthoni viwa, nyu athu attheene a va ellapo yavatthi.

Masalimo 96:9 Iomraidhean Croise

2 Epilli 29:28

Mutthukumano muttheene waallapella, amachipo ni amapallapata yiipaka. Ddittheddenenndda ddaavirellella ophiyera mukutho wooshellelliha omanlle.

2 Epilli 29:29

Vano mukutho omanlle, mwene ni athu attheene yaakokhora ni enaallapella Apwiya.

2 Epilli 29:30

Vano mwene Hezekiya ni enduna ddaye yahaalamula Alevi wi yiipe machipo owaatitimiha Apwiya moollikana ni mawu a Davide ni namallotella Asafu. Vano yahiipa moohakallalla nave yaakokhora ellapella.

Ezara 7:27

“Etitimiheye Apwiya Mulluku a makhollwaahu ayo ehiyalle ello yawi ddiidda m'murimani mwa amwene oreeriha enyumba ya Apwiya o Yerusalemu.

Masalimo 110:3

Athwaawo eneerewiivelleella mwa opaalla wiwa va nllapo nno onaawooniheewe masivaawo vamwaangoni waweella. Asombwaawo eneeroowa wa weyaano mwawaata wonanko nikame ohinase.

Masalimo 114:7

We ellapo yavatthi tthukumella kaambiiwa Apwiya enimawa, ddawoona, Mulluku a Yakobo animawa

Masalimo 29:2

Titimihani oriiheya wa nnddina na Apwiya, llapellani oreera wa weella wiwa.

Masalimo 33:8

Ellapo ettheene yavatthi ewooveke Apwiya, athu attheene ookhalla mu ellapo yavatthi etthukumelleke.

Masalimo 76:11

Llupellani wa Apwiya Mullukwaanyu, mweereke nnddo mullupenlleenyu. Attheene emwaaphenlle eweena emphaso wa oyo anaphwanella wooviwa,

Masalimo 76:7

Ddawoona, nyuwaano tti awoopiha, ttaani anaawore wiimella vamiitthoni vanyu mwasha murima?

Masalimo 99:1

Apwiya tti mwene, mitundu dda athu dditthukumelle! Ennakeraatthi variyari va akerubi,* ellapo yavatthi etikheye!

Ezekiele 7:20

“Khalle yaanakota ekaamba ya ddawiirerihella ddiwa nnddo yaddipharihiiwa mutteko voopangani mafano oonanara. Ekaamba ya yeella kineerewaatthattusa ooripihiwa.

Daniele 11:45

Aneerotthipella misasa ddaye ddoomwene variyari va enyanja ni mwaango waweella wooreera. Komave voomallihella mwenooyo aneerewiiphiwa oohikhallavo oomwaakihera.