Masalimo 83:18 - Mawu a Mulluku

¹⁸ Edduwelle wi nyeeneve, nnddina nanyu tti Apwiya Amasiva Mattheene oolamulella ellapo yavatthi ettheene.

Masalimo 83:18 Iomraidhean Croise

Genesis 22:14

Nipuronno Abrahamu aanivaha nnddina nawi, “Mulluku annavaha.” Sika ophiyera ollello vineeriwa “Vamwaangoni wa Apwiya ennavaha.”

1 Mamwene 18:37

Kaakhulleni, nyu Apwiya, kaakhulleni wi athwaalla edduwelle wi nyu Apwiya muri Mulluku nave wi erukunuwe murima.”

2 Mamwene 19:19

Sika nyu Apwiya Mullukwaahu, munivulluse wa muthu yoolla wi mitundu ddittheddene dda va ellapo yavatthi ddidduwelle wi nyuwaano nyookha tti Apwiya Mulluku.”

Masalimo 18:13

Apwiya yaagugudeya ovenyera oddullu, Mulluku Amasiva Mattheene mawaaye yahiiweya.

Masalimo 35:4

Evevuwe nave ewulliwe muru attheene enaashaasha okumaaka. Ehokollweelle mutulli ethawe mwanampallalla ayo enapanganella yoonanara.

Masalimo 59:13

Muwoononge moowallaanyu, muwoononge wi etthollowe, wi athu edduwelle wi Mulluku sika anamulamulella Yakobo ophiyera omalla wa ellapo yavatthi.

Masalimo 9:16

Apwiya aadduupullulla weekhiiwa vaweeruzani moolungama. Athu oonanara aamakiwa mu musampha wooreya weekhiiwa.

Masalimo 9:2

Kineerohakallalla ni othapella ekaamba ya nyuwaano, kineerewiipa otetheella nnddina nanyu, nyu Amasiva Mattheene.

Masalimo 92:8

Nyu nyookha Apwiya tti Amasiva Mattheene wa enthawi yoohimalla.

Masalimo 97:9

Nyu Apwiya Amasiva Mattheene, tti oolamulella ellapo yavatthi ettheene, okhwaranya milluku ddittheddene.

Eksodo 6:3

Kahooneyella wa Abrahamu, wa Isaki ni wa Yakobo wonanko Mulluku Amasiva Mattheene koma ngaawaalleelle nnddina naka wi tti Apwiya.

Yesaya 42:8

Mi tti Apwiya, nnddina naka tti nenno khaavo kinakawaneemina ntitimiho naka nginakawana ntitimiho naka ni mafano.

Yesaya 5:16

Koma Apwiya Amasiva Mattheene aneerotitimihiwa ekaamba ya echilungamwiiwa. Mulluku Aweella aneerewooniha weella waye vaweerani ddoolungama.

Yesaya 54:5

Oophatusaawo ari wonanko mamuno, Apwiya Amasiva Mattheene sika nnddina naye. Aweelloolle a Israele sika Oowoopollaawo, nnddina naye tti Mulluku a ellapo yavatthi ettheene.

Yeremiya 16:21

Apwiya enallota wi, “Ekaamba ya yeella kineerewaahuddiha omoddave wenngu wi edduwelle masivaaka oopambana. Nave eneerodduwella wi nnddina naka tti Apwiya.”

Ezekiele 30:19

Mmu sika kinaamullakelleemi Iguputo nave aneerodduwella wi mi tti Apwiya.”

Ezekiele 38:23

Mmu sika kinaawoonihelleemi wi mi tti amasiva ni aweella nave kineerodduwanyeya wa athu a mitundu ddittheddene sika eneerodduwella wi mi tti Apwiya.”

Daniele 4:25

Muneerewiikarihiwa variyari va athu nave munaakhalleke vamodda ni enama ddamuhakani. Munaacheke manasi wonanko eng'ombe nave muneerekonaana ni nikame nooddullu wa miyakha mitthanu ni miilli ophiyera mudduwenlle wi Mulluku Ooddullu ookhalla ni masiva oolamulella moomwene a athu annaavelleella wa arive muthu moollikana ni mmo anapaallelleeye.

Daniele 4:32

Oneerewiikarihiwa variyari va athu nave onaakhalleke ni enama ddamuhakani. Onaacheke manasi wonanko eng'ombe wa miyakha mitthanu ni miilli ophiyera mudduwenlle wi Mulluku Ooddullu ookhalla ni masiva oolamulella moomwene a athu, annaavelleella wa arive muthu moollikana ni mmo anapaallelleeye.”

Mika 4:13

“We Ziyoni, amba wuuputha vawi kineerewuutthattusa amasiva wonanko manyaka amukoko, wonankottho manyallo amukuwa. Oneeronyenya mitundu ddinchichi dda athu nave nnddo yaphuralliiwa oneeroddivelleella wa Apwiya. Eyuumiiwa oneeroyivelleella wa Apwiya a ellapo yavatthi ettheene.”

Zekariya 4:14

Sika aallota wi, “Alla tti athu eelli ayo Mulluku aatthoollilleeye ni waazoza wi emurumeyelle olliye, Apwiya a ellapo ettheene.”