Masalimo 94:10 - Mawu a Mulluku

¹⁰ Ethiyo oolangiza mitundu dda athu khanallaka? Ethiyo owaahuddiha athu attheene khanna ezeru?

Masalimo 94:10 Iomraidhean Croise

Yobu 28:28

“Sika aamulleella muthu wi, ‘Owoova Apwiya sika ezeru, othawa ddoonanara sika odduwella.’ ”

Yobu 34:29

Mulluku eera tuu, ttaani anaamuhumullulle? Iipitthiha ekhovaaye, ttaani anaamoone? Komave olliye sika annaawehesesa athu apaalle mitundu dda athu

Yobu 35:11

oyo ananihuddiha okhwaranya enama dda veellaponi, oyottho ananivaha ezeru okhwaranya epallame ddamuddullu.’

Masalimo 10:16

Apwiya sika mwene wa enthawi yoohimalla. Mu ellapo ya Mulluku, oohimullapella eneerotthollowa.

Masalimo 119:66

Kivaheni ezeru ni wiiwesesa kaambiiwa kinnakhulupilila malamulwaanyu.

Masalimo 149:7

wi yaahokolloselle ddoonanara athu a mitundu ddimodda, wi ellake mitundu ddeelleto,

Masalimo 44:2

Nyuwaano mwahiikariha mitundu ddimodda dda athu, koma makhollwaahu mwahaakeraatthiha mu ellapwiiwa. Nyu mwaahoosa mitundu ddimodda dda athu, koma makhollwaahwaayo mwahaavaha murendelle.

Masalimo 9:5

Moohumullulla mitundu ddittheddene, moowoononga athu oonanara, khewa yuupuwelliwa wa enthawi yoohimalla.

Miyambo 2:6

Apwiya ennavaha ezeru, mwa alliwa munnavenyera odduwella ni wiiwesesa.

Yesaya 10:12

Apwiya yamalliha muttekwiiwa wowaallaka attheene va mwaango wa Ziyoni ni o Yerusalemu, eneeromullakattho mwene a o Asiriya ekaamba ya okota ni wiitukhulla waye.

Yesaya 2:3

Athu a mitundu ddinchichi eneeroowa ellotaka wi, “Hankoni niwelle o mwaango wa Apwiya, o enyumba ya Mulluku a Yakobo! Eneeronihuddiha ettilla ddiwa nave nineeteke mwemmo. Vawi o Ziyoni sika onaavenyereke malangizo, o Yerusalemu sika onaakhume mawu a Apwiya.

Yesaya 28:26

Vawi Mullukwaaye sika anamulangiza ni omuhuddiha mwawookowa.

Yesaya 37:36

Mungelo a Apwiya aaya o misasa ddakhoto dda Aasiriya awiiphawo akhoto 185,000. Ohinase athu yaawoona akhoto attheenaayo ekhwille, eri millumillu!

Yesaya 54:13

Anaawo attheene eneerohuddihiwa ni mi Apwiya, kineerewaadalisa ni waavaha murendelle munchichi.

Yeremiya 10:25

Owallaanyu okharelle mitundu nnddo ddihinuudduwellani, athu ayo ehinatitimiha nnddina nanyu. Alliwa yaawiipha athwaanyu, yahaatthollosa oohimuhiya naari mmodda, ellapwiiwa yaayitthattusa ntepe.

Ezekiele 39:21

“Kineerewooniha ntitimiho naka variyari va mitundu ddittheddene. Vano eneerewoona mmo kinaawaallakelleemi ni nnatta naka nno kinaawaatthinddanyereemina.

Amosi 3:2

“Mwa mitundu ddittheddene dda va ellapo yavatthi tti nyeeneve kinuudduwelleemini ni wuupwathani, sika kineerewuullakani wunchichi ekaamba ya machimwaanyu mattheene.”

Habakuku 1:12

Nyu Apwiya, ethiyo khemuhiyo a enthawi yoohimalla? Nyu tti Mullukwaaka, Aweellaaka, oohikhwa. Nyu Apwiya, mohaatthoolla Ababiloni wi yeeruze, nyu nlluku naka, mohaakeraatthiha wi ellake.

Habakuku 3:12

Mwaheeteeta va ellapo yavatthi mushille murima, mwaanyingallella mitundu dda athu moowalli.

Yohane 6:45

Anamallotella yaalemba wi, ‘Arive muthu aneerohuddihiwa ni Mulluku.’ Muthu oyo iiwalle wa Attiitthaaka nave ahuddera wa alliwaayo, annawa wa miyaano.