Masalimo 86:12 - Mawu a Mulluku

¹² Nyu Apwiya Mullukwaaka, kinnuuthokozani ni murimaaka muttheene, kineerotitimiha nnddina nanyu wa enthawi yoohimalla.

Masalimo 86:12 Iomraidhean Croise

1 Epilli 29:13

Vano ninnuuthokozani Mullukwaahu ni ollapella nnddina nanyu nootitimiheya.

1 Epilli 29:20

Nave Davide aallota wa mutthukumano muttheenoolle wi, “Atitimiheni Apwiya Mullukwaanyu.” Vano athu attheene yahaatitimiha Apwiya Mulluku a makhollwiiwa nave yaakokhora yaallapella Apwiya ni omuvaha olemu mwene.

Masalimo 104:33

Kineerowiipella Apwiya okumaaka muttheene, kineerewiipa machipo owaatitimiha Apwiya, enthawi ettheene kakhalla mukumi.

Masalimo 34:1

Kineerewaathokoza Apwiya enthawi ettheene, vayanoni vaka vineerewaatitimiha alliwa moohihiyerera.

Masalimo 9:1

Apwiya, kineerewuuthokozani ni murimaaka muttheene, kineerollota dda ddaweera ddanyu ddittheddene ddoottikhiniha.

Masalimo 9:2

Kineerohakallalla ni othapella ekaamba ya nyuwaano, kineerewiipa otetheella nnddina nanyu, nyu Amasiva Mattheene.

Yesaya 12:1

Nllapo nenno arive muthu aneerollota wi, “Kinnuuthokozani nyu Apwiya, vawi naari mwakishenlle murima, osha murima wanyu waariirya nave mwaakikhurumusa murima.

Mitteko 8:36

Yavirellelliiwa ni musewooyo, yaaphiya vanipuroni vamodda vookhalla maaddi nave muullupallooyo aallota wi, “Ngoona maaddi, yookihiiha ttiivi wi kihibatiziwe?”

Aroma 15:6

Sika nyuwaano attheene vamodda m'mutitimihe Mulluku Attiitthiiwa a Apwiyaahu Yesu Khrisitu.

1 Akorinto 10:31

Sika erive ello muneereenyu, munacheenyu apaalle munawiryeenyu, mweereke wi m'mutitimihe Mulluku.

1 Akorinto 6:20

Mwaakulliwa nave aallivella, sika pharihani miilli ddanyu wi mumutitimihe Mulluku.

Aefeso 5:19

Mwatthukumana vamodda mwiipeke masalimo, machipo a Mulluku ni machipo a munepa. Ni murimaanyu muttheene muwiipelleke ni waatitimiha Apwiya.

Deuteronomo 6:5

Nave mwaakondeke Apwiya Mullukwaanyu ni murimaanyu muttheene ni okumaanyu muttheene navettho ni masivaanyu mattheene.