Masalimo 90:10 - Mawu a Mulluku

¹⁰ Miyakha dda okumaahu tti 70, nakhalla amasiva ttuukwakhwana 80. Koma miyakhannddo tti dda okhupanya ni okatamihiwa, ddinnamalla mwawaakuva, hiyaano ninarowa.

Masalimo 90:10 Iomraidhean Croise

Genesis 47:9

Yakobo aamwaakhulla wi, “Miyakha dda olendo wa okumaaka ddikwakhwanille 130. Miyakha ddenndda tti ddooyeva ni ddoohoosa, khaddinallikana ni miyakha dda makhollwaaka va enthawi ettheene yakhanlliiwa ni okumi.”

Genesis 6:3

Sika Apwiya yaallota wi, “Ngiwa kaakhullella wi muthu akhalleke ni okumi woohimalla vawi tti mwiilli wookhwa. Waambeella ollello okumaaye onaakomelleke miyakha 120.”

2 Samuele 19:35

Vano miyakha ddaka ddiri 80. Ethiyo mi ttuuwora ohiyaniha ddeko ddoohakallalliha ni ddeko ddoohihakallalliha? Ethiyo mi oorumeyellaanyu ttuuwora odduwella oddiva wa yoocha apaalle wa yoowirya? Ethiyo mi ttuuwora wiiwa wiipa waallopwana apaalle waatthiyana? Kaambiiwa tini miyaano kinaakhalleemi wonanko katundu oollemella ootthinddanyeriwa va nyuwaano, apwiyaaka amwene.

2 Samuele 19:36

Koma mi oorumeyellaanyu kinapaalla killapuwe vang'ono muhinje wa Yordani vamodda ni nyu amwene. Vano amwene munaakithuvelle tini mwawi ddiidda?

1 Mamwene 1:1

Mwene Davide ahuulluvalla wunchichi wawi naari emukhuneelle ni mabulangete khiiwa oviha.

Yobu 14:10

Koma muthu akhwa, anamallella vaavo. Ethiyo akhwa anaya wuuwi?

Yobu 20:8

Aneerotiwalleya wonanko olloha, oohiphwanyeyattho, aneerewiikarihiwa wonanko masomphenya a mahiiyu.

Yobu 24:24

Va enthawi yooyeva annaawelliha oonanara koma voohillekella ennarimeella. Oonanara ennanyaalla wonanko munyepu, annaphaddiwa wonanko makalla a tirigu.

Yobu 5:7

Koma ddawoona, muthu anayarelliwa ohoowa, wonanko munllo wonthamuwa.

Masalimo 78:39

Aanuupuwella wi alliwa tti athu shisha, tti wonanko ephevo yoovira, yoohihokollowattho.

Yesaya 38:12

Okumaaka wohaakhiwa ni ovenyihiwavo, wonanko musasa wookumulliwa, wonanko ekuwo yoovillikiwa, wonanko ekuwo yoophaddiwa ni matchini, ovenyera mahiiyu ophiyera otthaana mwaanakikokholla.

Levitiko 27:7

Akhalla muthu a miyakha 60 apaalle okhwaranya vaava, okhalleke mutengo wookwakhwana makobiri a siliva 15 va arive muthu aamullopwana nave khumi va arive muthu aamutthiyana.

Luka 12:20

Nave Mulluku aallota wa olliyooyo wi, ‘Muthu ookarangeya we! Mahiiyu vaava okumaawo oneeromalla, ttaani anaavahiwe ddeko ddittheddene odduukellenlleewe weekha?’ ”

Deuteronomo 34:7

Mose akhwille ari ni miyakha 120 koma aakhalla ni masiva nave miitthwaaye yaari yoonaka.

Yakobo 4:14

Khamunadduwella wi osiisello okumaanyu onaakhalle mwawiidde! Nyu muri wonanko mwiisi, oyo onooneya enthawi yooyeva nave vano opallalleya.

Yoswa 14:11

Koma ollellova kookhalla ni masiva wonanko mmo kakhallelleemi enthawi yeelle Mose akirumeeye. Kookhalla ni masiva wawi ttuuwora owanana ekhoto nave ttuuwora weera erive ello.