Masalimo 89:3 - Mawu a Mulluku

³ Moollota wi, “Koopangana ni ootthoolliwaaka, koollupella wa Davide oorumeyellaaka wi,

Masalimo 89:3 Iomraidhean Croise

2 Samuele 23:5

Vano Mulluku aneerodalisa edduullu ddaka kaambiiwa olliye aheera echipangano yoohimalla ni miyaano. Echipangano yootthopoowa phaama ni yoohimalla. Nndda sika kinakhallelleemi munkhella nave sika ddinaakivulluse, Mulluku sika anaaweere ddenndda.

2 Samuele 3:9

Ekaamba ya yeella Mulluku akillake apaalle akiiphe kaahimweerella Davide nnddo Apwiya yamullupellelliiwa.

1 Mamwene 8:16

Yaallota wi, ‘Ovenyera nllapo nno kaakhumihalleemi Aisraele, athwaaka mu Iguputo, ngawuutthoonlle orive muzinda variyari va malloko mattheene a Aisraele wi mumakiwe enyumba yoollapellamo nnddina naka. Koma kaamutthoolla Davide wi aalamulelleke athwaaka Aisraele.’ ”

Masalimo 132:11

Apwiya yaamullupellella Davide moomusimikizella wi khewa esintha, yaallota wi, “Kineeromukeraatthiha va mpando woomwene mmodda a edduullu ddawo.

Masalimo 78:70

Mulluku aamutthoolla Davide oorumeyellaaye, amukusalle omakhollani a enkhosa.

Masalimo 89:19

Khalle mwaallota oweella m'masomphenya wa athwaanyu oororomelleya wi, “Koomuwariha enduwira yoomwene muthu amasiva, koomuwelliha ootthoolliwa variyari va athu.

Masalimo 89:28

Kineeromukonda enthawi yoohimalla ni echikondaaka yoohisintheya, echipanganwaaka ni olliye khetathiya.

Masalimo 89:39

Mootathilla echipanganwaanyu ni oorumeyellaanyu, moovokhella munthupini enduwiraaye yoomwene.

Yesaya 42:1

Apwiya enallota wi, “Olla tti oorumeyellaaka oyo kamuthoollilleemi, kinamukondeemi ni ohakallallana wunchichi. Kineeromwinnya munepaaka aneeroweeruza athu a mitundu ddittheddene mweechilungamo.

Yesaya 55:3

Apellani maaru nave muwe wa miyaano, kiiwellelle wi mukhalle ni okumi. Kineerokeraatthiha ni nyuwaano echipangano yoohimalla, kineerowoonihani echikondi yoohisintheya ni yoohikayikiha eyo kamulonjezilleemi Davide.

Yeremiya 30:9

Vano enaarumeyelleke mi Apwiya Mullukwiiwa ni edduullu ya Davide eyo kinaayitthoolleemi.”

Hoseya 3:5

Vatulli viwa Aisraelaayo eneerohokollowa ni owaashaasha Apwiya Mulluku ni edduullu ya Davide mweniiwa. Enthawi yeeyo Aisraele eneerowoovattho Apwiya nave eneerewaakhella ddaphaama ddiwa.

Mateyu 3:17

Vano mawu yahiiweya ovenyera oddullu wi, “Olla sika Mwanaka ookondiwa, kinnahakallallana ni murimaaka muttheene.”

Mitteko 2:30

Vallethi aarittho namallotella nave aadduwella wi, Mulluku aallupella wi mmodda a edduullu ddaye aneeroowa avollowe omwenaaye.

Aheberi 7:21

Koma Yesu avolloweeye wi akhalle mullupa mukutho Mulluku aallupella wi, “Mi Apwiya kaallupella ngisintha maganizwaaka awi, ‘Weyaano tti mullupa mukutho wa enthawi yoohimalla.’ ”

Oweeruza 2:1

Mungelo a Apwiya aaya o Bokimu ovenyera o Giligala. Nave ahaalleella Aisraele wi, “Kahuukhumihani mu ellapo ya Iguputo ni wuuvollochihani mu ellapo eyo kallupenlleemi wi kineerewaavaha makhollwaanyu. Kaallota wi, ‘Ngiwa kitathilla echipanganwaaka ni nyuwaano.