Masalimo 82:3 - Mawu a Mulluku

³ Weerelleni ddoolungama athu oofooka ni oohiyiwa, weeruzeni moolungama oohoosiwa ni oohoowa.

Masalimo 82:3 Iomraidhean Croise

Yobu 29:12

Vawi kaamuvullusa oohoowa awinlla, mukhwaadduni oorama nikavihero.

Yobu 31:21

Kaarimi kitukhunlle nnatta omoopopiha mukhwaadduni, voororomellani wi mullatu oneerokeetella phaama,

Masalimo 10:18

Sika munnaateteza oohoosiwa ni akhwaadduni, wi athu a va ellapo yavatthi ehiwoopopihettho.

Eksodo 23:3

Waamweeruzaka muthu ohoowa, oheeruzeke moomukondella.

Eksodo 23:6

“Muthu mmodda oohoowa aawiipiwaka mullatu, ohimwimmane echilungamo.

Miyambo 31:9

Hulla vayanoni vawo weeruze moolungama, waallotelle oohoowa ni oopaneya.”

Yesaya 1:17

nave hudderani weera ddaphaama. Ashaashani echilungamo, akavihereni oopaniwa, atetezeni akhwaadduni ni owiimellella vamullatuni anaamukhwelle.”

Yesaya 1:23

Oohoollellaawo ennawukila nave enniiwanana ni allupaawiiya. Arive muthu annaakhella ddamukaphwani nave annathamakella emphaso. Khanaateteza akhwaadduni nave khanapwatha millatu dda anaamukhwelle.

Yeremiya 21:12

nyu a mu nibanja na Davide. Apwiya enallota wi mweeruzeke moothwara echilungamo erive enthawi. Mumutetezeke muthu oyo iiyeriwe katundwaaye woova wi osha murima waka onaakhare wonanko munllo woohithiimiheya ekaamba ya machimwaanyu.

Yeremiya 22:16

Yaanaateteza athu avatthi ni oohoowa, ddittheddene ddaanaweetella phaama. Ethiyo ddenndda khaddoonihalle wi yaanakidduwella? Mi Apwiya koollota.

Yeremiya 22:3

Apwiya enallota wi, “Mweeruzeke mweechilungamo ni moohiweha ekhove erive enthawi. Mwaatetezeke athu ayo yiiyeriwe katundwiiwa. Muhaakatamiheke alleto, akhwaadduni apaalle anaamukhwelle nave muhiwiipheke athu oohichimwa va nipuronna.

Yeremiya 5:28

Yooneneva nave miilli ddiwa tti ddoosalala. Ennavirellella weera mitteko ddiwa ddoonanara, kheneeruza mweechilungamo millatu dda akhwaadduni ni oohoowa wi ddeete phaama.

Zekariya 7:9

“Mi Apwiya Amasiva Mattheene kinallota wi, ‘Mweeruzaneke moolungama, mumorellaneke ethakaraka ni weerellana echifundo.

Deuteronomo 10:18

Ennaweeruzella phaama akhwaadduni ni anaamukhwelle nave ennaakonda alleto vawaavahani yoocha ni yoowara.

Deuteronomo 24:17

“Mulleto apaalle mukhwaadduni muhimweeruzeke moohilungama. Nave naamukhwelle muhikuseke yawiikhuneellanaaye wi ekhalle echikole ya ekongoli.

Yakobo 1:27

Ollapella wawoona ni waweella vamiitthoni va Mulluku ni Attiitthiihu tti waapwatha akhwaadduni ni anaamukhwelle mu ddoohoosa ddiwa navettho wiivaanyiha weekhaawo wi ohiripihiwe ni dda va ellapo yavatthi.