Masalimo 96:13 - Mawu a Mulluku

¹³ vamiitthoni va Apwiya, vawi enimawa wi yeeruze ellapo yavatthi. Eneereweeruza ellapo ettheene mweechilungamo, athu a mitundu ddittheddene mwawoona.

Masalimo 96:13 Iomraidhean Croise

Masalimo 50:3

Mullukwaahu animawa, kheera ellapo tuu. Muhoollo mwaye mookhalla mallumi amunllo, moowaapheella mwaye mutthemwene mookhalla ephevo yamasiva.

Masalimo 67:4

Mitundu ddittheddene dda athu ddikhuwe moohakallalla, kaambiiwa munnaweeruza mwa echilungamo ni waahoollella va ellapo yavatthi.

Masalimo 7:9

Pepaani, mallihani ddoonanara dda oochimwa, koma aphaama mwaakeraattheyihe. Munnadduwella maganizo ni mirima ddene, nyu tti Mulluku oolungama.

Masalimo 96:10

Llalleyani wa mitundu ddittheddene dda athu wi, “Apwiya sika mwene. Ellapo yavatthi yaakeraatthihiwa moollipa, khewa etikheya. Eneereweeruza mitundu ddittheddene dda athu mweechilungamo.”

Masalimo 98:9

vamiitthoni va Apwiya vawi enimawa wi yeeruze ellapo yavatthi. Eneereweeruza ellapo ettheene mweechilungamo, mitundu ddittheddene moohiweha ekhove.

Yesaya 2:4

Apwiya eneereweeruza variyari va mitundu dda athu, eneeromalliha ohiiwanana variyari va malloko manchichi. Athu eneerohana masupadiiwa wi ekhalle ehipa ni mavakiiwa wi ekhalle ezikwakwa. Mitundu dda athu khaddiwa ddiimesellanattho masupada, khaddiwa ddihudderattho ddoowana ekhoto.

2 Atesalonika 1:10

va nllapo anaweeye wi aakhelle ntitimiho ovenyera wa athwaaye aweella ni oriiheya ovenyera wa attheene enakhulupilila. Nyuwaano muneerokhallattho ni yaayo kaambiiwa mookhulupilila othenga olle nuulleelleeyeni.

2 Timoteo 4:8

Vano eyo enakitiyera tti waakhella emphaso ya echilungamo eyo Mulluku akisungenlleeye. Apwiya ayo eri Ooweeruza aphaama sika enaakithuve va nllapo na echiweruzo. Khekivaha miyaanove komattho wa attheene ayo enatiyera mookonda wi Apwiya eneeroowa.

Tito 2:13

Nooddalla ni otiyera ninatiyereehu nllapo noodala, wooneya wa ntitimiho na Mullukwaahu muullupalli ni Yesu Khrisitu Oovullusaahu.

Yawuupullulla 11:18

Athu oohimullapella Mulluku yaasha murima, koma enthawaanyu yoosha murima yoophiya, enthawi yawi ookhwa yeeruziwe. Enthawi yowaathuva oorumeyella, anamallotellaanyu yoophiya, nave athwaanyu attheene, ayo enawoovani, uullupalli ni ang'onong'onweene. Enthawi yoophiya yoowoononga ayo enoononga ellapo!”

Yawuupullulla 19:11

Kahoona oddullu ohulleyille nave kavalo aweella ahooneya. Oomuwella oyo nnddina naye aari Oororomelleya ni Awoona, oyo aneeruza ni owana ekhotwaaye mwa echilungamo.

Yawuupullulla 22:10

Nave aakilleella wi, “Ohaavitthelle athu mawu oollotelliwa mu nibukhunna kaambiiwa enthawi yohaatamella yawi ddittheddenenndda ddineereweereya.