Masalimo 9:14 - Mawu a Mulluku

¹⁴ wi kithokoze mitteko ddanyu ddittheddene variyari va athwaanyu mu Ziyoni. Ddawoona, kinnahakallalla kaambiiwa mookivullusa.

Masalimo 9:14 Iomraidhean Croise

Masalimo 106:2

Ttaani anaawore otthopoolla mitteko ddamasiva dda Apwiya? Ttaani anaawore waatitimiha mookwakhwanella?

Masalimo 13:5

Koma miyaano kinaroromella echikondaanyu yoohisintheya, murimaaka oneerohakallalla kaambiiwa mookivullusa.

Masalimo 20:5

Sika niipe moohakallalla kaambiiwa moopambana vakhotoni, niwellihe embendela otitimiha nnddina na Mullukwaahu. Apwiya ekwakhwanihe ddittheddene muvekilleenyu.

Masalimo 21:1

Apwiya, mwene annahakallalla kaambiiwa moomuvaha masiva, annathapella wunchichi kaambiiwa moomupambaniha.

Masalimo 22:22

Kineerewaatthopoollella abalaaka dda nyuwaano, kineerewuutitimihani vamutthukumanoni wa athwaanyu.

Masalimo 22:25

Kineerewuutitimihani va mutthukumano muullupalli ekaamba ya nnddo mukeerelleenyu. Ddittheddene kalonjezilleemi kineeroddeera vamiitthoni va attheene enawoovani.

Masalimo 35:18

Vano kineerewuuthokozani va mutthukumano muullupalli, kineerewuutitimihani vamiitthoni va athwaanyu.

Masalimo 35:9

Sika murimaaka oneerohakallalla mwa Apwiya, othapella wi aakivullusa.

Masalimo 42:4

Murimaaka onnavoreya kaawuupuwellaka mmo keetelleemi ni athu anchichi, vawaahoollellani o enyumba ya Mulluku, athu anchichi ekhuwaka moohakallalla, yiipaka machipo oothokoza, yeeraka ehakallallo.

Masalimo 51:12

Mukihokolloselle ohakallalla wa ovullusa wanyu, mullipihe mwa miyaano munepa woopaallesesa owiiwellellani.

Masalimo 51:15

Apwiya hullani vayanoni vaka wi yuutitimiheni nyuwaano.

Masalimo 6:3

Apwiya kinaahoosiwe ophiyera niini?

Masalimo 75:9

Koma miyaano kineerollalleya wa enthawi yoohimalla. Kineerowiipa machipo oomutitimiha Mulluku a Yakobo

Masalimo 79:13

Vaavo hiyaano athwaanyu, enkhosa dda woochihella enama wanyu, nineerewuuthokozani wa enthawi yoohimalla, nineerollalleya dda ntitimiho nanyu wa mibado ddittheddene.

Eksodo 3:7

Vano Apwiya yaallota wi, “Kohoona ohoosiwa wa athwaaka o Iguputo. Kohiiwa okhuwa wi ekaviheriwe, ekaamba ya uullupalli a thangata ayo enaahoosa. Kinnadduwella phaama ddoovoreya ddiwa.

Eksodo 3:9

Miyaano kohiiwa okhuwa wa Aisraele nave kohoonesesa ddoohoosa nnddo Aiguputo enaweerelliiwa.

Yesaya 12:3

Muneerohakallalla vooyaani woorika maaddi o aneetuutu a ovullusa.”

Yesaya 37:22

kinallota dda olliye wi, ‘We Senakeribu, Ziyoni annuuvevulla ni wuuttheya, Yerusalemu annapukusa muru otulli wawo moohinyulla.

Yesaya 62:11

Apwiya enimawa ni mallivellwiiwa aahoolliha yoothuviiwa. “Ovullusa wanyu onimawa. Apwiya enimawa ni emphotwiiwa, enimawaana ddawuuphwanellani.”

Mika 4:13

“We Ziyoni, amba wuuputha vawi kineerewuutthattusa amasiva wonanko manyaka amukoko, wonankottho manyallo amukuwa. Oneeronyenya mitundu ddinchichi dda athu nave nnddo yaphuralliiwa oneeroddivelleella wa Apwiya. Eyuumiiwa oneeroyivelleella wa Apwiya a ellapo yavatthi ettheene.”

Habakuku 3:18

kineerohakallalla ni okotella mwa Apwiya kaambiiwa Apwiya Mulluku tti oovullusaaka.

Luka 1:47

nave munepaaka wohakallalla ekaamba ya Mulluku, oovullusaaka,

1 Samuele 2:1

Hana aavekella wi, “Murimaaka onnahakallalla ekaamba ya nnddo ekeerelle Apwiya. Kinneeta moorumiha mukhito ekaamba ya Apwiya, kinnaattheya adanaaka, koohakallalla wunchichi vawi mookivullusa.”