Masalimo 96:7 - Mawu a Mulluku

⁷ Atitimiheni Apwiya, nyu athu a mitundu ddittheddene, akhullellani wi ntitimiho ni masiva tti ddayiwa.

Masalimo 96:7 Iomraidhean Croise

Masalimo 22:27

Mitundu ddittheddene ddineerowuupuwella Apwiya ni waarukunuwella. Malloko mattheene eneerewaallapella.

Mateyu 6:13

Muhinikuselle woweesiwa, koma munivulluse wa Oonanarooyo.

Luka 2:14

“Ntitimiho nikhalle wa Mulluku Muullupalli, nave murendelle okhalle va athu ayo anahakallalleeyena vatthimva!”

1 Petro 5:11

Wa olliye okhalle masiva wa enthawi yoohimalla! Amen.

Yawuupullulla 14:7

Aallota ni mawu oowella wi, “Mooveni Mulluku nave mutitimiheni vawi enthawi yawi eeruze yoophiya. Mullapelleni olliyooyo aphatusalle oddullu, ellapo yavatthi, enyanja ni aneetuutu!”

Yawuupullulla 19:1

Ddimallille ddenndda kahiiwa mawu awiiweya wonanko onyakulla wa mulloko wa athu anchichi muddullu ellotaka wi, “Aleluya! Ovullusa, ntitimiho ni masiva tti dda Mullukwaahu!

Yawuupullulla 19:6

Nave kahiiwa onyakulla wonanko wa mulloko muullupalli wa athu, awiiweya wonanko onyakulla wa maaddi manchichi navettho wonanko ogugudeya wa murimu wuullupalli. Kaawiiwa ellotaka wi, “Aleluya! Vawi Apwiya, Mullukwaahu Amasiva Mattheene, sika ari mwene!

Yawuupullulla 5:13

Nave kahiiwa erive yoophatusiwa ya oddullu, ellapo yavatthi, vatthi va ellapo ni ya m'maaddini yiipaka. Sika ddookumi ddittheddene ddaaniipa wi, “Wa olliye anakeraatthi vampandoni woomwene ni wa mwaanaankhosa, okhalle ntitimiho ni oriiheya, owaaka masiva wa enthawi ddoohimalla!”

Yawuupullulla 5:9

Yaaniipa nchipo nanaanweene nawi, “Munaphwanella waakhella nibukhunno ni omarulla ddoomarella ddiwa. Vawi mwahiiphiwa nave ni nikhame nanyu mwaamoopollella Mulluku athu oovenyera mu nirive nlloko, erive ellotello, erive ellapo, orive mutundu.

Yawuupullulla 7:12

Yaanallota wi, “Amen! Odalisa, otitimiha, ezeru, othokoza, oriiheya, masiva, ollipiha tti dda Mullukwaahu wa enthawi yoohimalla! Amen!”