Masalimo 84:11 - Mawu a Mulluku

¹¹ Vawi Apwiya Mulluku sika nndduwa ni yawiitetezella, ennaneerella echifundo ni onivaha olemu, Apwiya khenawiimana ddaphaama athu oolungama.

Masalimo 84:11 Iomraidhean Croise

Genesis 15:1

Ddimanlle nndda, Apwiya yaamooneyella Abramu mu masomphenya. Yaamulleella wi, “Ohoove Abramu, mi tti echishangwaawo. Yoothuviwaawo enaakhalle yuullupalli.”

Masalimo 119:114

Nyuwaano tti mwawiipitthamo mwaka, echishangwaaka kinnaroromella mawaanyu.

Masalimo 15:2

Tti oyo aneeta moohilakwa, oyo aneera ddoolungama erive enthawi, oyo anallota ovenyera vatthi va murima.

Masalimo 27:1

Apwiya sika owala waka ni oovullusaaka. Ttaani kinaamoovekeemi? Apwiya sika mpanda wooteteza okumaaka. Ttaani kinaamutthukumellellekeemi?

Masalimo 3:3

Koma nyu Apwiya, muri echishangwaaka, nyu sika munakipambaniha, nyu sika muri ookillipiha mwiilli.

Masalimo 47:9

Oohoollella a athu a mitundu ennatthukumana ni athu a Mulluku a Abrahamu, Vawi mamwene mattheene a vatthimva tti aaye, olliye annatitimihiwa wunchichi.

Masalimo 84:9

Nyu Mulluku, tti yawiitetezellaahu, wehani ekhove ya oozoziwaanyu.*

Masalimo 85:12

Ddawoona, Apwiya eneerovelleella ddaphaama, ellapwaahu eneerokhalla ni ddoohata ddinchichi.

Miyambo 10:9

Aweeta mwawookowa khanoova koma ookhoromaniha ettilla ddaye aneerophariwa.

Miyambo 2:7

Apwiya ennavelleella ezeru yaphaama wa athu oolungama nave ennaateteza ayo eri oororomelleya.

Miyambo 28:18

Oyo aneeta moororomelleya eneerovulluwa koma oyo anakhoromaniha meetellwaaye aneerewiikuha.

Miyambo 28:6

Oohoowa oororomelleya annamukhwaranya eeyuuma ookhoromaniha ettilla ddaye.

Mika 2:7

Ethiyo nyu a nibanja na Yakobo, ddenndda tti ddoophwanella oddillota? Ethiyo oreera murima wa Apwiya woomalla? Ethiyo nndda sika eerilleeye? Ethiyo mawaaka khenawiiha ddaphaama wa aweeta moolungama?’ ”

Malaki 4:2

Koma nyu awoova nnddina naka, nndduwa na echilungamo nineerewuukhumellani ni owaana ochiriha m'muuphello mwiwa. Muneerolluphallupha moohakallalla wonanko asaanaang'ombe ekhumihiwe munikhollani.

Mateyu 6:33

Koma yawaamba mwaashaasheke omwene wa Mulluku ni echilungamwaaye nave aneerewuuvahani ddeko ddittheddenenndda.

Yohane 1:16

Ovenyera mu oddalla wa echisomwaaye olliye oonidalisa hiyaano attheene nave oonivaha echisomo moowaata.

Yohane 1:9

Nngu sika owala wawoona nko onavollowa mu ellapo yavatthi ni omolleella va athu attheene.

Yohane 8:12

Yesu aallotattho wi, “Mi tti owala wa ellapo yavatthi. Oyo anakithwara miyaano aneerokhalla ni owala woovaha okumi nave kheetattho mwiipiphini.”

2 Akorinto 3:18

Hiyaano attheene ninnoona ntitimiho na Apwiya nihikhunenlle ekhove ddahu. Munepa wa Apwiya annanitthattusa wi niphwanaphwane ni olliyooyo okhalla ni ntitimiho nawunnuwa.

2 Akorinto 4:17

Nave ddookatamiha dding'onong'ono ninooneehu mvanndda ddineeroniphwanyella ntitimiho nuullupalli ni noohimalla, nookhwaranya ddookatahihannddo.

Agalatiya 2:14

Koonilleemi wi ddaweera ddiwa khaddaatthopoowa moollikana ni yawoona ya othenga waphaama, kaallota wa Petro vamiitthoni va attheenaayo wi, “Vawi weyaano Muyuda mwaneena onakhalla wonanko muthu oyo ahiri Muyuda. Vano onaawatiherella tini athu ayo ehiri Ayuda wi ekhalleke wonanko Ayuda?”

Deuteronomo 18:2

Ehikhalleke ni yoohallana wonanko malloko ddimodda vawi Apwiya sika yoohallaniiwa moollikana ni mmo yaalonjezelliiwa.

Afilipi 1:6

Nave kinimasimikiza wi Mulluku, oyo aambille mutteko waphaama yoolla mwa nyuwaano, aneerovirellella ophara ophiyera akuthullalle va Nllapo na owa wa Khrisitu Yesu.

Afilipi 4:19

Oyeella mwa Khrisitu Yesu Mullukwaaka aneerewuuvahani ddoopaalla ddanyu ddittheddene ovenyera mu eyuumaaye yawaata.

Yawuupullulla 21:23

Khewaapaalleyettho wi m'muzindanimmo mukhalle nndduwa apaalle mweeri wi ddimolleellekemo kaambiiwa ntitimiho na Mulluku sika owala nave mwaanaankhosa sika enyaaliiwa.