Masalimo 92:2 - Mawu a Mulluku

² Tti waphaama ollalleya ohinase dda echikondaanyu yoohisintheya, mahiiyu dda ororomelleya wanyu,

Masalimo 92:2 Iomraidhean Croise

1 Epilli 25:1

Vano Davide ni oohoollella oorumeyella yahaapatulattho athu amodda oorumeyella mwa anamwani amodda a Asafu, a Hemani ni a Yedutuni ayo yallotella vawiipani machipo voopharihani mutteko ezida dduullupalli ni dding'onong'ono. Nna sika ntthopoollo na manddina a ayo yapharille mutteko ni mitteko ddiwa.

Yobu 35:10

Koma khaavo oollota wi, ‘Ethiyo ari wuuwi Mulluku, Ookiphatusaaka, oyo ananiipiha nchipo moohakallalla variyari va mahiiyu,

Masalimo 101:1

Kineerewiipa dda ororomelleya ni echilungamo, nyu Apwiya, kineerewiipa ddawuutitimihani.

Masalimo 145:2

Kineerewuuthokozani nllapo ni nllapo, kineeroriiha nnddina nanyu wa enthawi yoohimalla.

Masalimo 147:1

Aleluya! Tti waphaama wiipa machipo oomutitimiha Mullukwaahu, tti woohakallalliha ni waphaama waatitimiha.

Masalimo 42:8

Otthaana Apwiya ennooniha echikondiiwa yoohisintheya mahiiyu kinniipa nchipo niwa ni omuvekella Mulluku a okumaaka.

Masalimo 71:15

Vayanoni vaka vineerollota ddoolungama ddanyu ni dda ovullusa wanyu nllapo nittheene, vawi nginadduwella waata wene.

Masalimo 77:2

Va nllapo na ddookatamiha kinnawaashaasha Apwiya, mahiiyu mattheene kinnawelliha mattaaka voovekellani, murimaaka onnakhoota okhurumusiwa.

Masalimo 9:3

Vawi adanaaka attheene ennathawa, ennakwakwatuwa ni okhwa mwaphiya.

Yesaya 63:7

Kineerollota dda echikondi yoohisintheya ya Apwiya, kineerewaatitimiha ekaamba ya ddittheddene eneerenlliiwa. Ahaadalisa wunchichi athu a o Israele, voothwarani echifundwiiwa ni wunnuwa wa echikondiiwa yoohisintheya.

Yohane 1:17

Mulluku aanivaha malamulo oweella mwa Mose koma echisomo ni yawoona ddaawa oweella mwa Yesu Khrisitu.

Mitteko 16:25

Nave variyari va mahiiyu Paulo ni Sila yaamavekella ni omwiipella machipo Mulluku nave athu amodda yahiyiwe mundendemmo yaaniiwellella.