Masalimo 85:12 - Mawu a Mulluku

¹² Ddawoona, Apwiya eneerovelleella ddaphaama, ellapwaahu eneerokhalla ni ddoohata ddinchichi.

Masalimo 85:12 Iomraidhean Croise

Masalimo 67:6

Ethaya yahimma ezipaso ddiwa, Mulluku, Mullukwaahu oonidalisa!

Masalimo 72:16

Mu ellapo mukhalle yoocha yinchichi, vaddullu va mwaango vikhallettho ddeko. Ezipaso ddaye ddikhalle ddinchichi wonanko dda o Lebanoni. Athwaaye yaate m'mizindanimmo wonanko manasi amuhakani.

Masalimo 84:11

Vawi Apwiya Mulluku sika nndduwa ni yawiitetezella, ennaneerella echifundo ni onivaha olemu, Apwiya khenawiimana ddaphaama athu oolungama.

Yesaya 32:15

Koma Apwiya eneeronirumihella munepiiwa ovenyera oddullu nave echipululu eneerotthattuwa ellapo ya ethaya yaphaama, emata ddittheddene ddineerewimma ddeko ddinchichi.

Yesaya 45:8

We murapo, murupihe murimu ovenyera oddullu, mirapo ddiithe echilungamo. Ellapo yavatthi ehulleye wi vikhume ovullusa, wi vimelle echilungamo. Mi Apwiya sika kinaphatusa ddenndda.”

Levitiko 25:19

Ethaya eneerewimma ezipaso ddiwa, muneeroddicha ophiyera ovona nave muneerokhalla mwiillaponimmo mwamurendelle.

Levitiko 26:4

kineerewuuvahani murimu mu enthawiiwa wi muneerohata ddawaata nave miteekho ddineerewimma ezipaso.

Mika 6:8

Iyaayi, muthuwe, Apwiya yaawooniha khalle eyo eri yaphaama. Alliwa enapaalla wi weereke ddoolungama, okondeke echifundo ni weeta mwawiiyeviha vamiitthoni va Mullukwaawo.

Zekariya 8:12

Eneerekomidda mwamurendelle, mpesa oneerewimma ezipaso, ethaya eneerekewimmiha wunchichi nave oddullu khowumma. Madaliso mattheenaalla kineerewaavelleella wa oohalla mwa athu.

Mateyu 13:23

Koma mmiddo wamiddiwe va ethaya yaphaama onaphwanaphwana ni athu ayo eniiwa othenga ni owiiwesesa. Eniimma ezipaso, amodda ezipaso 100, amodda ezipaso 60 ni amodda ezipaso 30.”

Mateyu 13:8

Mmiddo mmodda wamorenlle va ethaya yaphaama nave ddoomellannddo ddahimma ezipaso, ddimodda 100, ddimodda 60, ddimodda 30.”

Mitteko 2:41

Sika athu ayo yaakhenlle mawaaye yaabatiziwa. Vaakhalla athu 3,000 ayo yaanjereriwe omullokoni wa athu ookhulupilila nllapo nenna.

Mitteko 21:20

Yiiwalliiwa, yaamutitimiha Mulluku. Nave yaallota wi, “Mwanamunnihu Paulo onnoona vano wi Ayuda anchichi tti ookhulupilila navettho attheenaayo enniivelleella voothwarani malamulo.

1 Akorinto 1:30

Koma Mulluku sika awaattanihalleni ni Khrisitu Yesu nave oomweera Khrisitu wi akhalle ezeru ddahu. Vawi oweella mwa Yesu Mulluku ooneera oolungama, aweella ni oottaphulliwa.

Aefeso 1:3

Hankoni nimuthokoze Mulluku, Attiitthiiwa a Apwiihu Yesu Khrisitu! Vawi mu eyaattanweehu ni Khrisitu oonidalisa voonivahani ovenyera oddullu erive madaliso a Munepa.

Yakobo 1:17

Erive emphaso yaphaama ni yooreera wunchichi enavenyera oddullu, ddinakittha wa Attiitthiihu ayo yaphatusalle ddoowala ddittheddene ddooddullu, oyo ahinatthattuwa nave owala wiwa khonatiithiwa.