Masalimo 90:12 - Mawu a Mulluku

¹² Vano nihuddiheni weerenga mallapwaahu wi nikhalle ni murima weezeru.

Masalimo 90:12 Iomraidhean Croise

Yobu 28:28

“Sika aamulleella muthu wi, ‘Owoova Apwiya sika ezeru, othawa ddoonanara sika odduwella.’ ”

Masalimo 39:4

‘Nyu Apwiya, mukilleelle omalla wa okumaaka, mukilleelle oyeva wa mallapwaaka, mukilangize mmo okumaaka onaakuvelliiwa omalla.’

Masalimo 39:5

Ngoonani, mookivaha mallapo ooyeva, enthawi ya okumaaka khe ello vamiitthoni vanyu. Ddawoona, arive muthu tti mpweyave.

Miyambo 16:16

Ophwanya ezeru tti waphaama okhwaranya omuphwanya golide nave ophwanya wiiwesesa tti waphaama okhwaranya omuphwanya siliva.

Miyambo 22:17

Apella maaru wi wiiwe malangizo a eezeru. Phariha mutteko nnddo kinahuddiheemi

Miyambo 23:12

Hiya murimaawo va malangizo nave apellaka maaru mawu eezeru.

Miyambo 23:23

Kulla yawoona, ezeru, malangizo ni wiiwesesa, ohiddikullihe.

Miyambo 4:5

Phwanya ezeru ni wiiwesesa. Ohitiwalle nave ohihiye mawu avayanoni vaka.

Miyambo 4:7

Ezeru tti yoopambana sika phwanya ezeru nave erive ello onapaalleewe ophwanya, phwanya wiiwesesa

Oollalleya 7:2

Oya omalironi tti wookhwaranya oya omachellelloni. Vawi okhwa sika mamallihello a athu attheene, vano akumi eganizeke phaama dda ddenndda.

Oollalleya 9:10

Erive ello munaaweerekeenyu ni masivaawo mattheene. Vallethi onipuroni na ookhwa onayeewenko khori mutteko, oganiza, ezeru apaalle odduwella.

Yohane 9:4

Ninaphwanella weera mitteko dda yooyo aakirumalle miyaano ori otthaana. Mahiiyu onimawa nave vano khaavo muthu anaawore ophara mutteko.

Deuteronomo 32:29

Yaariki ni ezeru yeerewiiwesesa, yeerodduwella nnddo ddinaamorelle.