Masalimo 81:5 - Mawu a Mulluku

⁵ Aanivelleella lamulonno wa edduullu dda Yosefe ddakhumiiwa mu ellapo ya Iguputo. Kinniiwa mawu ayo kihinawiiwekeemivo ovenyera khalle, awi,

Masalimo 81:5 Iomraidhean Croise

Masalimo 114:1

Israele akhumalleeye o Iguputo, nibanja na Yakobo o mutundu wa athu a ellotello yeelleto,

Masalimo 77:15

Ni nnatta nanyu namasiva, mwaawoopolla athwaanyu, edduullu dda Yakobo ni Yosefe.

Masalimo 78:6

Sika mbado wa muhoollo wa anamwani ayo ehinayariweve oneerodduwella, nave ni olliwattho oneerotthopoollella aniiwa.

Eksodo 11:4

Vano Mose aamulleella Farao wi, “Apwiya enallota wi, ‘Kineerewaapheella mu Iguputo variyari va mahiiyu,

Eksodo 12:12

“Mahiiyu yaayo miyaano kineerovira mwiillaponi ya Iguputo nave variyari va Aiguputwaayo kineerowiipha anamwani aallopwana awaamba a athu ni a eziweto. Kineerollaka milluku ddittheddene dda Iguputo vawi mi tti Apwiya.

Eksodo 12:27

Vano nyuwaano muwaakhulleke wi, ‘Tti mukutho wa Ehakallallo ya Paska wowaatitimihana Apwiya ekaamba yawi yaakhwaranya enyumba dda Aisraele o Iguputo yawiiphiiwa anamwani aallopwana awaamba a Aiguputo. Koma yaanihiya ohiniipha.’ ” Oohoollellaayo yiiwalliiwa ddenndda yaakokhora ellapella.

Eksodo 12:29

Variyari va mahiiyu, Apwiya yaawiipha anamwani attheene aallopwana awaamba mu ellapo ya Iguputo. Yamwaambille mwaana aamullopwana awaamba a Farao oyo aphwanella ovollowa omwenaaye, ophiyera mwaana aamullopwana a mukaidi a mu enyumba dda mwiipiphini dda mu endende. Mwaana aamullopwana awaamba a eziweto ahiiphiwattho.

Yesaya 28:11

Ddawoona, Apwiya eneerewuuhuddihani oweella mwa athu a ellotello yeelleto, athu a mutundu mmodda.

Yeremiya 5:15

Nyu Aisraele, Apwiya eneerowaana akhoto oovenyera o ellapo yawoorekama. Olla tti mutundu wamasiva ni wakhallekhalle oyo ellotellwiiwa tti yeelleto nave khemunayidduwella.

Ezekiele 20:20

Muriiheke mallapwaaka a Sabata wi ekhalle oopatuleya ni echizindikiro variyari va miyaano ni nyuwaano. Sika muneerodduwella wi mi tti Apwiya Mullukwaanyu.’

Amosi 6:6

Munnamuwirya vinyo munchichi, muniihella makhura aphaama wunchichi koma khamunamoriwa ethakaraka ni woonongeya wa ellapo ya Yosefe.

Deuteronomo 28:49

Apwiya eneerewiithaniha mutundu wa athu ovenyera woorekama, wookomella ellapo yavatthi wi ollipane ni nyuwaano. Athu a mutundu oyo ellotellwiiwa muhinayidduwelleenyu eneerewuumorellani wonanko mpungu.

Deuteronomo 4:45

Alla sika malamulo, mawu ni malangizo ayo Mose aalleelleeye Aisraele ekhumalle mu Iguputo.