Masalimo 83:14 - Mawu a Mulluku

¹⁴ Wonanko mmo munllo onashellellihiiwa otthako, wonanko mmo onakharelliiwa vamiyaangoni,

Masalimo 83:14 Iomraidhean Croise

Yobu 21:18

Tti okavi aavenyihaka wonanko mallulla oovavihiwa ni ephevo, wonanko makattha ookusiwa ni namangalle?

Yesaya 17:13

Akhoto a mitundu ddimodda ennawa ni othuruma wonanko maaddi manchichi. Koma Apwiya ennaahumullulla nave eneerothawella woorekama. Eneerewiikarihiwa wonanko nthupi noovava ni ephevo va miyaango, wonanko mallulla oovava ni namangalle.

Yesaya 30:33

Nipuro nawoosella ddeko tti nookhoziwa khalle nno yamukhozelliiwa mwene a o Asiriya. Nipuronno tti noowallamella ni nuullupalli nooddalla ni ekhuni. Sika mpweya wa Apwiya wookhalla wonanko muhinje wa sulufure, oneerokhariha munllooyo.

Yesaya 9:18

Vawi onanara wa athu onakhara wonanko munllo wawoosa miiwa ddoohiyanahiyana. Onnashellellihattho otthako nave mwiisiiwa onakhalla wonanko murapo wawiitivalla.

Nahumu 1:10

Oolezelaalla eneeroshellellihiwa wonanko miiwa ni mapallaka awumma.

Nahumu 1:6

Ethiyo ttaani anaawore wiimella vamiitthoni va Apwiya, alliwa eshille murima? Ethiyo ttaani anaawore ovillella o owalliiwa? Alliwa enniitha owalliiwa malluku ennaphweeya vamiitthoni viwa.

Malaki 4:1

Apwiya Amasiva Mattheene enallota wi, “Ngoonani, nllapo ninimawa mvo athu awiitukhulla ni oonanara enaashellelliiwa wonanko mittatthi. Nllapo nenno eneeroshellella oohihallavo ello.

Deuteronomo 32:22

Owallaaka oneerokhara wonanko munllo, oneerophiya o ellapo ya ookhwa, oneerewoosa ddittheddene ddaveellaponi, oneeroshellelliha matthipello a miyaango.